Acts 7:55 - Bo-Ung NT

⁵⁵ Akiliinga-pe Mini Kake Tiliele Stipen yunga numanuna omba molupa kapula tirim-na yunu-ni olandu-sipa mulú-koleana sukundu kanurum kene Pulu Yili-nga talang tondulu puliele kene yunga tondulale kene kanuma kanupa, Yesos Pulu Yili-nga ki-bokundu ola angiliirim kanurum.

Acts 7:55 Iomraidhean Croise

Mark 16:19

Auli Yesos-ni [yunga lumbili andúlima]ndu aku-sipa nimba pora sirim kene [Pulu Yili-ni] yu mulú-koleana olandu liirim. Akuna [bi ola mulupili Pulu Yili-kene mélema nokumbandu] Pulu Yili-nga ki-bokundu pupa mulurum.

John 11:41

Aku nirim kene enini ku akili wendu liiring. Kanu-kene Yesos-ni olandu-sipa kanupa kene nimba mele: “Tata, nu-ni na pilííneliinga na-ni nu ‘Aima angke.’ niker. Papu tinu.

John 12:41

Asaya-ni Yesos-nga tondulale kanupa kene yu-ni Yesos-nga aku-sipa ninjirim.

John 14:3

We naa-ko tenjimbu. Eni mulungí koleale pupu tepu mimi tenjipu kene, penga na molumbuna ‘Eni kene wasie molamili.’ nimbu eni ombu liimbu.

Acts 2:4

Kanu-kene Mini Kake Tiliele Yesos-nga lumbili anduli yambumanga numanuna sukundu omba molupa kapula tinjirim. Kanu-kene Minéle-ni enini lupa-lupa ‘Bo-ung lupa-lupama kerina niangi.’ nimba silisili tirim kene enini bo-ung ui naa liring ung lupa-lupama pulu monjuku leku niring.

Acts 4:8

Kanu-kene Mini Kake Tiliele Pita-nga numanuna omba molupa kapula tirim-na Pita-ni eninindu nimba mele: “Eni Juda-yi-aulima kene, tápu-yima kene,

Acts 6:10

akiliinga-pe Mini Kake Tiliele-ni Stipen aima piliipa kungnjuliele tunjurum-na yunu-ni nirim mele piliikuliinga yambu te-ni aima pangá ukuku ung te kapula naa niring.

Acts 6:3

Angmene, eninga yi angere yupuku-guli, Mini Kake Tiliele kene piliipa kungnjuliele kene píli, yambuma-ni kanuku kaí piliilimili yima kanuku makó tai. ‘Langi kongunale oliu-ni telemulale enini tenjangi.’ nimbu mundupu kelepu,

Acts 6:5

Aku-siku niring-na yambuma-ni pali piliiku kaí piliiku kene, Stipen makó turing. Yunu Pulu Yili ‘Sika’ nimba aima tondulu mundupa piliirim yili; yunu Mini Kake Tiliele numanuna molupa kapula tinjirim yili. Yi talse makó turingmanga bima i-sipa mele: te Pillip, te Porokoras, te Naikena, te Taimon, te Pamenas, te Nikollas. Nikollas kolea-auli Andiyok yi ili, yunu Juda-yi te mólu. Yunu yi te lupa molupa kene, uinga Juda-yambumanga ulu-pulu tiring akili mele topele topa tirim yili.

Acts 6:8

Stipen, yunu Pulu Yili-ni yambuma we kondu kululi ulu-pulele kene Pulu Yili-nga tondulale kene pirim kilia yambu muluringmanga andupa [Pulu Yili yu-kene mulurum, yunga ungele sika nimba sirim mele] yambuma liipa ora sirim ulu-tondulu pulele tirim.

2 Corinthians 4:6

Akiliinga pulele i-sipa mele: “Kolea súmbulu túlina pa tipili.” nirim [kene Ui-Pulu-Pulu 1:3 ma-koleana pa tirim] Pulu Yi kanili yu-ni oliunga numanuna sukundu pa tinjirim. ‘Oliu-ni ‘Pulu Yili-nga tondulu talang puliele-ni Krais-nga kumbi-kerina pa tepa talang pulimú.’ nimbu piliamili!’ nimba aku tirim.

Hebrews 1:3

[Enale talang pulimú mele aku-sipa] Málale talang pulimú akili-ni Pulu Yili-nga talang tondulu mundupa pulimú talang puliele oliu liipa ora silimú. Pulu Yili molemú mele Málale aku-sipa molemú. Málunga ung tondulale-ni mélema pali kapula molemele. Yu-ni ‘oliunga ulu-pulu-kísima omba mania pupili, oliu yambu kalaru naa mulúlima molangi.’ nimba kongun tepa pora sipa kene [mélema pali nokumbandu] mulú-koleana Yi Nuim King Auli Olandupaliinga ki-bokundu pupa mulurum molemú.

Hebrews 8:1

Na-ni ‘[Pulu Yili-ni makó topa] ‘Oliunga popu tunjuli yili mulupili.’ nirim.’ niker akiliinga ung-pulele i-sipa mele: Yi nindu kanu-sili te oliunga popu tunjuli yi-auli-olandupale molemú kanili [mélema pali nokumbandu] mulú-koleana Yi Nuim King Auli Olandupale kolea nokupa molemú polaliinga ki-bokundu pupa molemú.

2 Peter 1:17

[Oliu kanupu molamili mulú-]kolea tondulu talang puliele pelemú koleana ung te wendu omba kene yundu nimba mele: “Nanga aima numanu monjuliu kang ili. Yu na-ni numanu sipu moliu yili.” nirim kene Lapa Pulu Yili-ni ‘Yunga bili aima ola pípili. Tondulu talang puliele yu-kene pípili.’ nirim.

Revelation 21:11

Jerusallem pa tirimele Pulu Yili-nga tondulu talang puliele-ni talang pupa, bo-ku te ku-moni aima olandupa pulimú te tondulu talang pulimú mele, ku-jaspa mele, yu aku-sipa tondulu talang pupa min-mana tepa, aima kariyapa mele pa tirim.