James 4:14 - Bo-Ung NT

¹⁴ Opali ulu te wendu ombá kene mulungí mele eni naa piliilimili kanili. Eninga kona mululi ulu akili taena tepi kalemele kene walsekale ikilia wendu omba nondupa pora nilimú mele.

James 4:14 Iomraidhean Croise

James 1:10

Akiliinga-pe pllawa-kuku te tondulu naa pupa nondupa topa tanda lelemú mele yambuma aku-siku kamu molku sulu naa puku, nondupa kolemele-na piliipa kene [Krais-nga] yambu-kamakale [Pulu Yili-ni] ‘Yu bi naa molupa we-yambu mele mulupili.’ nimbá kene numanu sipili.

1 Peter 1:24

[Ung akili pora naa nilimú mele ung te Pulu Yili-nga bukna molemú,] akili i-sipa mele: ‘Yambuma pali era mele, enini molku konjulemele pllawa-kuku mele. Erama kolemú kene pllawa-kukuma olé lepa mana mania pulimú akiliinga-pe Auliele-nga ungele taki-taki lepa mindi pulimú pumba.’ Asaya 40:6-8 [nimba aku-sipa molemú.] Ung akili eni temani-kaiéle toku siring ung kanili.

1 Peter 4:7

Mana-mélema pali pora nimbá enale nondupa wendu ombá tekem. Nondupa wendu ombá tekem akiliinga eni numanu-bo pípili molku konjuku, Pulu Yili-kene popu toku ung niku molai.

1 John 2:17

Ma-koleale kene méle numanu monjulemele mélema pali pora nimbáliinga-pe yambu te Lapale-ni “Ti.” nilimú mele piliipa liipa teng panjipa tepa molemú yambale taki-taki molupa konjupa mindi pumba.