Lukas 11:2 - Ɗû na sɗik na wiini Alaw

² A miɗiɗi: Won hlai na ki diri ki siiwi, ki miɗi maini nɵa: Api A juva ɓa, ɗai paŋ e siɗi ɓa ku na sɗik a juva ɓa, paiku te halasi

Lukas 11:2 Iomraidhean Croise

Lokwita n'avut na wiiɗi paakai 8:43

tuku, amai war hlai n'amai par, hlai zi simni na ku sumna woni, za maini na ɗif n'edi par a zilbaŋ tuku ɗa ɵa, kapai ɗai na midiɗi yai paŋ e suɗuku, e suku hormo maiɗi ɗaiku na Izrayel ɗa nɵa, e siɗi lai ɓa Dalam na mu rgaŋ hanɗa a wiiku tuku.

Lokwita n'ag'aŋ sulu na wiiɗi paakai 19:19

Amma tuku EPIƊ-ƊAI, Alaw na wiyi, kûrɗiyi edi tini Sennakerib par kruɗ, kapai aftiɗi paakai na midiɗi yai paŋ e siɗi ɓa k'Alaw ku tuku EPIƊ-ƊAI ktai.

Labar na war yivai n'ag'aŋ sulu 20:6

A muɗa: EPIƊ-ƊAI, Alaw na wiiɗi tamaiyi, Alaw n'amai ɗa ku tuku kai ɗi? Ku ŋa miɗini pinziba paŋ ku tuku kai ɗi? Gdaŋ gaini spak paŋ aŋ war tuku. Ɗif n'a kiɗa a ɗiya muku aŋ kai.

Yama na wiini David 103:20

Ki zi tese sini EPIƊ-ƊAI tiki na ɵeŋni, tiki zi spak gara, na ki zi pini seŋni, won hlai na ki ɵiniŋ li ɗa,

Yama na wiini David 108:5

Buri pɗemku a na haa amai war hlai n'amai, jreku ɗa haa amai par midini ɗugul lai.

Yama na wiini David 11:4

EPIƊ-ƊAI aŋ warni hlai zi simni na wiini na sɗik, EPIƊ-ƊAI, paramaini zi pai t'aŋ war hlai n'amai, woni par a tiliɗi ɗai na midini afti, a tala hiini n'amlai warni agulɗi lai.

Yama na wiini David 57:11

Buri pɗemku a na haa amai war hlai n'amai, Jreku ɗa, haa amai par midini ɗugul lai.

Ɗif zi ɓiki seŋ 5:2

Buri ɓa hiini na viya na midini wazagai a pɵa weseŋ, seŋ zi miɗi na viya viya ɗa a siŋka dûûlini ɗif edi.

Esaya 63:16

Buri nɵa tuku k'apiyi, Abraham na tiiyi kaw a sɗa seŋ midiyi kai, Yakob kaw a siɗiyi kaalai. Amma tuku EPIƊ-ƊAI tuk'apiyi, haa war pini hlai zi tiki par, ku ɗifyi na ku pliyi edi, tala hanɗa a yikiku haa avut par haa kureɗ.

Ezekiyel 36:23

Aga mu siŋka edi ɓa yikiŋa a na sɗik, yiki n'abai na nafa tirki buriki edi arbaɗi pinzibaɗi ɗai, nɵa nagai aga e siɗi ɓa ta m'EPIƊ-ƊAI won hlai n'aga mu siŋka edi gaiki tiki wuzani arɗi ɓa mu na sɗik- a miɗi na sin Epiɗ-ɗai ALAW par:

Daniyel 2:28

Amma Alaw ktai a na amai, ni a siŋka wazagai na war ŋoyai, a siŋkini wiini pai Nebukadnezar na ɗa a wala n'aga a za wuzani sek. Weseŋ na pɵa pai gaini wala n'a siŋka arni miɗini walani zi feŋ a hanɗa:

Daniyel 2:44

War mefeŋɗi paakai hanɗa, Alaw n'amai aga a kitisi pai ktai n'aga te ɓulka edi kai zaŋ, na paiɗi te sa tini pinziba zamai kai, aga te sara, te vada paakai hanɗa paŋ edi, aga te suma haa, haa kureɗ.

Daniyel 7:18

asakal hanɗa ɗai na sɗik na wiini Alaw n'Amai aga e niviti pai, paiɗi aga te hina tiɗi ɵa haa kureɗ, haa hlai n'a vada kai n'a vada kai.

Daniyel 7:27

Amma pai gaini spak gaiɗi abai na wiini pai na midiɗi yai paŋ a sa siɗi ɗai na sɗik na wiini Alaw n'Amai. Paiɗi te pai na te vada kai, ɗai zi spak na midini afti paŋ e hûrgû azumai wuzani, e gidi pini lai.

Hoseya 14:2

Izrayel, wayasi sini EPIƊ-ƊAI Alaw na wiiyi, buri ɓa ku kɵa burini meefeŋ na wiiku.

Levitekai 10:3

Musus a miɗini wiini Aaron: EPIƊ-ƊAI a mu ɗaŋ edi gaglai ya ɓa: Aga mu siŋka edi ɓa mu na sɗik, gaiɗi nagai paŋ n'e tûrûsi sa ɗa, mu firiya ɓa e siŋa kol wuzani arɗi ɗai paŋ. Aaron a kitiŋa faɵ.

Levitekai 22:23

Na ɓa ɵeŋ, zaw adime, zaw hek n'ezini kal kal kai, zaw n'a wula amai kai, ku kiɗa ku za ɓaka na diriku a va amai midini tizaw gaini, amma aŋ ɓaka na ku zaŋa ɵinini-ha miɗini mu yimaŋ kai.

Habakuk 2:14

Buri afti paŋ aga a va gaiɗi abai na pɗem na wiini EPIƊ-ƊAI, maini ra n'abai n'a va gaini yem nɵa.

Matewus 10:32

Buri nɵa, asiya ɗi paŋ n'a muɗa edi wuzani arɗi ɗai ɓa: ni a wiya, Ta lai, aga mu muɗa edi miɗini wuzani Apa na war fuŋ-n'Alaw lai.

Matewus 3:2

Bindi payaiki ɗa, buri pai n'Alaw te ŋasi gobi.

Matewus 5:16

A juva ɓa, gaglaiki a ŋala wuzaɗi ɗai maini hanɗa ɵa, kapai e tili sdaki na pɗem, e sini kol wiini Epiki na war fuŋ-n'Alaw lai.

Lukas 11:1

Mefeŋ ktai, Yesu a na fu warni hlai ktai aŋ siiwa, won hlai n'a vada li, ktai arbaɗi ɗaini zi hitri a miɗini: Epiɗ-ɗai, hitriyi lai maini na Yohana a hitriɗi ɗaini zi hitri aŋ siiwi nɵa.

Romekai 1:7

-Siɗi nagai paŋ n'e ɗa war Rome, zi diri gara na wiini Alaw paŋ, n'e ɗa sɗik pin yiki lai, Alaw Apumu gaini Epiɗ-ɗaimu Yesu Kristu e siki yum gaini ɵeɗ.

Romekai 8:15

Buri ɓa ki nivi ɗa a seze zi bege kai, kapai ki wiyi ki hûni pra kir kai, amma ki nivi ɗa a Seze n'a ziki aŋ ali zi wii, gaini ni mu ɗuulumu ɓa: Abba, Apa.

1 Korintekai 1:3

Alaw Apumu gaini Epiɗ-ɗai Yesu Kristu e siki yum gaini ɵeɗ lai.

2 Korintekai 1:2

Alaw n'apumu gaini Epiɗ-ɗaimu Yesu Kristu e siki yum gaini ɵeɗ.

Galatekai 1:4

Yesu Kristu a sa sini dama edi burini tuwurmu, kapai a plumusi edi warɗi yai na maafini na tiyana ɗa par, pin dirini Alaw n'Apumu,

Efesekai 1:2

Alaw Apumu gaini Epiɗ-ɗaimu Yesu Kristu e siki yum gaini ɵeɗ lai.

Filipekai 1:2

Alaw apumu gaini Epiɗ-ɗaimu Yesu Kristu e siki yim gaini ɵeɗ.

Filipekai 4:20

Kol sin Alaw n'apumu haa hlai n'a vada kai na vada kai. Amen.

Kolosekai 1:2

siɗi tawalakai na war Kolose, n'e ɗa sɗik, jre lai war Kristu. Alaw n'Apumu a siki yum gaini ɵeɗ.

1 Tesalonikekai 1:1

Pawlus gaini Silvanus gaini Timotewus, sin tipi na wiiɗi Tesalonikekai na war Alaw Api, gaini na war Epiɗ-ɗai Yesu Kristu, Alaw a siki yum gaini ɵeɗ.

1 Tesalonikekai 1:3

midiyi a kɵa gaini sɗa n'a siŋkiki edi: sɗa na wiini yimi gaini sɗa zi diri, gaini siiki na war biyi-na-pin-ɵeɗ na wiini Epiɗ-ɗaimu Yesu Kristu, wuzani arni Alaw, n'Apumu.

2 Tesalonikekai 2:16

A juva ɓa Epiɗ-ɗaimu Yesu Kristu gaini midini dama gaini Alaw Apumu n'a durumu, n'a sumu arai zi pi n'a vada kai gaini biyi-na-pin-ɵeɗ na pɗem lai pin yumni,

Siŋki n'edi 11:15

Nɵa, ɗif zi ɵeŋ na war fuŋ-n'Alaw n'ag'aŋ muguzak a biyiti faanai na wiini ɗa, wule n'abakai a wasi amai war fuŋ-n'Alaw par a muɗa: Pai na midiɗi yai ɗa, te sa war tini Epiɗ-ɗai na wiimu gaini Kristu na wiini. Aga a ŋa haa hlai n'a vada kai, n'a vada kai.

Siŋki n'edi 15:4

Epiɗ-ɗai, n'aga a suku hormo kai, a kola yikuku kaalai ɗa asiya ɗa? Sɗik ɗa ku tuku ktai. Pinzibaɗi ɗai paŋ aga e hilisi, e hûrgû azumai wuzaku, buri ɓa jre na wiiku a siŋka edi ya.

Siŋki n'edi 19:6

Mu ɵina wule ktai maini wulani firi n'abai nɵa, maini suurani yem n'abakai nɵa, maini ɓarai na wiini Alaw zi ɓarai na gdaŋ nɵa, a muɗa: Haleluya! Buri Epiɗ-ɗai Alaw na wiimu, Alaw zi spak paŋ, a niya warɗi paini li.

Siŋki n'edi 20:4

Mu tala Paramai zi pai viya, nagai n'e simni midini ɗa, spak a sa siɗi buri e ɗûklûti sariya, mu tala suŋfaɗi nagai n'e ɗûklûɗi homokɗi edi gaini beŋel, buri zaida n'e ziŋ miɗini Yesu gaini seŋni Alaw lai, gaiɗi nagai n'e hûrgû zumai wuzani wala n'ezini puɗu gaini wala zi rgi n'a sɗa maini ɵa ɗa kai ɗa, gaiɗi nagai na wala zi siŋki na wiini wala n'ezini puɗu a tika miɗini arɗi kaalai, miɗini tiɗi kaalai. Nagai e bindi karɗi pra, e ŋi gaini Kristu haa buza dubu ɗaw.