Lukas 21:8 - Ɗû na sɗik na wiini Alaw

⁸ Yesu a waya seŋ a miɗiɗi: Ki hini ɗif a wiliki edi kai, buri viya aga e hilisi siki war yikiŋa aŋ miɗi: Ta, mu ni. Pra, hlai a va li, ki tiɓi piɗi kai.

Lukas 21:8 Iomraidhean Croise

Yeremiyas 29:8

Buri EPIƊ-ƊAI zi spak paŋ Alaw na wiiɗi Izrayel a na muɗa maini nɵa: ki hiniɗi ɗai na mini Alaw n'e ɗa arbaki gaiɗi ɗai zi siɗi wuti aŋ rhiki kai, ki tiki hiiniki midini weseŋ n'a na piɵiki kaalai.

Matewus 24:11

Ɗai na min-Alaw na jrekai-kai aga e fiki amai, aga e wûli ɗai viya edi.

Matewus 3:2

Bindi payaiki ɗa, buri pai n'Alaw te ŋasi gobi.

Matewus 4:17

Won hlai hanɗa par Yesu a tika pini aŋ ɓaka seŋ a muɗa, ki hi-miy, buri paini fuŋ-n'Alaw te ŋasi gobi.

Lukas 17:23

Aga e miɗiki ɓa: Aŋsi na, zaw an na, ki hili woni kai, ki liwi woni kaalai,

Lukas 21:7

E zilbiŋ e miɗi: Api zi hitri, wazagai hanɗa aga a za kaswata ɗa? Wala n'aga a siŋkiyi midini wazagai hanɗa a mada?

Lukas 21:9

Won hlai n'aga ki ɵini gaw gaini dûrgûzi, ki hiini kai, a dewele ɓa wazagai hanɗa a za avut, amma dibini hlai ɗa aŋsi hai.

Yohana 5:43

Ta mu halasi war yikini Apa, amma tiki yimiŋa kai, na ɓa ɗif zamai a halasi war yikini ni dama, ɗif ni ɗa tiki aga ki yimiŋ siki.

Yohana 8:24

Mu miɗiki ɓa aga ki mri warni tuwurki ɗa burini hanɗa, buri ɓa, na ɓa ki yimi ɓa ta mu ni kai ɗa aga ki mri warni tuwurki.

Yohana 8:28

Nɵa Yesu a miɗiɗi: Won hlai na ki tûkû Ahini ɗif li amai ɗa, aga ki siɗi ɓa ta mu na, pra aga ki siɗi ɓa mu za wala gaini mada dama kai, amma mu muɗa maini n'Api a hitraŋasi ɗa nɵa.

1 Korintekai 6:9

Tiki ki siɗi kai ɗi? Nagai na jrekai kai ɗa, aga e niviti pai-n'Alaw aŋ bulum kai. Ki siɗi ɵa kai ɗi? Ki hini ɗif a wiliki edi kai, nagai n'aga e niviti pai n'Alaw aŋ bulum ɗa, e ɗi nagai n'e piyi warni zini maɵara ɗa kai, war hûrgû n'azumai wuzani alawai zi rgi ɗa kai, n'e fini gaiɗi falakaiɗi marɗi ɗa kai, e ɗi maɵagai n'e fini gaini marɗi, zaw falakai n'e fini gaiɗi marɗi ɗa kai.

Efesekai 5:6

Ki hini ɗif a wiliki edi gaini seŋ zi miɗi n'a nafa kai ɗa kai, buri ɓa hiy na wiini Alaw a halasi midiɗi ali si yimi kai na ɗa pin hanɗa.

2 Tesalonikekai 2:3

Ki hini ɗif a rhiki edi gaini yel na maɗi maɗi kai zaŋ. Hini n'edi na wiini yimi aga a za avut haw, na meefeŋ ɗa aga a siŋkasi sini edi haw lai, ni n'a na burini bi n'edi ɗa,

2 Timotewus 3:13

Amma nagai na maafanai gaiɗi zi rhai ɗa, aga e hili wuzaɗi a suwa a suwa war meefeŋ ɗa, aga e wûliɗi na zamai ɗa edi, e wili siɗi dama edi lai.

1Yohana 4:1

Tiki marmakaiya zi diri gara, aga ki yimi ɓa seze ɗa a seze paŋ nɵa kai. Amma ki fifikiŋ haw, kapai ki siɗiŋ ɓa a na sin Alaw par ɗa. Buri ɗai n'a jre kai kai viya e birisi e ɗa edi warɗi yai.

2 Yohana 1:7

Buri ɓa ɗai zi rhi ɗai viya e birisi e ɗa edi warɗi yai, miɗi na ɓa Yesu Kristu a halasi war neŋ-si ɗa, e diri e yimiŋ kai, ɗif zi rhai zaw antikristu ɗa a siŋka edi war hanɗa.

Siŋki n'edi 1:3

ɵeɗ miɗini ni n'a ŋa seŋ n'aŋ war seŋ na wuze gaini wulani amai, gaiɗi nagai n'e ɵiniŋ, n'e giɗimi seŋ n'aŋ gai ɗû warni ɗa lai, buri hlai a na gobi.

Siŋki n'edi 12:9

Wala-meefeŋ-n'abai n'abai, wala meefeŋ na war pi zi tiki par, n'e yikiŋ ɓa Mat gaini Satan, ni n'a wûliɗi ɗi na midiɗi yai ɗa paŋ edi, e biliŋsi azumai, e biliŋsi azumai midiɗi yai ɗai zi ɵeŋ na wiini gaini lai.