2 John 1:8 - Bo-Ung NT

⁸ Eni ‘Méle liimulú.’ niku kongun mindili siku telemelema ‘Omba mania pumba.’ niku nokuku konjuku gi siku ambolku molangi. Eni méle kaluli kaí simbama pali liingí kene kapula.

2 John 1:8 Iomraidhean Croise

Matthew 24:4

Yunu-ni eninindu nimba mele: “[Ulu kanuma wendu ombáliinga ung mare] yambuma-ni eni gólu toku singéliinga kanuku piliiku kongnjuku molai.

Mark 13:23

Akiliinga, penga ulu akuma wendu ombá mele akili ‘Eni ui piliangi.’ nimbu ya nimbu siker mele piliiku kene kanuku piliiku kongnjuku molai!” [nirim.]

Mark 13:9

“[Ulu kanuma wendu ombá enama] yambuma mimi-siku piliai. [‘Na lumbili anduli yambuma mindili noku, kolangi.’ niku,] eni [mare ambolku liiku kene] kanjollumanga mákumanga meku puku kot tinjingí, eni [mare] Juda-yambuma máku toku Pulu Yili-nga ungele piliilimili lkumanga liiku meku puku kimbulú-ni tungíko. Eni nanga yambuma mulungéliinga eni [mare ka siku] gapman-yi aulima kene yi nuim kingima kene mulungína [kot tinjingíndu] meku pungíko. Aku-siku tingéliinga eni-enini piliiku kongnjuku molai. [Akiliinga-pe kot tinjingí kene kot-na angiliiku kene yi kanuma kene yi kanuma nukungí yi-nuimima kene] eni ‘Nanga ungele piliangi.’ niku enini niku singí.

Luke 19:19

yi nuim kingele-ni yunundu nimba mele: “Aku-siku tirineliinga nu-ni kolea-auli angere te-guli nukui.” nirim.

Luke 21:8

yunu-ni eninindu nimba mele: “[Ulu kanuma wendu ombáliinga ung mare] yambuma-ni eni gólu toku singéliinga kanuku piliiku kongnjuku molangi. Yi pulele-ni oku na moliu mele lupa-lupa gólu toku niku mele: “[Pulu Yili-ni ‘Nanga yambuma nokupa kunjupili liipu mundumbu.’ ui nimba makó turum yi-nuim Krais] akili na.” niku kene, “[Male pora nimbá] ena nirimele wendu ombá tekem.” ningíko. Enini lumbili naa pai.

John 4:36

Langi lkenjilimú yili langi lkenjilimáliinga méle kaluli kórunga liipa, ‘Lepa mindi pupili.’ nimba langima lkenjepa molemú. Aku tenjilimáliinga punie tepa langi panjurum yili kene langi lkenjilimú yili kene wasie-nele numanu singlí.

1 Corinthians 15:8

Aima aelepa na [Poll] mulurunduna ‘Kanambu.’ nimba omba mokeringa angiliirim. Na yi aima kis, na kangambula nomba omba pulimú kangambula kanu melale molupu kona manda naa molumbu mele mulurundu akiliinga-pe yu-ni na mulurunduna omba mokeringa angiliirim.

1 Corinthians 3:14

[Manda lemba kene] yambu te-ni mania talape topa lelemú kumanga ola lku takombale tepi-ni naa nomba pora símu lem yunu méle kaluliele liimba.

1 Corinthians 3:8

Yambu langi-bo tolemú yambale kene puniena andupa no silimú yambale kene yambu akuselenga kongun te ola-kilia te mania-kilia mele mólu. Yambu akusele-ni [Pulu Yili-nga] kongun mindi tingláliinga telembele mele akili mimi-sipa kanupa apurupa lupa-lupa méle kalomba.

Galatians 3:4

[‘Krais sika.’ niku tondulu munduku piliiring kene] [Mini Kake Tiliele-kene] ulu [kaí aku-sipa] mare eni-kene wendu urum akuma we wendu urumye? ‘Ulu [kaí] akuma we wendu urum lam.’ nimbu kanokur. ‘[Ulu kaí akuma wendu urum kene penga ‘Moses-ni ung-mani sirimuma-ni oliu tepa liimba.’ niku piliiku liiring] akili aima kis.’ nimbu piliiker.

Galatians 4:11

[Aku-siku telemeláliinga] ‘Na-ni eni mindili sipu mani sirindu mele we tirindunje. Eni-kene kongun tirindele we mania pumba. Na eni mani sirindu ungma munduku kelku ui piliiku tiring mele alsuku piliiku tingí kene kis lemba.’ nimbu na aima mini-wale mundukur.

Philippians 3:16

Akiliinga-pe ‘ulu kaíma teamili.’ isili-ui nimbu tepu molemulu mele mundupu naa kelepu aima kamu aku-sipu tondulu mundupu tepu molamili.

Hebrews 10:32

Eni ui Pulu Yili-nga ungele kumbi-leku piliiku liiku kene tiring mele alsuku piliai. Eni mindili siring kene we mindili noku tondulu munduku molku Pulu Yili munduku naa kiliring.

Hebrews 10:35

Ui aku-siku tiring mele alsuku piliiku kene ‘Sika liipa tapunjilimú. Sika aku-sipu molomulú.’ niku tondulu munduku piliiring mele ekupu munduku naa kelai. Tondulu munduku piliiku mulungí kene akiliinga, méle kaluli kaíma eni auli-teku liingí.

Hebrews 12:15

Eni mimi-siku kanuku mulungí akili i-sipa mele: Pulu Yili-ni eni we kondu kolupa kene liipa tapunjupa tepa liirim kupulanumele eni yambu te mundupa kelembaliinga mimi-siku kanuku molai. Unji te mong kumbili tílima tolemú mong akumanga te liiku langi kalemelena suku mundulimele kene langima pali kumbili telemú, aku-sipa mele eninga yambu te molupa kis-simba kene eni pali yu manda leku teku buni eni-kene pípili molku Pulu Yili-ni ‘eni kalaru mulupili molemele’ nimba kanombaliinga mimi-siku kanuku molangiko.

Revelation 3:11

“Na nondupa ombú teker akiliinga nu ambolullu mélema tondulu munduku ambolkunu mului. Nunga méle kaluli nosinjiliale ‘yambu te-ni lupa naa liipili.’ nikunu aku-siku tekunu mului.