Lukas 8:12 - Ɗû na sɗik na wiini Alaw

¹² Nagai na ɵimaɗi futi e ɗi nagai n'e ɵini seŋ, asakal par, Mat a halasi a mula seŋ hanɗa edi warɗi agulɗi par, kapai e yimi aŋ nivi kûri kai.

Lukas 8:12 Iomraidhean Croise

Seŋ joro 1:29

Buri ɓa ki ɗiyi sini siɗi kai, ki viri aŋ zini hormo wiini EPIƊ-ƊAI ɗa kaalai.

Seŋ joro 4:5

Paya yel, paya siɗi, seŋ na mu mɗunku ɗa, ku wula muduku gaini kaalai

Esaya 65:11

Amma buriki tiki na ki hini Alaw edi, na midiki a wula gaiɗi huniya na sɗik, na ki zizini wala zi simi zi ɓaka midini tabelni Gad, e sini wazagai zi ci wiini Meni,

Matewus 13:19

Won hlai na ɗif a ɵina seŋ midiɗi pai, amma a ɵina ezini edi kai, na meefeŋ a halasi a mula wazagai n'a suuɗa warɗi agulni par, hanɗa a ni n'a nava sûûɗini seyem ɵimaɗi futi.

Matewus 13:4

Won hlai n'a na suuɗaŋ seyem zamai a yaka ɵimaɗi futi, wala zi ɗufli a halasi a sumaŋ.

Markus 4:15

Seyem n'a suuɗa ɵimaɗi futi ɗa e ɗi nagai na seŋ a suuɗa warɗi, won hlai n'e ɵini seŋ li tar ɗa, Satan a halasi a tika seŋ n'aŋ warɗi ɗa edi.

Lukas 8:11

Seŋ zi siŋka maini hanɗa a muɗa na ɗa maini nɵa: Seyem ɗa a seŋni Alaw,

Lukas 8:13

Nagai na midini afti zi kriyit ɗa, e ɗi nagai na won hlai n'e ɵini seŋ li, e yimiŋ gaini firiyi, amma sirdaini warɗi kai. E yimi burini hlai n'agwi, amma won hlai na titimi a cosi li ɗa, e yimi warɗi edi.

Lukas 8:5

Ɗif zi sûûɗi seyem a hala edi aŋ suuɗa seyemni. Won hlai n'a na suuɗaŋ ɗa, galni seyem zamai ɗa a yaka ɵimaɗi futi, a kirpa azumai pini eziɗi ɗai, wala zi ɗufli n'arbani hlai n'amai a sumaŋ.

Siŋki n'edi 12:9

Wala-meefeŋ-n'abai n'abai, wala meefeŋ na war pi zi tiki par, n'e yikiŋ ɓa Mat gaini Satan, ni n'a wûliɗi ɗi na midiɗi yai ɗa paŋ edi, e biliŋsi azumai, e biliŋsi azumai midiɗi yai ɗai zi ɵeŋ na wiini gaini lai.