Lukas 7:16 - Ɗû na sɗik na wiini Alaw

¹⁶ Ɗai paŋ hunai a yimiɗi, e kûli Alaw e miɗi: Ɗif na mini Alaw n'abai a luɓasi li arbamu, Alaw a halasi li aŋ zina piɗi ɗaini.

Lukas 7:16 Iomraidhean Croise

Yama na wiini David 65:9

Nagai n'e ɗa edi warni koŋɗi yai ɗa paŋ ɗa, hunai aga te yimiɗi buri wazagai zi siŋki na ku zaŋ ɗa, piɗi futi na dawai par gaini na koskoi, aga a va gaini firiyi.

Niyi n'edi 4:31

Nɵa aliɗi Izrayel paŋ e yimi, e siɗi edi gaglai ɓa EPIƊ-ƊAI a tala girɗi ɓa, a halasi na aŋ kûrɗiɗi edi war girɗi par, nɵa e pi kurnaiɗi azumai, e hûrgû azumai aŋ sini kol wiini EPIƊ-ƊAI.

Yeremiyas 33:9

Fuŋ n'abai hanɗa aga a bunda buriya aŋ wala zi firiyi, aŋ wala zi kol, aŋ wala zi juv, arbaɗi pinziba na midini afti ɗa paŋ n'aga e ɵini miɗini pɗem na mu zaŋ siɗi hunai aga a yimiɗi, aga e ziriyi lai won hlai n'aga e tili pɗem gaini ɵeɗ n'aga mu zaŋ sini ɗa.

Matewus 15:31

Firiɗi ɗai e bindi hiyak won hlai n'e siɗi na ɓurtum a muɗa, na höyökai e bindi pɗem, na daŋelaŋai e hili, na malvanai e tili lai, e kûli Alaw na wiiɗi Izrayel.

Matewus 21:11

Firiɗi ɗai e miɗi: hanɗa a Yesu, ɗif na mini Alaw na Nazaret na Galileya par.

Matewus 28:8

E hili edi sini waŋ par witaw, gaini hunai gaini firiyi n'abai lai, e liwi buri e ki labar wiiɗi ɗai zi hitri na wiini Yesu.

Matewus 9:8

Won hlai na firiɗi ɗai e tili hanɗa hunai n'abai te yimiɗi, e kûli Alaw n'a sa spak na maini hanɗa nɵa wiiɗi ɗai murɗakai.

Lukas 1:65

Ɗai na ɵimaɗi paŋ hunai a yimiɗi, midini hlai zi huwuŋ na Yuda ɗa lai ɗai e sispi ɗa midini wazagai n'a za hanɗa.

Lukas 1:68

Kol sini Epiɗ-ɗai Alaw na wiiɗi Izrayel, buri a lûwiɗi ɗuwal wiiɗi ɗaini, buri a piliɗisi edi, a bindiɗi aŋ kempekai.

Lukas 19:44

aga e siriku edi, tuku gaiɗi ɗai na warku paŋ, aga e hini ahi-fuŋ ktai amai midini maini kai, buri ku sɗa mefeŋ n'Alaw a luwuku ɗuwal warni ɗa kai.

Lukas 2:20

Ɗai zi giɗimi farai ɗa e wiyi, e si kol sini Alaw, e kûlûŋ gaini yama lai, buri wazagai paŋ n'e ɵiniŋ, n'e tiliŋ lai, maini n'a muɗasi siɗi ɗa nɵa.

Lukas 24:19

A miɗiɗi: A za ɗa a mada? E miɗini: Wala n'a za sini Yesu na Nazaret par, n'a na ka a ɗif na mini Alaw zi spak war sda, war seŋ zi miɗi lai, wuzani Alaw, wuzani arɗi ɗai lai.

Lukas 5:26

Nagai paŋ e bindi hiyak, e kûli Alaw, hunai te yimiɗi gara, e miɗi: Girna mu tulumu na ɗa a wala n'a za duk kai.

Lukas 5:8

Won hlai n'a tala hanɗa, Simun Peter a hurga azumai wuzani Yesu a muɗa: Epiɗ-ɗai, yimaɗi warku edi sa par kaai, ta mu ɗif na tuwur.

Lukas 7:15

Ɗif zi mri a sumna amai dam, a tika pini aŋ muɗa seŋ, a siŋɗi wiiɗi emini.

Lukas 7:39

Won hlai na ɗif a tala hanɗa, ɗif na Farise n'a yikaŋsi ɗa a hiina warni ɓa, na ɓa ɗif hanɗa a ɗif na mini Alaw fakat ɗa, aga a siɗiti muni na te na tika tiɗi sini ɗa, na te siya ɗa: Muni na tuwuri.

Lukas 8:37

Ɗai na midini afti na wiiɗi Gerazenekai paŋ e siiwi Yesu buri a yima sini edi midini aftiɗi par, buri e ɗi fu warni hunai n'abai. A niya warni hulum n'abai, a hiniɗi a hala.

Lukas 9:19

E wiyi seŋ e miɗi: Na zamai ɗa ɓa ku Yohana zi baptisme, na zamai ɗa ɓa, ku Eliyas, na zamai pra ɓa, ku ktai arbaɗi ɗai na mini Alaw na ɗipar n'a ɵiyasi amai arbaɗi zi mri par.

Yohana 1:21

E zilbiŋ, e miɗi: Ku siya kiɗi, k'Aliyas ɗi? A muɗa: Ta mu Aliyas kai. Ku ɗif na mini Alaw ɗa ɗi? A waya seŋ a muɗa: Zaw kai.

Yohana 1:25

E zilbiŋ e miɗini: Na ɓa ɵa ɗa, tuku ku sa baptisme buri maɗa, na ɓa tuku ku Kristu kai, k'Aliyas kai, ku ɗif na mini Alaw kaalai ɗa?

Yohana 4:19

Muni te miɗini: Epin-geza, a yima li mada ɓa tuku ku ɗif na mini Alaw.

Yohana 6:14

Won hlai n'e tili siŋki n'a zaŋ ɗa, ɗai e miɗi: Ni ɗa, a ɗif na mini Alaw n'aga a halasi warɗi yai ɗa jre jre.

Yohana 9:17

E zilbi ɗif na melveŋ pra e miɗi: Tuku ɗa, a muluku arku edi mal lai, ku muɗa miɗini maɵa ɗa? A waya seŋ a muɗa: A ɗif na mini Alaw.

Sdaɗi Apostelai 5:5

Won hlai na Ananiyas a ɵina seŋ hanɗa, kɵa azumai, suŋfani a wa edi. Hunai n'amai te yimiɗi nagai paŋ n'e ɵini hanɗa.

Sdaɗi Apostelai 7:37

Musus ni ɗa, a ni na a miɗiɗi wiiɗi aliɗi Izrayel ɗa ɓa: Alaw aga a ɵinikisi arbaɗi tawalakaiki par ɗif na mini Alaw ktai na maya ta ɵa,

Galatekai 1:24

E si kol sini Alaw buriya lai.

Wiyi na midini gadai 18:15

EPIƊ-ƊAI Alaw na wiiki aga a sa ɗif zamai na mini Alaw na maya ta nɵa arbaki, arbaɗi tawalakaiki par, aga ki ɵini pini.