Lukas 5:12 - Ɗû na sɗik na wiini Alaw

¹² Mefeŋ ktai, Yesu a na fu warni fuŋ n'abai ktai, ɗif na gaini veglek zi dugum sini a luɓasi, won hlai n'a tala Yesu, a bula sini azumai, a pa arni azumai midini afti, a siiwaŋ maini nɵa muɗa: Epiɗ-ɗai, na ɓa ku dara ku bundaŋa hilu pla kai ɗi!

Lukas 5:12 Iomraidhean Croise

Pi zi tiki 18:14

Wala na gir gara n'aga a za gaini EPIƊ-ƊAI kai a na ɗi? Won hlai n'aga mu wayasi suku buza na wuzamu, war sarti na mai hanɗa nɵa, Sara aga te wa ahi.

Lokwita n'avut na wiiɗi paakai 18:39

Won hlai na ɗai e tili hanɗa, e hûrgû azumai, e pi arɗi azumai e miɗi: Alaw ɗa a EPIƊ-ƊAI, Alaw ɗa a EPIƊ-ƊAI.

Lokwita n'ag'aŋ sulu na wiiɗi paakai 5:1

Naaman n'abaiɗi askarai na wiini pai na Siriya a ɗif na epin-gezani a daraŋ gara, wala n'a zilbaŋ li tini paŋ a siŋni paŋ, buri ɓa, EPIƊ-ƊAI a sa rɗi n'amai wiiɗi Siriya ɗa gaini. Amma ɗif zi hatam na agulni a huna kai hanɗa a na fu dugum.

Lokwita n'ag'aŋ sulu na wiiɗi paakai 5:27

Dugum na sini Naaman ɗa aga a yumuku, tuku gaini pinzibaku paŋ haa kureɗ. Dugum a yima Gehazi tizaw, a fakasi mini Aliza par ɗa a puhura muɗukwi kaŋ tini dugum.

Lokwita n'ag'aŋ sulu na wiiɗi paakai 7:3

Ɗai na dugomai puɗu e ɗi fu mini magalani fuŋ n'abai ɗa ca, e miɗi arbaɗi marɗi: Sumu won na ca aŋ biyi mri ɗa buri maɗa?

Labar na war yivai n'avut 21:16

David a yima arni amai, a tala ɵeŋ na wiini EPIƊ-ƊAI gaini ɗiyi amai arbani hlai zaw gaini kaɵkarni tini gaini hûti edi hot, a siŋkaŋ a Yeruzalem sek. David gaiɗi n'abakai n'arbaɗi ɗai na warɗi Izrayel, gaini sapa zi tuwi siɗi ɗik ɗik, e hûrgû azumai, e pi arɗi azumai tiɓ tiɓ.

Yama na wiini David 50:15

Nɵa ki tûwi sa war mefeŋ zi gir: Aga mu piliki edi, ki siŋa kol lai.

Yama na wiini David 91:15

Na ɓa a tuwa li sa ɗa aga mu wiyini seŋ, ta lai aga mu za gaini war girni ɗa, aga mu plaŋ edi, mu sitini abai lai.

Niyi n'edi 4:6

EPIƊ-ƊAI a miɗini pra: Tikiti tuku sin didikku, a tikiti didikni lai. Asakal par a yimitisi tini edi a tiliti dugum aŋ siɗi, te puhura bogorai koɗoɗ.

Levitekai 13:16

zaw na ɓa, sini na gaini ɵûɗi edi a bunda muɗukwi war balamni pla ɗa, ɗif hanɗa a hala sini pai zi ɓaka.

Levitekai 9:24

Afu a niyasi wuzani EPIƊ-ƊAI par, a ya ɓaka zi yi gaini wazagai z'emel na miɗini gûwiŋ zi ɓaka ɗa, ɗai paŋ e tili hanɗa, e ɗûûli gaini firiyi, e pûkû siɗi azumai, arɗi gaini pi azumai midini afti.

Matewus 26:6

Amma won hlai na Yesu a halasi war Betaniya warni dalamni Simun zi dugum,

Matewus 9:28

Won hlai n'a niya aha warni dalam ya, na malvanai e hilisi sini. Yesu a miɗiɗi: ki yimi ɓa mu kiɗa mu za hanɗa ya ɗi? E wiyini seŋ e miɗi: Nkam, Epiɗ-ɗai.

Markus 5:23

A siika mini aŋ siiwa a muɗa: Ahiya t'aŋsi veglek, te ŋa ta aŋ mri. Mu siiwuku, halasi tika tuku siɗi ta, kapai te zuula, te sumna karɗi lai.

Lukas 17:16

a bla sini azumai ezini Yesu, a pa arni azumai, a zini tese lai. Ni ɗa a ɗif na Samariya par.

Lukas 5:13

Yesu a wuti tini edi, a tikiti sini a muɗa: Mu dara, bunda hilu, tizaw, veglek zi dugum ɗa a hinaŋ.

Wiyi na midini gadai 24:8

Ki zi hangal gaini veglek na wiini amur-si ɗa, wala na paakai zi ɓaka na Levitekai aga e hitriŋki ɗa ki yimiŋ pɗem, ki zi pini. Aga ki zi pini wala na mu gidiɗi gaini ɗa.

Hebrekai 7:25

Buri nɵa, a kiɗa a kûriɗi nagain'e hilisi sini Alaw sin ni par ɗaw ɗa gaini seŋ kai, buri ɓa ni aŋ karni kureɗ buri a siiwa buriɗi.

Yosva 5:14

A wiyini seŋ a muɗa: Ta ɗa m'abaiɗi askarai na wiini EPIƊ-ƊAI, tiyana mu cosi li. Yosva a kɵa, arni gaini pi azumai tiɓ, a miɗini: EPIƊ-ƊAI ŋa, ku muɗaŋa ɗa a seŋ maɗa?