Lukas 3:16 - Ɗû na sɗik na wiini Alaw

¹⁶ Yohana a waya seŋ wiiɗi ɗai paŋ, a muɗa: Ta mu siki baptisme gaini yem, amma ni na spak a suwaŋa, a na halasi, ni ɗa sogom na miɗini harabakni tekeɗeɗi mu kiɗa miɗini aŋ plaŋ edi kai, ni aga a ziki edi sɗik gaini Seze-sɗik, gaini afu na wiiɗi sariya lai maini gaini yem nɵa.

Lukas 3:16 Iomraidhean Croise

Seŋ joro 1:23

ɵini seŋ na mu na miɗiŋki ɗa, nɵa aga mu maɗi sezeŋa midiki, mu sikiniki ezini seŋŋa zi miɗi ɗa lai.

Esaya 32:15

Haa, EPIƊ-ƊAI a masi Sezeni midiyi amai par, haa basga na kaɗataŋ a bunda aŋ zardeŋ, zardeŋ ɗa a bunda aŋ jur lai.

Esaya 4:4

Asakal na EPIƊ-ƊAI a ma hihir na wiiɗi falakai na Siyon edi li, n'a ma fel n'aha warɗi Yeruzalem edi li lai, gaini smer na wiini jre, gaini na wiini ɓilki n'edi lai,

Ezekiyel 36:25

Aga mu yema yem na hilu midiki, aga ki zi edi hilu, aga mu miki edi hilu sin hihir na wiiki par, sin alawai zi rgi na wiiki par lai.

Sakariyas 13:9

Gal na ktai n'a hina ɗa, aga mu waŋ arni afu, aga mu zaŋ edi hilu maini arzaŋ n'e hiliyiŋ ɗa nɵa, aga mu titimaŋ gaini afu maini ɗif n'a hiliya or ɗa nɵa. Gal hanɗa aga a siiwaŋa ta aga mu ɵina siiwani lai. Aga mu muɗa ɓa: Hanɗa e ɗi ɗai na wiya, nagai aga e miɗi ɓa: Alaw na wiyi ɗa a EPIƊ-ƊAI.

Matewus 3:11

Ta mu siki baptisme arni yem burini bindini payaiki, amma ni n'a na halasi asakala par spakni a suwaŋa, mu dai dai na mu kiɗa mu pla sogomni harabakni kai, ni ɗa aga a siki baptisme gaini Seze sɗik gaini afu lai.

Matewus 3:12

Wulai zi fili t'aŋ tini, aga a zizina lulufni, aga a mula algama war vreni, amma bra aga a yaŋ edi arni afu n'a mra kai.

Yohana 1:26

Yohana a wiyiɗi seŋ: Ta mu za baptisme gaini yem, amma ktai a na arbaki na, tiki sɗiŋ kai,

Yohana 1:27

a na halasi duɓa par, ta ɗa mu dai dai na mu pla sogomni harabakni edi kai.

Yohana 1:33

Ta maa, mu na ka mu sɗaŋ kai, ni n'a ɵinaŋasi aŋ za baptisme gaini yem ɗa, a muɗaŋa ɓa: Ni n'aga ku tala Seze a yorosi azumai midini, a sumna miɗini lai ɗa, A ni n'aga a sa baptisme gaini Seze ɗa.

Yohana 7:38

ni n'a tika yimini li mada, ra zi yem na karni aga a kasi edi warni par maini na ɗû a muɗa ɗa nɵa.

Sdaɗi Apostelai 1:5

Yohana ɗa a za baptisme gaini yem, amma tiki ɗa, mefeŋ aŋ kai agwi kadai aga ki nivi baptisme ɗa gaini Seze-sɗik.

Sdaɗi Apostelai 10:44

Peter a na fu aŋ muɗa seŋ hanɗa hai, won hlai ni Seze a kɵasi midiɗi nagai n'e ɗi fu aŋ ziɓiri seŋ ɗa.

Sdaɗi Apostelai 2:33

Alaw a sini rɗi n'amai, Api a sini Seze-sɗik na a za ha ɓ'aga a saŋ ɗa, a ma seze hanɗa edi ya, na ki ɗa tiliŋ lai, ki ɵiniŋ lai na ɗa a hanɗa.

1 Korintekai 12:13

Buri ɓa, tumu paŋ, mu mumu war Seze ktai, -Yudiyakai kai, pinziba na zamai ɗa kai, begekai kai, kempekai kai, - tumu paŋ mu nuvumu ɗa a baptisme ni ktai, kapai mu bundumu aŋ wiini si na ktai hanɗa, tumu paŋ mu cumu ɗa a seze a Seze ni ktai.