Lukas 2:9 - Ɗû na sɗik na wiini Alaw

⁹ Ɗif zi ɵeŋ na war fuŋ-n'Alaw na wiini Epiɗ-ɗai a ɗiya wuzaɗi zaw, abai na wiini Epiɗ-ɗai, te ŋala, won hlai n'e ɗa woni gaini na ɵimaɗi paŋ, nagai e hûni gara.

Lukas 2:9 Iomraidhean Croise

Lokwita n'avut na wiiɗi paakai 8:11

paakai zi ɓaka e kiɗi e hili wuzaɗi gaini sdaɗi kir kai burini ɗugul hanɗa, buri abai na wiini EPIƊ-ƊAI a va tempel na wiini EPIƊ-ƊAI ta.

Niyi n'edi 16:10

Won hlai n'Aaron a na miɗiɗi wiiɗi aliɗi Izrayel, e bindi arɗi edi war basga na kaɗataŋ sek, tizaw, abai na wiini EPIƊ-ƊAI te siŋkasi edi arni ɗugul z'agiyiŋ par.

Niyi n'edi 16:7

Gorof par aga ki tiliti abai na wiini EPIƊ-ƊAI buri a ɵina ŋûriyi na ki ɗa ŋûriyi sini ba. Tiyi mi ɗi miɗi asiya ɗa, na ki ŋûriyi siyi ɗa?

Esaya 35:2

fler aga a gunaŋ azumai, aga a pra amai, gaini yama zi firiyi, gaini ɗuwal zi firiyi lai, Juf na wiini Liban ɗa aga a sa sini, Juf na wiiɗi huwuŋ Karmel gaini hlai na plas na Saron ɗa lai. Nɵa ɗai aga e tiliti abai na wiini EPIƊ-ƊAI, juv na wiini Alaw na wiimu ɗa lai.

Esaya 40:5

Abai na wiini EPIƊ-ƊAI aga te siŋkasi edi, ɗai paŋ aga e siɗi ɓa, a miɗi na mini EPIƊ-ƊAI par.

Esaya 60:1

Ɗiya amai Yeruzalem, bunda aŋ gaglai, tala gaglai a na halasi, gaglai na wiiɗi abai na pɗem na wiini EPIƊ-ƊAI, a na halasi muduku.

Ezekiyel 3:23

Mu niyasi edi warni huduk ɗa, abai na wiini EPIƊ-ƊAI te siŋka ara maini na mu tilitisi gobi ɵimani ra na Kebar ɗa nɵa, nɵa mu kɵa azumai, mu pa ara azumai.

Matewus 1:20

Won hlai n'a na hiina miɗini hanɗa, ɗif zi ɵeŋ na wiini Epiɗ-ɗai a siŋka sini arni war weseŋ zi pɵi, a muɗa: Yosef, ahini David, ku huna kai, yimiti Maria na muniku suku, buri ahi n'aŋ warɗi a na sini Seze sɗik par.

Lukas 1:28

Ɗif zi ɵeŋ na war fuŋ-n'Alaw a niya aha siɗi, a muɗa: Firiya abai gara, tuku n'EPIƊ-ƊAI a za yum suku abai gara ɗa, Epiɗ-ɗai a na gaiku.

Lukas 2:8

Ɗai si giɗimi farai e ɗi fu midini afti hanɗa lai, nagai e fini ɗa edi war basga aŋ giɗimi faraiɗi duvuk duvuk.

Lukas 24:4

Won hlai n'e ɗiyi ca e siɗi wala n'e ziŋ ɗa kai ɗa, e tiliɗi ɗai sulu e ɗiyisi wuzaɗi par gaini sapa n'a ŋala gara siɗi.

Yohana 12:41

Hanɗa a seŋ na Esaya a muɗaŋ ɗa, buri a tiliti abaini, a muɗa miɗini lai.

Sdaɗi Apostelai 12:7

Amma agwiya ɗa, ɗif zi ɵeŋ na war fuŋni Alaw a luɓasi, gaglai a ŋala amlai warni hlai n'aŋ warni ɗa, ɗif zi ɵeŋ a tika tini paɵani, a gigizaŋ a ɵiyaŋ amai a muɗa: Faka amai witaw. Jaɓ ɗa a yakasi amai par tini.

Sdaɗi Apostelai 27:23

Buri war duvuk hanɗa, ɗif zi ɵeŋ na war fuŋ n'Alaw na wiini Alaw na mu yima pini, na mu na siiwaŋ lai ɗa, a siŋka sini ara,

Sdaɗi Apostelai 5:19

Amma war duvuk ɵeŋ na wiini Epiɗ-ɗai a mala miɗi daŋgai ɗa edi, a miliɗisi anene a miɗiɗi maini nɵa:

2 Korintekai 3:18

Tumu paŋ, na sapa armu gai biri kai, na mu ɗa tulutumu abai na wiini Epiɗ-ɗai maini war kotrom par ɵa na ɗa, sumu aga a bunda maini na wiini ɗa nɵa lai, ŋili na wiimu aga a riya amai wuzani sek sek. Hanɗa a sɗa na wiini Epiɗ-ɗai n'a seze ɗa.

2 Korintekai 4:6

Buri Alaw n'a muɗa ɓa, “war gegeŋ par gaglai aga a ŋala ɗa, ni a ni n'a hina gaglai a ŋala war agulyi, kapai siɗi na wiiɗi abai na wiini Alaw a ŋala amai arni Kristu.

1 Timotewus 3:16

A wala zi sispai kai, wala zi ŋoyai na wiini yimi na pin Alaw a na abai: A siŋka sini edi gaglai war neŋ-si, seze sɗik a siŋkaŋ edi aŋ jre-ɗikat seŋ a ɓaka edi miɗini arbaɗi pinzibaɗi ɗai ɗai na warɗi yai e yimi pini, a yima amai warɗi abai lai.

Hebrekai 12:21

Wala n'a za ɗa wala zi mili hunai pini ɗif, haa Musus lai a muɗa ɓa: Hunai n'abai a yimaŋa gara, mu jiriya lai.

Siŋki n'edi 18:1

Asakal hanɗa mu tala ɗif zi ɵeŋ na war fuŋ n'Alaw zamai ktai a niyasi azumai amai war fuŋ n'Alaw par, spak n'abai a sa war tini, gaglai a za midini afti paŋ buriɗi abai na wiini.

Siŋki n'edi 20:11

Mu tiliti Paramai zi pai n'amai na muɗukwi gaini ni n'a sumna midiɗi lai. Afti gaini hlai n'amai a pra edi wuzani arni par, balamni a nava kir kai.