Lukas 23:2 - Ɗû na sɗik na wiini Alaw

² E tiki piɗi aŋ pi seŋ midini e miɗi: Ɗif hanɗa, tiyi mi niviŋsi aŋ ziɗi piɗi ɗai buri e fiki dûrgûzi amai, a ɗala tar na sini Sezar, a yika sini ba a Kristu, a pai.

Lukas 23:2 Iomraidhean Croise

Lokwita n'avut na wiiɗi paakai 18:17

Won hlai na Akab a tala Eliyas, a miɗini: hanɗa ku tuku na ku glasi gir midiɗi aliɗi Izrayel ɗa ka.

Yama na wiini David 35:11

Zaidakai na jrekai kai e hilisi, e zilbiŋa miɗini wala na mu sɗa futini kai,

Yama na wiini David 62:4

Siki aŋ diŋgi midini ɗif ni ktai ɵa, aŋ piyi futi aŋ fiɗiŋ edi ɵa, maini n'e diŋgi sin ɵaga na gaini jigi jak, maini ɵaga n'a dara a kɵa ɵa, ɵa haa kaswata ɗa?

Yeremiyas 20:10

Buri mu na ɵina seŋ na maafanai miɗi ɗai viya: e yikiŋa ɓa: “hunai war gal paŋ”. Na zamai e miɗi ɓa: wunumu pini amai, na zamai ɗa e wiyi seŋ ɓa wunumu pini amai. Marmakaiya maa e biyi na ɓa mu kɵa, e miɗi ɓa: aga mu nuvuŋmu war seŋ ktai ɗi; nɵa aga mu rɗumu amai midini, aga mu vurgunumu meefeŋ na a zuŋmu ɗa.

Yeremiyas 38:4

N'abakai e miɗini wiini pai, mi siiwuku, hina ɗif hanɗa a nafa fiɗi n'edi, n'a na niyasi war mini par maini hanɗa ɵa ɗa, a na vada gdaŋɗi ɗai zi hatam n'e hini warni fuŋ n'abai hanɗa gaini na wiiɗi ɗai paŋ lai, ɗif hanɗa a paya na a pɗem na wiiɗi ɗai kai, amma a kasi midiɗi na ɗa a gir.

Amos 7:10

Nɵa, Amasia pai zi ɓaka na war Betel, a ɵina ɗai sini Yerobowam, pai na Izrayel aŋ miɗini ɓa: Amos a na faka ɗai amai suku arbaɗi pinzibaɗi aliɗi Izrayel; seŋ n'a na niyasi war mini par ɗa a suwa gdaŋɗi ɗai suwai.

Sakariyas 11:8

Ɗai zi giɗimi na hu mu birgiɗi, war tile ni ktai, asakal par, adumai ɗa a tikaŋa ma ta, ta ɗe, mu baza min bis lai.

Matewus 17:27

Amma kapai mu bundumu arɗi aŋ wala zi dibi azi kai ɗa, hala war yem-ra-n'abai, ku ɵa zuwti agoɗom, ku yimasi hilif na ku yimaŋ avut ɗa amai. Ku mala mini amai, a aga ku nava stater ktai mini, ku tikaŋsi ku siŋɗi buriya ta, gaiku tuku lai.

Matewus 22:21

E miɗini, a wiini Sesar. Nɵa a miɗiɗi, sini wazagaini Sezar wiini Sezar, wazagaini Alaw wiini Alaw lai.

Matewus 27:11

Yesu a ɗiya wuzani Lawan Pilatus, Lawan a zilbaŋ: tuku ku paiɗi Yudiyakai ɗi?

Markus 12:17

Nɵa Yesu a miɗiɗi: Ki sini wazagaini Sezar wiini Sezar, wazagaini Alaw, wiini Alaw lai. E bindi hiyak gara burini.

Markus 15:2

Pilatus a zilbaŋ, a muɗa: Tuku ku paiɗi Yudiyakai ɗi? A waya seŋ a miɗini: Ku muɗaŋ li.

Lukas 23:14

A miɗiɗi: Tiki ki kiŋasi ɗif hanɗa, ɓa a n'a faka ɗai amai, mu zilbaŋ wuzani arki, amma mu nava wala ktai na meefeŋ sini na kapai mu rgaŋ burini kai. Seŋ na ki piŋni miɗini na ɗa, mu navaŋ ɵa kaalai.

Lukas 23:5

Amma e siiyi mini e miɗi: A na faka ɗai amai, gaini hitrini midini afti na Yudiya paŋ, a tikasi pini war Galeliya par haa won na.

Yohana 18:29

Pilatus a niyasi anene miɗi a muɗa: Seŋ na meefeŋ na ki niviŋ sini ɗif hanɗa a na wata ɗa?

Yohana 18:30

E wiyi seŋ e miɗini: Ɗif hanɗa a na fu meefeŋ kai ɗa, mi kiɗi mi kiŋsi wuzaku kai.

Yohana 19:12

Woni par Pilatus a paya aŋ ɵaŋ, amma Yudiyakai e ɗûûli e miɗi: Na ɓa ku ɵaŋ li ɗa, ku marmaini Sezar kai. Asiya ɗi paŋ n'a za sini aŋ pai ɗa a faka amai na ɗa sini Sezar.

Sdaɗi Apostelai 24:13

Wala n'e pi seŋ mada pini na ɗa, e kiɗi e siŋki gaglaini edi kai.

Sdaɗi Apostelai 24:5

Tiyi mi tili haa ɗa, ɗif hanɗa a vlak, a kasi sispai arbaɗi Yudiyakai paŋ, n'e ɗa midini afti ɗa paŋ. Abaini vok na wiiɗi Nazareyakai.

Romekai 13:7

Ki zi sini asiya asiya ɗi paŋ pin kiɗini kiɗini, si lambu wiini ɗif n'a yima lambu ɗa, tar sini ɗif n'a tara, hûni ɗif n'e hûniŋ ɗa, kûli ɗif n'e kûlûŋ lai.