John 18:12 - Bo-Ung NT

¹² Kanu-kene ami-yima kene eninga nukuli yili kene Juda-yambumanga ele-yima kene enini Yesos ambolku liiku ka siku meku puring.

John 18:12 Iomraidhean Croise

Matthew 26:57

Kanu-kene Yesos ka siku kene Pulu Yili popu tunjuring yi-auli-olandupa Kayapas mulurumna meku puring. Pulu Yili-nga ung-manimanga puluma piliiku ung-bo tunjuring yima kene, Juda-yambumanga tápu-yima kene, enini [‘Yesos kot tenjipu piliamili.’ niku] akuna ui oku máku toku muluring.

Matthew 27:2

Aku niku panjiku kene yunu liiku, ka siku, meku puku, [Rom-]gapman yi-nuim Paillet mulurumna meku puku kot tinjiring.

Matthew 27:27

Kanu-kene [Rom-] gapman yi-nuimeliinga ami-yima-ni Yesos liiku yi-nuim kanili pirim lku auli akuna sukundu [yambuma liiku máku toku muluring koleana] puku kene, eninga ami-talapena-yima pali “[Yesos ya molemúna] sukundu-sukundu wai.” niring.

Mark 14:53

Kanu-kene Yesos [ka siku kene] Pulu Yili popu tunjuring yi-auli olandupale mulurumna meku puring. Pulu Yili popu tunjuring yi-aulima kene, Juda-yambumanga tápu-yima kene, [Pulu Yili-nga] ung-manimanga puluma piliiku ung-bo tunjuring yima kene, enini pali [‘Yesos kot tenjipu piliamili.’ niku] akuna oku máku turing.

Mark 15:1

Ulsulam-ui muni-poluna kolea tangurum kene Pulu Yili popu tunjuring yi-aulima kene, Juda-yambumanga tápu-yima kene, Pulu Yili-nga ung-manimanga puluma piliiku ung-bo tunjuring yima kene, kanjoll-yi kanuma pali, [Yesos-nga kotele piliiku pora siku kene] enini pali [yunu-kene tingí mele] wai toku niku panjiring. Aku-siku niku panjiku kene yunu liiku, ka siku, meku puku, [Rom-gapman yi-nuim] Paillet mulurumna meku puku kot tinjiring.

Luke 22:54

Kanu-kene Yesos ka siku kene Pulu Yili popu tunjuring yi-auli olandupa akiliinga lkuna sukundu meku puring. Yesos meku puring kene Pita yunu lumbili aelepa táka-nimba purum.

John 18:3

Kanu-kene Judas-ni [‘Yesos akuna wasie taki-taki pupu molemuláliinga yu akuna molumba.’ nimba piliipaliinga,] akuna urum. Yu ami-yi-talape te kene Pulu Yili popu tunjuring yi-aulima kene Perisi-yima kene yi-auli kanuma-ni liiku munduring ele-yi mare kene akuna memba urum. Enini kamaye kanduku meku, tepi-llamema kanduku meku, ele tili mélema meku uring.

Acts 10:1

Rom-yi te kolea-auli Sisaria mulurumeliinga bili Konillias. Yunu Rom ami-yi wan-andret nukurum yili. Ami-yimanga talape akiliinga bili “Italli Ami-Yi Talapele”.

Acts 21:31

Yunu toku kunjingí teku muluring kanu-kene Rom-ami-yima nukurum yi-nuim kanili Jerusallem yambuma-ni pali teku kis-siku muluring mele temanele piliirim.

Acts 21:37

Ami-yima-ni Poll eninga lkuna lku-suku meku pungí tiring kene Poll-ni ami-yi nuimele mawa tepa kene “Na-ni nundu ung te niambu.” nirim. Yi nuimele-ni pundu topa kene nimba mele: “Nu Grik-ung piliillu lam.

Acts 23:10

Kanjoll-yima tondulu munduku ung-muranale teku aima arerembi lakuku kuluring kilia Rom-ami yi-nuimele-ni mini-wale mundupaliinga, ‘Poll anju-yandu kunduku toku kunjingí.’ nimba piliipaliinga, ami-yimandu nimba mele: “Eni mania puku, yunu tondulu munduku liiku meku lkundu wangi pai.” nirim.