1 Peter 5:11 - Bo-Ung NT

¹¹ [Yambuma kene mélema kene pali] Pulu Yili yu-yunu mindi kam-kamu tondulu pupa bi ola molupa mindi pupili molemú. Aku-sipa sika tipili.

1 Peter 5:11 Iomraidhean Croise

Romans 11:36

Yu mélema pali tirim Pulu Yili; yunu mélema pali tondulu sipa nokupa molemú; mélema pali yunga mendepolu. Ekupu kepe penga taki-taki kepe oliu-ni ‘Yu aima olandupa yili. Yunga bili mélemanga pali aima olandupa molemú.’ nimbu yunu kape nimbu bili paka tonjulsiliipu mindi pamili. Sika aku-sipa tipili.

1 Peter 4:11

Yambu te-ni ung nimba simba lem Pulu Yili-nga ungma mindi nimba sinjipili. Yambu te-ni yambu marenga kongun tenjimba lem Pulu Yili-ni tondulu silimú tondulale-ni mindi tinjipili. ‘Ulu temulúma pali yambuma-ni kanuku kene Pulu Yili kape niku yunga bili paka tonjangi.’ niku Yesos Krais wasie tapú-toku molku kene ulu akuma teai. [Yambuma kene mélema kene pali] yunga bili kam-kamu ola molupa mindi pupa, yunga tondulale taki-taki pepa mindi pupili molemú. Aku-sipa sika tipili.

Revelation 1:6

‘Yunga Lapa Pulu Yili-nga kongunale tenjangi.’ nimba ‘Oliu yu-kene mélema nokupu molupu, Pulu Yili popu tunjuli yambuma molangi.’ nirim yili, yunga bili taki-taki aima ola molupa, yambuma nokumba tondulale yu-kene kam-kamu pepa mindi pupili. Aku-sipa tipili.

Revelation 5:13

Kanu-kene mulú-koleana molemele mélema kepe, ma-koleana molemele mélema kepe, mana sukundu molemele mélema kepe, numú-kusana molemele mélema kepe, koleamanga pali molemele mélema-ni niring mele piliirindu. Enini niku mele: “Yi nuim king poluna molemú yili kene Sipsip-Walále kene elselendu “‘Molku kunjangli!’ nimbu taki-taki kape nimbu bili aima olandupa pepa, tondulu talang puliele kene yambuma nokumba tondulale kene kam-kamu elsele-kene pepa mindi pulimú pumba.” nimbu molamili!” niring.