Lukas 15:5 - Ɗû na sɗik na wiini Alaw

⁵ Won hlai n'a niviti li, a tikiti amai wulani, a waya aha war dalamni gaini firiyi.

Lukas 15:5 Iomraidhean Croise

Esaya 62:12

Aga e yikiɗi ɓa ɗai na sɗik, nagai zi pli-n'edi na wiini EPIƊ-ƊAI, tuku Yeruzalem aga e yikiku, aŋ fuŋ n'abai na gaini hini edi mak kir kai, amma fuŋ n'abai zi diri gara na wiini EPIƊ-ƊAI.

Esaya 62:5

Maini ahiyogwi na gawla a tikiti ɓulmi nɵa, ni n'a rgiku amai hanɗa aga a bunda aŋ mofaku, maiɗi muni zi giɓi te sini firiyi wiini mofaɗi n'a giɓiti, nɵa aga ku sini firiyi wiini Alaw na wiiku.

Esaya 63:9

War girɗi paŋ a ɵinasi ɗif zamai kai, buri a halasi aŋ zinaiɗi, amma ni a ɵasi de gaini midini dama aŋ kûriɗi edi war diri zi hiinini haw a kûriɗi edi, avut par a miliɗisi a libiɗi a kiɗi piɗi war hiliɗi.

Ezekiyel 18:23

Hiini n'aɓa ɗif na mefeŋ a mra li ɗa, a saŋa firiyi ɗa, ki hiini ɓa a jre ɗi a miɗi na sini Epiɗ-ɗai ALAW par. Mu firiya ɗa ɓa, a hina payaini na mefeŋ ɗa edi, a waiyasi kapai a sumna karni kai ɗi

Ezekiyel 33:11

‘ɵinini-gat kai na wiyi gaini tuwur na wiyi a na midiyi guma. Tiyi mu hûfi na buri hanɗa, Kapai mi siɗi aŋ simni karyi ɗa mi zi maɵa maɵa ɗa? Ku miɗiɗi ɓa Gaiya ta Alaw jaŋ, a miɗi na sini Epiɗ-ɗai ALAW par - Ta mu na firya pin mri na wiini ɗif na mefeŋ ɗi? Mu firiya tiɓ ɓa ɗif na mefeŋ a hina payaini na mefeŋ edi, a sumna karni lai! Bindisi, bindisi edi sin payaiki na mefeŋ par: aga ki mri tiɓ buri maɗa, aliɗi Izrayel?

Mika 5:4

A ni n'aga a kasi ɵeɗ, won hlai na ɗai n'Asiriya e niyi li miɗini aftimu, e tiki eziɗi li aha warɗi paimu, aga mu ɗiyumu ɗai zi giɗimi muguzak arɗi, gaiɗi yerimakai mitwis arbaɗi ɗai na Izrayel par.

Mika 7:18

Alaw, na maiku tuku nɵa asiya ɗa? N'a sa ni burini tuwur, na arni miɗini hi n'amai midini gadai, na wiiɗi nagai n'e hini arbaɗi ɗaiku? A za suwar haa kai, amma a firiya a za ɗa yum.

Sofoniyas 3:17

EPIƊ-ƊAI, Alaw na wiiki a na arbaki dam a gaŋgalaŋ n'a kuku aŋ rɗa amai. A na firiya gara buriku, war agulni ku bunda na hehe sek sek, a na ɗuula ɗuwal zi firiyi gara buriku.

Lukas 15:32

amma na mu zumu fet, mu firiyumu lai na ɗa a futini, buri tawalku hanɗa a na fu gaini mri su, tiyana a ɵiya ɵi. A na fu gaini bi ta, tiyana a nava jek.

Lukas 15:6

A yikiɗi marmakaini gaiɗi ɗai na ɵimaɗi paŋ a miɗiɗi ɓa: Ki firiyi gaya, buri mu niviti adumiŋa na te ba edi jek.

Lukas 19:9

Yesu a miɗini: Girna kûri a niyasi li warni dalam hanɗa, buri ni a na warni pinzibani Abraham lai.

Lukas 23:43

Yesu a waya seŋ a miɗini: Jre mu muɗuku: Girna haa, aga ku sumna gaya war paradis.

Yohana 15:11

Mu midiki nɵa ɓa kapai firiyi na wiya a sumna warki, kapai firiyi na wiiki a va amai lai.

Efesekai 2:10

Buri ɓa tumu mu ɗumu sɗa na wiini Alaw, mu rgumu war Yesu Kristu, burini sɗa na pɗamai n'Alaw a zizinaŋsi wuzani hlai, kapai tumu mu sumu sumu warni.

Efesekai 3:7

na ta mu bunda aŋ ɵeŋ buri hanɗa, pin like zi yum n'Alaw a saŋa, pin sdani zi spak.

1 Tesalonikekai 1:5

Burini labar na pɗem na wiyi a coɗi siki war seŋ kadai kai, amma gaini spak, gaini Seze-sɗik gaini vi amai pulmuɗuk war jre, buri ɓa tiki ki siɗi payai na mi piyiŋ arbaki aŋ pɗem na wiiki.

2 Timotewus 2:26

Aŋ wiyisi war hiiniɗi na pɗem, aŋ prisi edi min azaw na wiini mat, n'a yimiɗi aŋ miliɗi azumai pin diri na wiini lai.

Hebrekai 12:2

Armu gaini hiɗiki sin Yesu, ni n'a tika pini yimi na wiimu, n'a kaŋ haa sin vini n'amai ɗa lai, ni na war balamni firiyi a yima gir na wiini dagra sini, hiina burini siyer ɗa kai, tiyana a sumna war hlai zi hormo na wiini Alaw.

1 Peter 1:5

n'Alaw a na giŋmiki warni spakni, pin yumni, sin kûri n'a ŋa gobi aŋ siŋkasi edi war mefeŋ n'asakal.