Lukas 2:11 - Ɗû na sɗik na wiini Alaw

¹¹ Girna, warni fuŋ n'abai na wiini David, ɗif zi kûri a wa li buriki, hanɗa a Kristu Epiɗ-ɗai.

Lukas 2:11 Iomraidhean Croise

Pi zi tiki 3:15

Aga mu hina gaw arbaku gaiɗi muni, arbani pinzibaku gaini pinzibaɗi, pinzibaɗi aga a kirpa muduku azumai, tuku aga ku luma digini digini n'ezini.

Pi zi tiki 49:10

Amaraŋai zi pai aga te tika edi war Yuda par kai, amaraŋai na wiiɗi abai edi war pinzibani par kaalai, haa Ni n'a epingezaɗi amaraŋai a cosi, na pinzibaɗi ɗai aga e ɵini pini.

Yama na wiini David 2:2

Paakai na midiɗi yai e zizini siɗi mini hatam, n'abakaiɗi ɗai e kiti miɗi arbaɗi marɗi, aŋ fiki amai sini EPIƊ-ƊAI, aŋ fiki amai sini ɗif na emel n'e tiki ɗai war sda gaini a ma midini ɗa.

Esaya 9:6

Sdani a na maini nɵa: Aga a wa tini midini hlai paŋ, a sa ɵeɗ na vidini aŋ kai wiiɗi Paramai zi pay na wiini David gaiɗi paini lai, aga a ɗiyiti gidiŋi, a hiniti te kɵa kai Aga a ɗiya midini zi na pin gadai gaini jre lai, tiyana par haa hlai n'a vada kai, Hanɗa wala na Sile zi diri na wiini EPIƊ-ƊAI zi spak paŋ aga a zaŋ ɗa.

Matewus 1:16

Yakob a wa Yosef, mofoɗi Maria, na te wa Yesu, ni n'e yikiŋ ɓa: Kristu.

Matewus 1:21

Aga te wa ahi, aga ku sini yiki ɓa: Yesu, buri ni aga a kûrɗiɗi ɗaini edi war tuwurɗi par.

Matewus 16:16

Simun Peter a waya seŋ a muɗa, tuku ku Kristu, Ahini Alaw na karni.

Matewus 16:20

Won hlai ni a gidiɗi ɗaini zi hitri buri e miɗini wiini ɗif ɓa ni a Kristu kai.

Lukas 1:43

Emini Epiɗ-ɗaiŋa te halasi aŋ ɗugulaŋa ɗa, a za ɵa maɵa maɵa ɗa?

Lukas 1:69

A hinasi spak zi kûrɗiyi edi ktai war pinzibani pai David na ɵeŋ na wiini par,

Lukas 2:26

Alaw a zini zaida gaini Seze sɗik ya ɓa aga a tala mri kai, haa a tala Kristu na wiini Epiɗ-ɗai gaini arni.

Lukas 2:4

Yosef lai a halasi a Galileya par war fuŋni n'abai na Nazaret aŋ hala amai a Yudiya war fuŋ n'abai na wiini David, na yikini ɓa: Betlehem, buri ni a na war pinzibani David lai.

Yohana 1:41

A halasi tar a nava gaini Simun na tawalni mal, a miɗini: Tiyi mi nivisi Mesiyas ɗa ya, a waya edi ɓa: Kristu.

Yohana 1:45

Filip a nava gaini Nataniyel a miɗini: Ni na Musus a muɗa miɗini war ɗû, na ɗai na mini Alaw e miɗi miɗini lai ɗa, mi niviŋ ya, hanɗa a Yesu na Nazaret par n'ahini Yosef.

Yohana 11:27

Te miɗini: Nkam, Epiɗ-ɗai, mu yima ɓa tuku ko Kristu Ahini Alaw, ni n'aga a halasi midiɗi yai.

Yohana 20:31

Hanɗa a ɗo ɗa, ɓa kapai ki yimi ɓa Yesu a Kristu, a Ahini Alaw, kapai pini yimi hanɗa ki nivi suŋfa war yikini.

Yohana 4:25

Muni te miɗini: Mu sɗa ɓa Mesiyas aga a halasi, - Ni n'e yikiŋ ɓa Kristu ɗa, won hlai n'a halasi li ɗa, aga a muɗumu midini wazagai n'aga a za ɗa paŋ.

Yohana 4:42

E miɗiɗi wiiɗi muni: Tiyi mi yimi ɗa pini seŋku kir kai, buri ɓa tiyi mi ɵini na mini par ya, tiyi mi siɗi ɓa A ni n'aga a kûrɗiɗi ɗai na warɗi yai par fakat fakat.

Yohana 6:69

Tiyi ɗa a yima midiyi ya, mi siɗi ɓa na sɗik na wiini Alaw ku tuku.

Yohana 7:41

Na zamai pra e miɗi: A Kristu. Amma zamai e miɗi: Kristu ɗa a halasi a Galeliya par ɗi?

Sdaɗi Apostelai 10:36

A ɵinasi seŋni wiiɗi aliɗi Izrayel, a miɗiɗi miɗini labar na pɗem na wiini ɵeɗ na gaini Yesu, ni ɗa a Epiɗ-ɗai na wiiɗi ɗai paŋ.

Sdaɗi Apostelai 13:23

Pini ɵinini-ha n'Alaw a zaŋ ɗa, a hinasi Yesu na ɗif zi kûri na wiiɗi Izrayel a wa war pinzibani.

Sdaɗi Apostelai 17:3

A siŋkiɗi ezini ɗû edi kapai a yimiŋɗi midiɗi ɓa: Kaai tiɓ ɗa, a na ɗa ɓa, Kristu ɗa a sɗa gir, a ɵiya amai arbaɗi zi mri par lai, a muɗa: Yesu na ta mu miɗiki edi miɗini na ɗa a Kristu ɗa.

Sdaɗi Apostelai 2:36

A pɗem ɓa ɗai na Izrayel ɗa, e sɗiŋ edi gaglai ɓa Alaw ɗa a za Yesu na ki tûkûŋ amai sini luwuŋ zi dagra aŋ Epiɗ-ɗai, aŋ Kristu lai.

Sdaɗi Apostelai 5:31

Alaw a sini rɗi n'amai war spakni aŋ pai, aŋ ɗif zi kûri lai, aŋ bunda payaiɗi ɗai na Izrayel ɗa gamai, aŋ hiniɗi tuwurɗi lai.

1 Korintekai 15:47

Ɗif n'avut ɗa a yimasi edi arni afti par, a za ɗa gaini alogodo n'ag'aŋ sulu ɗa a halasi amai ahani Alaw par.

Filipekai 2:11

kapai meme paŋ a sɗa, ɓa Yesu Kristu a Epiɗ-ɗai, a kol na sini Alaw Api.

Filipekai 3:8

Nkam, mu tala wazagai paŋ maini wala zi bi nɵa, buriɗi abaiɗi siɗini Yesu Kristu, Epiɗ-ɗaiŋa, buri ni, mu za ha ɓa wazagai paŋ a ba wiini, mu tala wazagai paŋ maini zilgit kadai, kapai mu nava Kristu,

Kolosekai 2:6

Buri nɵa, maini na ki yimi Epiɗ-ɗai Yesu Kristu ya nɵa, ki piyi warni ni lai.

1Yohana 4:14

Tumu mu tuluŋmu ya, mu zumu zaida lai ɓa Api a ɵinasi Ahi aŋ ɗif-zi-kûri na wiiɗi ɗai na yai.

1Yohana 5:1

Asiya ɗi paŋ n'a yima ɓa Yesu a Kristu ɗa, a waŋsi a Alaw, a siyaɗi paŋ n'a dara Api, a dara Ahi n'a waŋ ɗa lai.