Acts 2:31 - Bo-Ung NT

³¹ Depit [yunu Pulu Yili-ni nimba sirim mele piliipa yambuma nimba sirim yili molupa] penga wendu ombá mele ui piliipa kene nimba mele: ‘Pulu Yili-ni yunga minéle yambu kolku pulimelé koleana mulupili mundupa naa kelepa, yunga ónale naa purumbá.’ Konana 16:10 nirim akili Pulu Yili-ni makó topa liipa mundurum yi-nuim Kraisele kolupa kene alsupa lomburupa ola molumbálendu nirim.

Acts 2:31 Iomraidhean Croise

Matthew 11:23

“Kapeniam taon-na [yambuma eni] ‘Mulú-koleana pupu molamili.’ niku piliikimiliye? Akili kapula mólu. [Eni nanga ungma taki-taki piliilimili akiliinga-pe numanu topele naa tolemeláliinga] eni kolea kísina puku mulungí. Eninga koleana sukundu ulu-tondulu pulele tirindu [akiliinga-pe eni numanu topele naa turing]. Kolea-auli Sodom sukundu [ulu-tondulu te naa tirindeliinga-pe kolea kanuna sukundu] na-ni ulu-tondulu aku-sipu telka kanolkemelanje yambuma numanu topele tolkemela, pe ekupu kepe kolea kanili we lelka.

1 Corinthians 15:4

Pe ónu tiring. Ónu tiring kene pe Pulu Yili-nga bukele-ni nilimú mele yu wale tale pepa kene yupuku-sipaliinga lomburupa ola mulurum kanili.

Galatians 3:8

Penga wendu ombá mele Pulu Yili-nga bukna ui mulurum. Penga Juda-yambu naa molku yambu-lupama-ni ‘Sika’ niku tondulu munduku piliingéliinga Pulu Yili-ni enini kanupa kene ‘Eninga ulu-pulu-kísima mundupu kelepu, ‘numanu sumbi nimba pípili molemele yambuma’ nimbu kanombu.’ nimbá mele Pulu Yili-ni ui Eprayam-ndu temani-kaiéle pemba mele topa sipa kene nimba mele: ‘ “Nu-ni kalku liini yi te-ni tembaliinga ma-koleana yambuma pali membu pemba kene molku kunjingí.” nirim.’ Ui-Pulu-Pulu 12:3, (18:18), 22:18, 26:4 nimba molemú.