Lukas 10:11 - Ɗû na sɗik na wiini Alaw

¹¹ Alogodo na warni fuŋki par n'a duɓuka eziyi kaw, mi ɗa ɵiɓiŋkiɗi edi. Amma ki yimiŋ midiki pɗem ɓa: Paini Alaw te halasi siki ya.

Lukas 10:11 Iomraidhean Croise

Ezekiyel 2:5

E yimi seŋku maa kal, e yimiŋ kai maa kal, buri ɓa e ɗi pinziba n'e ɵini seŋ kai, aga a yima midiɗi ɓa, ɗif na mini Alaw a n'arbaɗi.

Matewus 10:14

Won hlai n'e yimiki siɗi kai, na e ɵini seŋki kaalai ɗa, ki hili edi warni dalam hanɗa par, zaw war fuŋ n'abai hanɗa par ɗa ki ɵiɓi alogodo n'eziki edi.

Matewus 10:7

Won hlai na ki ɗa hili ɗa, ki ɓiki labar hanɗa edi ki miɗi: paini fuŋ-n'Alaw te ŋasi gobi.

Matewus 3:2

Bindi payaiki ɗa, buri pai n'Alaw te ŋasi gobi.

Markus 6:11

Na ɓa, ki cû li war hlai ktai na ɗai e diri e yimiki siɗi kai, e ɵini seŋki kaalai ɗa, ki fiki woni par ɗa ki ɵiɓi alogodo n'eziki edi tiɓ tiɓ, kapai a hina aŋ zaida siɗi.

Lukas 10:10

Amma war fuŋ n'abai paŋ n'aga ki niyi aha woni, na ɗai e diri e yimiki siɗi kai ɗa, ki hili edi warni futini n'abakai ɗa ki miɗi:

Lukas 10:9

Ki zûûliɗi zi veglek na woni, ki miɗiɗi wiiɗi ɗai ɓa: Paini Alaw t'aŋ ɵimaki gobi.

Lukas 9:5

Woɗi paŋ na ɗai e diri e yimiki siɗi kai ɗa, won hlai na ki niyi edi warni fuŋ n'abai hanɗa par, ki ɵiɓi alogodo n'eziki ɗa edi aŋ zaida siɗi.

Sdaɗi Apostelai 13:26

Tawalakaya, tiki na war pinzibani Abraham, gaiki tiki zamai na ki hûni Alaw lai, seŋ zi kûri hanɗa a ɵinasi edi burimu tumu.

Sdaɗi Apostelai 13:40

Nɵa ki zi hangal kapai wala na a ɗo warni maktuɓ na wiiɗi ɗai na mini Alaw ɗa ɓa:

Sdaɗi Apostelai 13:46

Tiyana Pawlus gaini Barnabas e tiki seŋ e miɗiɗi edi gaglai maini nɵa: A dewele ɓa seŋni Alaw a muɗa edi siki tiki avut, amma tiyana ɗa, tiki ki hû giŋ edi, ki tili siki maiɗi ɗai n'e kiɗi burini suŋfana a vada kai kai ɵa, tiyana ɗa, tiyi mi bindi aryi siɗi pinziba na zamai ɗa sek.

Sdaɗi Apostelai 13:51

Nagai e ɵiɓi alogodo n'eziɗi edi midiɗi, e hili war Ikoniyom,

Romekai 10:21

Amma buriɗi Izrayel ɗa a muɗa maini nɵa: Mu yiva na ɗa aŋ wa ta min pinziba n'a dara a ɵina kai, n'a faka gai fiki amai sa.

Romekai 10:8

Jre-ɗikat na pin yimi a muɗa ɗa maini nɵa: Seŋ ɗa a na gobi gaiku, aŋ war muku, aŋ warɗi agulku lai, hanɗa a seŋ na wiini yimi, na tiyi mi ɓikiŋ na ɗa.

Hebrekai 1:3

Ahi hanɗa, a ŋiliɗi abai na wiini, a ni n'a siŋka Alaw mal edi lai. A giɗima wazagai paŋ gaini seŋni zi spak; Asakal n'a za ɓaka burini tuwur ya ɗa, a sumna war hlai zi hormo na wiini Alaw, amai war hlai n'amai,