Lukas 21:12 - Ɗû na sɗik na wiini Alaw

¹² Amma wuzani hanɗa, ɗai aga e yimiki, e zigi gir, aga e siki edi war sinagogne aŋ ziki sariya. Aga e miliki warni daŋgai, aga e kiki wuzaɗi paakai gaiɗi lawaŋai lai buriya.

Lukas 21:12 Iomraidhean Croise

Matewus 22:6

na zamai e yimiɗi ɗaini zi ɵeŋ e zi anya siɗi e fiɗiɗi edi.

Matewus 24:8

Amma hanɗa paŋ a pin gir zi tiki.

Lukas 21:11

Ziriyini afti n'abakai aga a za war hlai zamai zamai ɗa, vlak gaini wiyamai aga a za lai, wazagai zi mili hunai viya aga a za gaini wazagai zi siŋki n'abakai na war hlai n'amai.

Yohana 15:20

Ki hini midiki a kɵa gaini seŋ na mu miɗiŋki ɓa: Bege abai a suwa epin-gezani kai ɗa, na ɓa e ziŋa gir ɗa, aga e ziki gir wiiki tiki lai, na ɓa e yimi fu seŋŋa ɗa, aga e yimi seŋ na wiiki tiki lai.

Yohana 15:21

Amma wazagai hanɗa paŋ ɗa aga e ziŋ siki burini yikiŋa, buri ɓa e siɗi Ni n'a ɵinaŋasi ɗa kai.

Sdaɗi Apostelai 22:30

Dawaini ɗa, won hlai na a dara a sɗa wala na Yudiyakai e ɗa pini seŋ midini Pawlus pini ɗa, abaiɗi askarai a sa miɗi buri e mili jaɓ na tini edi. A miɗiɗi wiiɗi paakai n'abakai zi ɓaka buri e zi dingi, asakal par a yikasi Pawlus a kaŋsi arbaɗi zaw.

Sdaɗi Apostelai 5:40

E yikiɗisi Apostelai ɗa, e ɵiɓiɗi gaini daɓala, e gidiɗi miɗi buri e miɗi war yikini Yesu kir kai, e hiniɗi e hili.

Sdaɗi Apostelai 8:3

Sawlus a ziɗi gir wiiɗi zi yimi ɗa gara. A niya aha war dalam piɗi, a yimiɗisi maɵagai gaiɗi falakai gaini gdaŋ, e miliɗisi war daŋgai.

Sdaɗi Apostelai 9:4

A kɵa azumai, a ɵina wule ktai a miɗinisi maini nɵa: Sawlus, Sawlus, ku sɗaŋa gir ara buri maɗa?

1 Peter 2:13

Burini Epiɗ-ɗai, ki ɵini piɗi n'abakai n'e tikiɗi aŋ ŋi midini afti, pin pai n'a ŋa midini hlai paŋ,

Siŋki n'edi 2:10

Ku huna burini gir n'aga a za suku ɗa kai. Mat aga a pukiɗi zamai n'arbaki par warɗi daŋgai kapai a tetemiki gai futini tam, aga ki siɗi gir haa mefeŋ doogo, ɗiya war jre, koo ɓa e fuɗuku edi ɗi. Aga mu suku suŋfa ɗa aŋ bogorai.