Lukas 4:2 - Ɗû na sɗik na wiini Alaw

² Woni, Mat a tetemaŋ haa mefeŋ doogo doogo puɗu. War mefeŋ doogo doogo puɗu hanɗa, a suma wala kai, hlai na mefeŋ hanɗa a va li ɗa, wiyamai te yimaŋ.

Lukas 4:2 Iomraidhean Croise

Pi zi tiki 3:15

Aga mu hina gaw arbaku gaiɗi muni, arbani pinzibaku gaini pinzibaɗi, pinzibaɗi aga a kirpa muduku azumai, tuku aga ku luma digini digini n'ezini.

Lokwita n'avut na wiiɗi paakai 19:8

Eliyas a faka amai, a suma, a ca yem lai, asakal n'a nava gdaŋ ya, a za mefeŋ doogo doogo puɗu aŋ hili ɵa blaŋ girvudi gaini duvuk paŋ haa a co siɗi huwuŋ na wiini Alaw, n'e yikiti ɓa: Horeb.

Ester 4:16

Hala diŋgiɗi Yudiyakai na war Sûz ɗa paŋ, ki tiki sai buriya, ki simi wala kai, ki ci kaalai haa mefeŋ hu girvudi gaini duvuk paŋ, ta gaiɗi ɓulamai na wiya ɗa aga mi tiki sai buri hanɗa lai. Asakal mefeŋ hanɗa par aga mu hala sini pai, koo na ɓa gadai zi ɗiyi a ɗiyaŋ ɵa kai tekeɗeɗi, na ɓa azi mri maa mu mra gai mri ɵa.

Niyi n'edi 24:18

Musus a niya amlai arni ɗugul z'agiyiŋ ɗa, a ha amai midiɗi huwuŋ, woni a za mefeŋ doogo doogo puɗu, yuvai doogo doogo puɗu lai.

Niyi n'edi 34:28

Musus a hinasi woni gaini EPIƊ-ƊAI haa mefeŋ doogo doogo puɗu, girvudi gaini duvuk paŋ. A suma wala kai, a ca wala kaalai, a seŋ na wiini bonu miɗini ali-fuŋ na babɗamai, a dara muɗa Seŋ zi gadai na doogo.

Yonas 3:7

Asakal par seŋ a wa edi mini pai par siɗi ɗai na war fuŋ: Ta pai gaiɗi ŋarakaiŋa mi ɗiyi gadai maini nɵa: ɗai, farai n'ezini puɗu puɗu n'abakai gaini n'agogoi; e ci yem kai, e simi wala kai, e giɗimi farai kaalai.

Matewus 21:18

Dawai par, won hlai n'a na niya aha war fuŋ n'abai ɗa sek ɗa, wiyamai te yimaŋ.

Matewus 4:2

Asakal na Yesu a tika sai mefeŋ doogo doogo puɗu girvudi gaini duvuk, wiyamai te zaŋ.

Lukas 4:3

Nɵa, Mat a miɗini: Na ɓa k'Ahini Alaw fakat ɗa, muɗa sini ahi-fuŋ hanɗa kapai a bunda aŋ ɓuk.

Yohana 4:6

Keleŋi na wiini Yakob te na fu woni, Yesu gaini kayai tini hili su, a sumna amai miɗi keleŋi dam, futi gobi girvudi n'arba.

Wiyi na midini gadai 9:18

Mu hurga azumai wuzani EPIƊ-ƊAI maini n'avut, mefeŋ doogo doogo puɗu, duvuk kai, girvudi kaalai mu suma wala kai, mu ca yem kaalai. Mu zaŋ nɵa burini tuwur na ki ziŋ paŋ, buri ki ɓilkini agulni EPIƊ-ƊAI, ki zi wazagai n'a firiya burini kai.

Wiyi na midini gadai 9:25

Won hlai n'EPIƊ-ƊAI a firiya a vidiki edi ɗa, mu hurga azumai wuzani EPIƊ-ƊAI mefeŋ doogo doogo puɗu duvuk kai girvudi kaalai mu kala weseŋ kai.

Wiyi na midini gadai 9:9

Won hlai na mu niya amai midiɗi huwuŋ aŋ milisi ali-fuŋ na babɗamai, ali-fuŋ na wiini bonu n'EPIƊ-ƊAI a zaŋ gaiki ɗa, mu fanasi amai midiɗi huwuŋ mefeŋ doogo doogo puɗu, girvudi kai, duvuk kai mu suma wala kaalai, mu ca yem kaalai.

Hebrekai 2:18

Buri na ɓa Ni dama a sɗa gir won hlai n'a nava titimi, nɵa lai, a kiɗa buri a zina piɗi nagai n'e ɗa war titimi lai.

Hebrekai 4:15

Buri ɓa pai n'abai zi ɓaka na wiimu ɗa, a na jaani gaini huruf na wiimu kai ɗa kai, Ni ɗa a nava titimi war wazagai paŋ, kal-kal maimu tumu nɵa, amma a za tuwur kai.

1 Samuwel 17:16

Ɗif na Filistre hanɗa, gorof gorof paŋ koskoi koskoi paŋ, a ɗiyasi edi war zawwa zawwa. A za mai hanɗa ɵa haa mefeŋ doogo doogo puɗu.