Hebrews 8:9 - Bo-Ung NT

⁹ I ung kona niker akili ui eninga anda-kolepalima kolea Isip wendu liipu ulsu membu urundu enaliinga yambu kanuma-kene nimbu panjipu mi lirindu mele tilu-sipa mólu. LLipai 26:12 Na-ni enini-kene ung nimbu panjipu mi lirindu ungele naa piliiringeliinga na-ni ‘Enini molku kis-sangi.’ nimbu liipu bulu sirindu.

Hebrews 8:9 Iomraidhean Croise

Mark 8:23

Aku-siku niring kene Yesos-ni mong kis lili yili ki ambulupa taon-na ulsukundu memba pupa kene yunga mongselenga lkambe topa kanjupa kili-ni ambulupa kene nimba mele: “Nu ekupu méle te kanokunu mola móluye?” nirim kene

Acts 13:11

Aku lem kapula, Auliele-ni nu-kene ‘Ele-tu-sele molambili.’ nikem. Nunga mongsele limba kene nu-ni kolea pa tembale kapula naa kanukunu, ena mare kene súmbulu túlina muluni.” nirim. Poll-ni aku-sipa nirim kene enaliinga kupa mele te-ni Ellimas-nga kumbi-kerale pipi sipa sumbulú turum kilia yunu andumbándu piliipa sundurum. Yambu te-ni yunu ‘ki ambulupa kupulanum liipa ora sipa memba pupili.’ nimba kururum.

Acts 7:36

Yi Moses kanili yunu-ni yambuma kolea Isip memba wendu urum. Enini kolea Isip sukundu muluring kene kepe, Numú Kundulina uring kene kepe, kolea-wakana punie paon tale anduku muluring kene kepe, yunu-ni [Pulu Yili yununu mulurum mele] liipa ora sirim ulu-tondulu pulele tirim.

Acts 9:8

Soll mong makiliipa ola mulurum akiliinga-pe mongale-ni méle te naa kanurum. Akiliinga, yunu-kene wasie puring yima-ni yunu ki ambolku meku kolea-auli Damaskas sukundu puring.

Galatians 4:24

Ambu kanusele Pulu Yili-ni ung tale nimba panjipa mi lirim-sele mele manda monjukulu, elsele-ni tiringli uluselenga ung-eku te pelemú. [Kendemande-]ambu Aka yu Pulu Yili-ni ung te mulú Sainai-na nimba panjipa mi lirim ungele mele molemú. Ung kanili [Pulu Yili-ni Moses sirimele-ni] kongun kendemande-yambu mulungí kangambulama melale.