Lukas 2:4 - Ɗû na sɗik na wiini Alaw

⁴ Yosef lai a halasi a Galileya par war fuŋni n'abai na Nazaret aŋ hala amai a Yudiya war fuŋ n'abai na wiini David, na yikini ɓa: Betlehem, buri ni a na war pinzibani David lai.

Lukas 2:4 Iomraidhean Croise

Pi zi tiki 35:19

Rakel te mra, e piti ɵimaɗi futi na Öfrata sek, a dara a muɗa: Betlehem.

Pi zi tiki 48:7

Ta ɗa, war wiyiŋasi n'edi war Mezopotamiya par, mri na wiiɗi Rakel a navaŋa warɗi futi, aha midini afti na Kanaan gobi gaini niyi n'aha war Öfrata. Mu piti woni ɵimaɗi futi n'Öfrata a dara a muɗa war Betlehem.

Mika 5:2

Buri hanɗa, aga a hiniɗi edi, haa sin mefeŋ na muni n'aga te wa ahi, te wa haw, piɗi tawalakaini n'a hina, aga e wiyisi siɗi aliɗi Izrayel.

Matewus 1:20

Won hlai n'a na hiina miɗini hanɗa, ɗif zi ɵeŋ na wiini Epiɗ-ɗai a siŋka sini arni war weseŋ zi pɵi, a muɗa: Yosef, ahini David, ku huna kai, yimiti Maria na muniku suku, buri ahi n'aŋ warɗi a na sini Seze sɗik par.

Matewus 2:23

Asakal par a hala a za dalamni war fuŋ n'abai ktai yikini Nazaret, kapai wala na ɗai na mini Alaw e miɗiŋ ɗa a va amai, kapai aga a yika ɓa ɗif na Nazaret.

Lukas 2:3

Ɗai paŋ e hili mini pɵi hanɗa, asiya asiya paŋ war fuŋni n'abai n'a wa woni, a wa woni.

Lukas 2:5

A hala kapai yikini a ɗo azumai gaiɗi Maria, munini n'a giɓiti ɗa, na te na fu aŋ ziya.

Lukas 4:16

A halasi a Nazaret, war hlai n'a wula amai woni. Warni mefeŋ ni Sabbat ɗa, a hala amlai warni sinagogne maini n'a na zaŋ kûreɗ-kûreɗ nɵa, a faka amai buri a ŋa ɗû na wiini Alaw edi wuzaɗi ɗai.

Yohana 1:46

Nataniyel a miɗini: Wala na pɗem a kiɗa a halasi aha warɗi Nazaret par ɗi? Filip a miɗini: halasi, talaŋ haw le.

Yohana 7:42

Ɗû a muɗa ɓa: Kristu ɗa aga a halasi war pinzibani David par, war Betlehem, fuŋ na David a na ka warni par kai ɗi?

Rut 1:19

E hili piɗi marɗi ktai haa war Betlehem. Won hlai n'e cû aha war Betlehem, fuŋ n'abai ɗa paŋ a muguza. Falakai e miɗi: Hanɗa te Nuumi tiɓ ɗi?

Rut 2:4

Bowas a halasi a Betlehem par, a ɵiɓiɗi wuti wiiɗi ɗai zi hiɗi maini nɵa: EPIƊ-ƊAI a za gaiki. Nagai e wiyini seŋ: EPIƊ-ƊAI a ɓukuku.

Rut 4:11

Ɗai n'e diŋgisi min magala war faada, gaiɗi n'abakai lai e miɗi: Tiyi mi ɗi zaidakai! A juva ɓa EPIƊ-ƊAI a binditi muni na te niya aha war dalamku hanɗa maiɗi Rakel gaiɗi Lea nɵa, nagai na sulu n'e wiiɗi pinzibaɗi Izrayel ɗa nɵa! Siŋka gdaŋku edi wiiɗi Öfrata, hina yikuku a wa war Betlehem lai!

Rut 4:17

Marɗi falakai na ɵimaɗi e sini yiki e miɗi: Nuumi te wa ahi su, e sini yiki ɓa Obed. A epini Isai n'epini David.

1 Samuwel 16:1

Mefeŋ ktai, EPIƊ-ƊAI a miɗini wiini Samuwel: Kapai suku aŋ tuwa miɗini Sawul ɗa ɵa haa kaswa ta ɗa? Ta mu blaŋ edi su, aga a suma pai midiɗi Izrayel kir kai. Viti amiyoki na wiiku gaini emel ta, hala. Mu ɵinuku ahani Isai na Betlehem par, buri ɓa mu nava pai na mu firyaŋ ɗa a na arbaɗi alini.

1 Samuwel 16:4

Samuwel a za wala n'EPIƊ-ƊAI a miɗiŋni ɗa, a hala war Betlehem. N'abakai n'arbaɗi ɗai e hilisi sini, gaini ziriyi n'abai e zilbiŋ e miɗi: Hili na ku halasi na ɗa jam tiɓ ɗi?

1 Samuwel 17:12

David a ahini ɗif na Öfrata, na war Betlehem na war Yuda par, n'e yikiŋ ɓa Isai, n'alini paŋ mitwis. War sarti na wiini Sawul ɗa a za abai gara ta.

1 Samuwel 17:58

Sawul a miɗini: Ahiya, tuku k'ahini asiya ɗa? David a wiyini seŋ: Ta m'ahini Isai, na ɗifku zi sda na war Betlehem par ɗa.

1 Samuwel 20:6

Na ɓa apuku a tala li ɓa m'aŋ kai, a zilbaŋa li ɗa, ku miɗini ɓa: David a siika ma gara, ɓa mu sini futi a hala a Betlehem, fuŋni n'abai ɗa, buri piɗi humuni na wiini paŋ e ɗa gaini ɓaka, n'a za war buza, buza, war hlai hanɗa.