John 19:14 - Bo-Ung NT

¹⁴ Kot akili tinjiring enale yu ekupu mele. Opali ipulam-ui Pulu Yili-ni Juda-yambumanga anda-kolepalima Naa Topa Ola We Omba Purum mele piliiku kung sipsip-walále nungí enale wendu ombá. [Kóru mulungí ena akili] wendu ombále piliikuliinga ekupu mele Juda-yambuma-ni langi nungíma liiku undu-undu siring enale, ena kaniliinga enale omba ai-tangili mele, Paillet-kene Yesos kot tinjiring. Paillet kot piliimba poluna omba mania molupa kene, Juda-yimandu nimba mele: “Eninga yi nuim kingele kanai!” nirim.

John 19:14 Iomraidhean Croise

Matthew 27:45

[Yesos unji-perana ola we pípili] ai-tangili ena tuwallup killok tirim kene kolea pali sumbulú topa kene, penga ipinjali ena tre killok tirim kene kolea kelepa pa tirim.

Matthew 27:62

[Kanu-kene,] ‘Opali [kóru mulúli ena-] Sambatele.’ niku piliikulu kene, ekupu mele, mélema undu-undu siring ena kanili pora nirim-na opalikundu Pulu Yili popu tunjuring yi-aulima kene, Perisi-yima kene, enini [Rom-gapman yi-nuim] Paillet mulurumna puku liiku máku toku angiliiku kene

Mark 15:25

Ena topa ena nain killok tirim kene yunu unji-perana panjiring.

Mark 15:42

Ulsulam-uikundu [kóru muluring] ena-Sambatele nondupa ola ombá tirim. Sambat enale ola ombá kene kóru mulungéliinga ekupu-mele mélema liiku undu-undu siring enale wendu urum, ena akiliinga [Yesos ui kulupili] kolea kalá tomba tirim kene,

Luke 23:44

Yesos unji-perana ola we pípili ai-tangili ena tuwallup killok tirim kene kolea pali sumbulú topa kene penga ipinjali ena tre killok tirim kene ena alsupa topa kolea tangurum. [Ulu auli te walsekale wendu urumko. Pulu Yili popu toku kaluring] lku-temboll [Jerusallem sukundu angiliirim akuna sukundu Pulu Yili mulurum] Sulumina Aima Kake Tili akuna keri-puluna [‘Yambuma sukundu naa pangi.’ nikuliinga ui taki-taki] mulumbale auli te-ni pipi siku panjiring angiliirim. Mulumbale kanili ai-suku-singina olá topa ulsu purum.

Luke 23:54

Yesos ónu tirim ena akili ekupu mele, ulsulam-ukundu mele [kóru muluring] ena Sambatele nondupa wendu ombá tirim. Sambat enale wendu ombá kene kóru mulungíndu ekupu mele, mélema liiku undu-undu siring enale wendu urum, ena kaniliinga Yesos ónu tiring.

John 19:3

yu angiliirimna puku “Juda-yambumanga kingele, nu akuna angiliikunuye?” ni-pui-upui teku, yu kumbi-kerina lkarauwa-ni turing.

John 19:42

Yesos ónu tiringli enale yu ekupu mele, opali mele [kóru muluring] ena-Sambatele nondupa wendu ombá tirim. Sambat nimba wendu ombá kene kóru mulungíndu ekupu mele, mélema liiku undu-undu siring enale. Sambat-enale nondupa wendu ombá tirim-na piliikulu kene ónu tiring ku-muru akili nondupa lirim-na Yesos akuna ónu tiringli.

John 19:5

Kanu-kene Yesos ka ko-ko mululi te-ni tiring wanie-kraon melale kene wale-pakuli kunduliele pakupa wendu urum kene Paillet-ni eninindu nimba mele: “Yili i okum kanai!” nirim.