Lukas 7:12 - Ɗû na sɗik na wiini Alaw

¹² Won hlai n'a ŋasi gobi mini magalani fuŋ n'abai ɗa, a nava ɗai e ɗa libi ɗif zi mri edi sek mini waŋ, ahi n'aŋ tiɗi emini ketekeɗik, emini te muni na war greŋ, ɗai viya war fuŋ n'abai par e ɗi fu gaiɗi.

Lukas 7:12 Iomraidhean Croise

Pi zi tiki 22:12

Ɗif zi ɵeŋ a miɗini: “Ku tika tuku sini arwagwi kai, ku za wala ktai sini kai, buri tiyana mu sɗa ɓa ku huna Alaw, ku bula edi aŋ saŋa ahiku na ketekeɗik kaalai”.

Pi zi tiki 22:2

Alaw a waya a miɗini: “Yima ahiku na ktai, Isaak na ku daraŋ gara ɗa. Hala midini afti na Moriya, woni ku zaŋa ɓaka zi yi gaini, midiɗi huwuŋi n'aga mu suknutuku”.

2 Samuwel 14:7

nɵa piɗi humuni na wiini epini e fikisi amai sa e miɗi: Siyisi ni n'a fuɗa tawalni ɗa, kapai mi fiɗiŋ edi maini n'a fuɗa tawalni ɵa. Nɵa ɗif n'aga a mula bulum a hina kir kai. Gaini hanɗa e firiyi e fiɗi na ktai n'a hina ta ɗa, e vidi yikini mafa edi midini afti par, pinzibani a hina kir kaalai.

Lokwita n'avut na wiiɗi paakai 17:12

Te wiyini seŋ: gaini EPIƊ-ƊAI, Alaw na wiiku zaŋ, wala aŋ kai, aŋ ta ɗa a avudi war hlam nɵa agwi nɵa, emel warɗi argini agwi lai, mu paya luwuŋ na ɓa, mu hala mu daŋ yit, gaini ahiya mi simiŋ ta lai mi biyi mri wiyi kiɗi.

Lokwita n'avut na wiiɗi paakai 17:18

Muni te miɗini wiini Eliyas: ɗif na wiini Alaw n'a tupumu tiɓ ɗa a maɗa? Ku halasi ahaya ɗa aŋ siŋka meefeŋŋa wiini Alaw lai, aŋ fuɗa ahiya edi lai ɗe!

Lokwita n'avut na wiiɗi paakai 17:23

Eliyas a tikasi arwagwi, a niyasi azumai gaini warɗi dilimi n'amai ɗa par a siŋɗi wiiɗi emini, a muɗa: tala, ahiku ɗa aŋ karni.

Lokwita n'avut na wiiɗi paakai 17:9

faka amai, hala war Sarepta na te na midini afti na Sidon, ku sumna woni, mu miɗiɗi wiiɗi muni ktai ta, te muni na war greŋ t'aŋ woni, buri te zina puku gaini simi.

Lokwita n'ag'aŋ sulu na wiiɗi paakai 4:16

Aliza a miɗiɗi: buza na wuzamu, sarti maini hanɗa ɵa ɗa aga ku yima ahi didikku. Te miɗini: epin-geza, ɗif na wiini Alaw zaw kai, ku duula ta na ɗa maɵa ɗa?

Lokwita n'ag'aŋ sulu na wiiɗi paakai 4:20

Ɗif zi sda a tikaŋ a kiŋɗi wiiɗi emini lai; emini te tikaŋ amai tiɗi ta, haa girvudi n'arba ta ɗa ahiyagwi ɗa a mra su.

Yob 29:13

Ɗai n'e mri e mri sek ɗa e ɓikiŋa ka ta ta, mu sa firiyi wiiɗi falakai na war greŋ ɗa lai.

Sakariyas 12:10

Nɵa aga mu ma seze zi yum gaini zi siiwa lai miɗini pinzibani David gaiɗi ɗai na Yeruzalem. Nagai aga e bindisi arɗi sa ta, n'e ɓiliŋa. Aga e tuwiŋa maini n'e tuwi ahi n'aŋ tini epini ktai nɵa. Aga e tuwi haa viya maini n'e tuwi ahi n'a wa avut ɗa nɵa.

Lukas 7:11

Asakal par a hala war fuŋ n'abai na yikini ɓa Nayin, ɗaini zi hitri gaini firi abai e ɗi fu gaini warɗi futi.

Lukas 7:13

Epiɗ-ɗai a tiliti, hiini-haw a yimaŋ buriɗi, a miɗiɗi: Ku tuwa kai.

Lukas 8:42

Buri Ahini ketekeɗik, te za buza doogo pi sulu, te ŋa ta aŋ mri. Won hlai n'a na hala ɗa, firiɗi ɗai e hiɵiŋ haa suŋfani a dara aŋ wula.

Lukas 8:52

Ɗai paŋ e tûwi, e ɵi marava siɗi buriɗi, amma Yesu a muɗa: Ki tûwi kai, te mra kai, te kala ɗa a weseŋ.

Yohana 11:19

Yudiyakai e hilisi siɗi Marta gaiɗi Mariya aŋ siɗi arai zi pi burini mrini tawalɗi.

Sdaɗi Apostelai 9:39

Peter a fakasi, a halasi gaiɗi. Won hlai na a cosi ɗa, e kiŋ pini amai warɗi dilimi n'amai zi etaz ɗa, falakai na greŋ war ɗa paŋ e hilisi gaini tuwi, e siŋkini rob gaini sapa na Dorkas te zaŋ won hlai na te na ka gaiɗi ɗa.

Sdaɗi Apostelai 9:41

A wiiɗi tini, a ɗiyiti amai, asakal par a yikiɗisi na sɗik gaiɗi falakai na war greŋ ɗa lai, a ɗiyiti wuzaɗi karɗi.

Yakob 1:27

Yimi na war Alaw na jre, na hilu, na gaini didiɓi kai, na wuzani arni Alaw n'Api lai ɗa, a na ɗa ɓa: Ku tika hangalku siɗi na huyokai, gaiɗi falakai na war greŋ, war girɗi, aŋ giɗima suku burini bli na ɓlok na wiiɗi yai ɗa lai.