Lukas 16:1 - Ɗû na sɗik na wiini Alaw

¹ A muɗa siɗi ɗaini zi hitri ɓa: Ɗif zi farai ktai, ɗifni n'abai na miɗini wazagaini a na fu, amma seŋ a pa sini ba a na ba wazagai ɗa edi.

Lukas 16:1 Iomraidhean Croise

Pi zi tiki 15:2

Abram a wiyini seŋ: Epiɗ-ɗai Alaw, n'aga ku saŋa ɗa a maɗa? Mu mrafuna ahiya kai, bulumŋa ɗa a hinafuna tini Eliyazar na Damaskus par koo.

Pi zi tiki 43:19

E tûrûsi sini ɗif n'abai na miɗini dalamni Yosef aha mini magala sek e miɗini:

Labar na war yivai n'avut 28:1

David a tipiɗisi ɗai n'abakai na war Izrayel paŋ aha war Yeruzalem, n'abakai na midini pinziba gaiɗi n'abakaini vok n'e ɗa war ɵeŋni pai, abakaiɗi askarai na dubu dubu gaiɗi abakaiɗi askarai na miya miya, gaiɗi n'abakai na midini wazagai gaini farani farai na wiini pai gaiɗi alini, Mapatakai gaiɗi askarai zi hatam, askarai n'agulɗi a huna kai paŋ lai.

Seŋ joro 18:9

Ɗif n'a bunda malam war sdani, gaini ni n'a tuura sda edi ɗa, e ɗi ɗai ktai.

Hoseya 2:8

Buri nɵa, mu cikiti futiɗi gaini hedek, mu cikiti amlai gaini ɵaɓ, kapai te nava futiɗi kir kai.

Matewus 20:8

Won hlai na futi te za li koskoi, epin-gezani zardeŋ zi luwuŋ zi vin ɗa, a miɗini wiini ɗif zi giɗimi wazagai na wiini: Yikiɗisi ɗai zi sɗa ɗa, virgiɗi faraiɗi ɗa, ku tikasi puku siɗi ɗai na asakal ɗa par, ku vada gaiɗi nagai n'e tiki piɗi avut ɗa.

Lukas 12:42

Epiɗ-ɗai a muɗa: Ɗif zi giɗimi wazagai, zi yel n'epin-gezani a pɵa miɗini, n'a kiɗa a tikaŋ aŋ abai midiɗi ɗaini zi sɗa kapai a siɗi simiɗi war hlaini ɗa asiya ɗa?

Lukas 15:13

Mefeŋ agwi asakal par, ahini n'agwi a wura wazagaini edi, a tika morkoi midini afti na gaigai, woni a ba faraini paŋ edi war vilimi.

Lukas 15:30

Amma ahiku na aniŋ ɗa, won hlai n'a cosi ɗa, ni n'a ba faraiku paŋ edi piɗi zawarai; burini ni ɗa, ku fuɗa ahi ɵe na nur nur su.

Lukas 16:19

Ɗif ktai a na ka a ɗif zi farai, A wa sini ɗa a sapa na faraini abai gaini zi leŋ na gaini futini lai. Mefeŋ paŋ ɗa, aŋ war firiyi, a suma gaini futini lai.

Lukas 16:2

A yikaŋ a miɗini: Mu ɵina labar na meefeŋ muduku koo, zaŋa gaglai midini sɗa na mu saŋ war tuku ɗa, wuzamu sek ɗa aga ku za sda hanɗa kir kai.

Lukas 19:20

Zamai ktai a halasi a muɗa: Epin-geza, sulaiku zi or t'aŋ na, mu giɗimiti gaini fiɗi warni sapa tka.

Lukas 8:3

gaiɗi Yowana na munini Kuza, n'abai na miɗini wazagaini Herod, gaiɗi Susana, gaiɗi na zamai viya lai, e zini piɗi gaini wazagai.

Titus 1:7

Ɗif si giɗimi ɗa, aga a za ɗa a ɗif na seŋ na meefeŋ sini kai, buri ɓa ni a ɗif zi giɗimi wazagai na wiini Alaw, a ɗif n'a kola sini kai, n'a za hiy witaw ɗa kai, amma mrini gai tiki edi pin sul ɗa kai, a zi dibi was kai, a na paya der na gai futini kai ɗa kaalai.

Yakob 4:3

Na ɓa ki ɗa siiwi, amma ki nivi wala kai ɗa, buri ki siiwi ɗa a meefeŋ, buri tiki ki firiyi ki biŋ ɗa pin dirini neŋ-siki.

1 Peter 4:10

Hina ɗif paŋ a zina piɗi marni na zamai gaini like zi yum n'a navaŋ ɗa, nɵa aga ki bindi aŋ ɗai zi giɗimi na pɗamai na wiini yum n'Alaw a saŋ kiini kiini.