Lukas 13:4 - Ɗû na sɗik na wiini Alaw

⁴ Zaw ɗai na doogo pi mitwis na poriyo na Silowa te kɵa midiɗi te fiɗiɗi edi ɗa, ki hiini ɓa nagai e zi meefeŋ e sûwiɗi ɗai na zamai na war Yeruzalem ɗa paŋ ɗi?

Lukas 13:4 Iomraidhean Croise

Lokwita n'avut na wiiɗi paakai 20:30

Askarai n'e hini dubu caaɓa pi muguzak ɗa, e ɵiri aha war fuŋ n'abai na Afek ɗa, ɵaga a kɵa midiɗi su. Amma Ben-Hadad a pra edi, a niya aha war fuŋ n'abai a ŋoya amlai warɗi dilimi n'edi piɗi marɗi.

Nahamiyas 3:15

Sallum n'ahini Kol-Hoze, abaini galni afti na Mispa a za sda mini magala na wiini yem zi liiwi. A rgaŋ amai, a pa balak miɗini, a pa tapra na mini gaini kawakai na gdaŋai, a zizina kawakai n'e ɵi mini gaini lai; pra a ziziniti ɵagai ɵimaɗi avai na Silowe na te na arbani zardeŋ na wiini pai gaini hlai n'e hi amai sini aŋ niya aha zar fuŋ n'abai na wiini David.

Yob 1:19

smer na gdaŋ a fakasi edi duɓani basga na kaɗataŋ par a ɵiɓa koŋɗi dilimi na puɗu paŋ. Dilimi te hurba azumai midiɗi aliyagoi ɗa, e mri kafa. Mu kurɗasi piɗi par mu ta pal, mu halasi na ɗa aŋ zuku labar hanɗa.

Esaya 8:6

Ɗai na Yuda ɗa e tili yem na Siluwe, n'a ka gaini hangal ɗa maini wala kadai nɵa, amma e firyi pini Retsin gaini ahini Remaliya.

Matewus 18:24

Won hlai n'a tika pini aŋ zilba, e kisi ktai wuzani, na tumuŋni aŋ miɗini talent doogo.

Matewus 6:12

Ku hina meefeŋ n'aŋ midiyi ɗa, maini na tiyi mi ɗa ziŋ siɗi nagai na tumuŋyi aŋ midiɗi nɵa.

Lukas 11:4

Hiniyi tuwuryi, buri tiyi lai mi hinini wiini asiya asiya ɗi paŋ tumuŋni n'aŋ midii ɗa, ku hina tanai a yimiyi kai.

Lukas 13:3

A na ɵa kai, amma mu miɗiki Na ɓa ki bindi payaiki gamai kai ɗa, tiki lai aga ki bi ɵa kafa lai.

Lukas 13:5

A na ɵa kai, amma mu miɗiki Na ɓa ki bindi payaiki gamai kai ɗa, tiki paŋ aga ki bi maiɗi ɵa lai.

Yohana 9:11

A waya seŋ, a muɗa: Ɗif n'e yikiŋ ɓa Yesu ɗa, a haaɗa afti, a girdaŋ miɗini ara, a muɗaŋa ɓa: Hala, ku ma suku warɗi avai Silowa, nɵa mu hala woni, mu ma sa, ara a mala edi lai.

Yohana 9:7

A miɗini: Hala, ma suku warɗi avai Silowa, a dara a muɗa: Ɵeɗ. Ɗif ɗa a hala a ma sini lai, won hlai n'a wayasi, arni a tala lai.

Sdaɗi Apostelai 28:4

Won hlai na ɗai zi fuŋ e tili wala meefeŋ tini ɵew ɗa, e miɗi arbaɗi marɗi: Ɗif hanɗa fakat a ɗif zi ɵiɓi belek, a kurɗasi mini yem-ra n'abai par tiyana, Alaw na jre ɗa, a dara ɓa a hinaŋ karni kai.