5 Huduk paŋ aga a ŋaɗa amai, huwaŋai gaini boŋorai paŋ aga a yima azumai, futi na gaini viyɗi pek pek paŋ aga a ɗopa cir cir, futi zi darɓaɵai aga a kata azumai.
Aga mu ɵa wuzaɗi na malvanai warɗi futi, na nagai e siɗiti kai, aga mu ɵa wuzaɗi warni futi na leuh leuh na nagai e siɗiŋ avut par kai. Aga mu bunda gegeŋ na wuzaɗi aŋ gaglai, afti na darɓaɵai, aŋ hlai na plas lai; Hanɗa a wala n'aga mu zaŋ ɗa, aga mu hiniɗi edi kai.
Ta dama aga mu ɵa wuzaku, hlai na gai zigi zag ɗa, aga mu bundaŋ gai kiti kal kal, mini hlai zi kiya ɗa aga mu haɗaŋ edi, kawakai n'e ɵi mini hlai gaini ɗa aga mu ɗuklaŋ edi lai.
Nɵa luwaŋai n'edi warni basga paŋ aga a sɗa ɓa EPIƊ-ƊAI mu ta, luwaŋai na mogo kai ɗa mu wayaŋsi azumai, na gulakai ɗa mu wulaŋ amai mogo kai, na hirnaŋ ɗa mu bundaŋ huleŋ, na huleŋ ɗa a goɗa lai. Ta EPIƊ-ƊAI mu muɗa ta, aga mu vaŋ amai lai.