Ephesians 2:1 - Bo-Ung NT

¹ Eni [Juda-yambu naa molemelema], eni lawa tiring uluma kene, ulu-pulu-kísima kene, pirimeliinga eni ui yambu kulúlima muluring.

Ephesians 2:1 Iomraidhean Croise

Matthew 8:22

Akiliinga-pe Yesos-ni yundu [ung-eku topa kene] nimba mele: “Yambu kululi yambuma-ni enini yambu kulungíma ónu teangi. Akiliinga-pe nu na lumbili ui.” nirim.

Luke 15:32

Akiliinga-pe angena ui kulurum [mele tirim] kanili ekupu alsupa kona molupa um. Yunu ui pupa purum [mele tirim], ekupu kelepa um kanupu líímulu akiliinga oliu numanu sipu musik ung sipu langi nombu molkumulu akili kapula tekemulu.” nirim.” [nimba Yesos-ni] aku-sipa nirim.

John 10:10

Wa nuli yili-ni wa nomba, topa konjupa, tepa kis-simbandu mindi olemú. Akiliinga-pe na-ni ‘Enini kona molku aima molku konjangi.’ nimbu urundu.” niker.

John 14:6

Yesos-ni yundu nimba mele: “Na kupulanumele, na ung-sikale, kona molku mindi pungí ulu-pulele na. Yambu te Tata molemúna pumbandu na molumbuna mindi kapula ombá. Kupulanum te-lupa mólu.

John 5:21

Akili nambi-sipa wendu ombáye? Lapale-ni yambu kulúlima topa makinjipa kene ‘Kona molangi.’ nilimú mele aku-sipa Málale-ni yambu kulúlima ‘Kona pangi.’ nimba piliilimú yambuma tepa kona liilimú.

John 5:25

Na-ni enindu aima sika nimbu siker: “Ena wendu ombále ekupu kórunga wendu um. Ena kaniliinga Pulu Yili-nga Málunga ungele kululi yambuma piliingí. Kanu-kene yunga ungele ‘Sika’ niku piliiku liingí yambuma kona mulungí.” niker.

Romans 8:2

Oliu Krais Yesos-kene wasie tapú-topu molemuláliinga kona mululi ulu-pulele pelemú Mini Kake Tiliele-ni oliu nokupa, ‘Ulu-pulu-kísele kene kululi ulu-pulele kene oliu nukuringli-seleni oliu naa nokangli. Molku konjangi.’ nilimú akiliinga [yambu te-ni oliu-kene aku-siku ulu te kapula naa tepa nimbá].

1 Corinthians 15:45

Aku-sipa mele [Pulu Yili-nga] bukna ung te molemú. Ung kanili-ni nimba mele: “Ui kumbi-lepa mana-yi Adam [Pulu Yili-ni tepa mimi tepa kene] ‘Mana kona mulupili.’ nimba ulu-pulu te sirim kene kona mulurum.” Ui-Pulu-Pulu 2:7 nilimú; [akiliinga-pe] penga urum Adam [Pulu Yili-ni kona mululi ulu-pulele sirimele lupa]. Yu ‘Mana-yambuma [mulú-koleana] kona molangi.’ manda nimbá ulu-pulele sirim.

2 Corinthians 5:14

Krais-ni na numanu monjulemú mele piliipu kene kongun ili manda mundupu naa kelepu, [‘Yambu mare-ni na kanuku kis piliingí kene ulu te mólu.’ nimbu,] we ambulupu moliu. Na piliiliu: Yi tiluele yambumanga pali kulunjurum akiliinga oliu pali kulurumuluko. ‘Akili sika tirim.’ nimbu aima tondulu mundupu piliipu kene, yu-ni na aima lakupa numanu monjupa kene aku-sipa tinjirim mele piliipu kene ‘Kongun teliu ili naa tindu lem kapula naa temba.’ nimbu kongunale we tepu moliu.

Ephesians 4:18

Yambu kanuma enini uluma pali naa piliiku eninga numanuma pipi silimeláliinga Pulu Yili molupa telemú mele naa piliiku, eninga piliipa kungnjúlima súmbulu tolemú akiliinga enini Pulu Yili-nga kona molupa kunjulieliinga ulsukundu molemele.

Ephesians 5:14

Pa tiliele-ni méle te tepa mokeringa lenjilimú kene méle kanuma kepe pa telemú akiliinga mélemanga puluma mokerenga lelemú. Akili piliiku konana tenga ung te turing kanili. Akili i-sipa mele: “Yambu uru píliele, nu ola muluyo. Lomburukunu ola muluyo. Aku tiní kene Krais-ni nu mulunina pa tenjimba.” nilimú.

Colossians 2:13

Eni ui-we-numanuma pípili ulu-pulu-kísima tiring kene kepe, eni Juda-yambuma naa molku yambu-lupama muluringeliinga Pulu Yili-nga ung-manima-ni eni naa nukurum kepe, ulu akusele-ni eni topa kunjurum, yambu kulúlima mele muluring, akiliinga-pe Pulu Yili-ni ‘Eni Krais-kene wasie kona molangi.’ nirim. Yu-ni oliunga ulu-pulu-kísima kanupa konde tenjipa ‘Kamu mania pupili.’ nimba,

1 Timothy 5:6

Ambu-waye te yu-yunu numanale-ni piliipa wapera topa uluma telemú ambu kanili yu sika we molemú akiliinga-pe ambale yambu kululiele mele molemú.

1 John 3:14

‘Oliu anginipili numanu monjupu molemuláliinga oliu kolumulú kupulanumele mundupu kelepu kene, kona molupu konjupu mindi pumulú kupulanum-na molemulu.’ nimbu piliilimulu. Yambu te-ni anginipili numanu naa monjupa molemú yambale yu yambu kululi kupulanum-na molemú.

Revelation 3:1

[Yili-ni alsupa nimba mele:] “Kolea Sadis taon-na Krais-nga yambu-talapeliinga angkellalendu i-sikunu pepá toku mundui: “Pulu Yili-nga mini angere yupuku-guli kene kombukantupu angere yupuku-guli kene ambulupa molemú yili-ni ‘Pepá toku mundui.’ nimba, angkella akilindu nimba mundukum. Yu-ni nimba mele: “Na-ni nu uluma tellu mele piliipu kanoliu. Yambuma-ni ‘Nu kona mollu.’ nilimele akiliinga-pe nu kolkunu pora sirinu.