Won hlai n'aga mu fakaɗi suku par ɗa, seze na wiini EPIƊ-ƊAI aga a tukuku, a kuku war hlai zamai na ɗif a sɗaŋ kai, ta aga mu zini labar wiini Akab, amma aga a halasi a nuvuku kai, nɵa aga a fuɗaŋa ta ɗa edi, paŋktai haa war agwiyeŋeŋa par mu ha amai midini gadai na wiini EPIƊ-ƊAI kai.
Asakal par a yima sini edi war basga na kaɗataŋ dai dai na hili yuvai dam, a sumna azumai pini kukuɓ dam. A paya mri pini a muɗa: tiyana ɗa mu kaya li, EPIƊ-ƊAI, tika suŋfaŋa ɗaw, ta mu siiwiɗi tamaiya n'e mri ɗa zaw.
Seze na wiini Epiɗ-ɗai ALAW a na mada. EPIƊ-ƊAI a maŋa emel n'e tiki ɗai war sda gaini mada, a ɵinaŋa aŋ ɓaka labar na pɗem siɗi ɗai na murgakai, aŋ zûûliɗi ɗai n'agulɗi gaini kirpi tini gir, aŋ ɓiki pli n'edi na wiiɗi ɗai na war daŋgai, kapai e tili gaglai na wiiɗi futi,
Tizaw asakal na Yesu a nava baptisme ya, a niyasi amai, hlai n'amai a mala edi burini, a tala Seze na wiini Alaw a yorasi azumai maini dere nɵa, a halasi a sumna miɗini.
Seze na wiini Epiɗ-ɗai a na mada, buri a maŋa emel n'e tiki ɗai war sda gaini mada, kapai mu ɓaka labar na pɗem siɗi na murgakai, a ɵinaŋa aŋ muɗa midini pli n'edi siɗi ɗai na war daŋgai, midini arai-zi-mili edi na wiiɗi na malvanai, aŋ pliɗi nagai n'e ɗa siɗi gir tiɗi ɗai edi lai.
maɵa ɗa Alaw a ma Seze-sɗik gaini spak miɗini Yesu na Nazaret par, hlai na a vuga li woni paŋ ɗa a za pɗem siɗi ɗai, a zûûliɗi nagai n'e ɗa siɗi gir tini Mat lai buri Alaw a na fu gaini.