Lukas 10:1 - Ɗû na sɗik na wiini Alaw

¹ Asakal hanɗa Epiɗ-ɗai a vara ɗai zamai doogo doogo muguzak pi sulu, a ɵiniɗi sulu sulu wuzani war fuŋ n'abakai paŋ gaini hlai paŋ na Ni gaini midini dama a dara a hala woni ta ta ɗa.

Lukas 10:1 Iomraidhean Croise

Ezekiyel 8:11

Mu tala ɗai n'abakai n'arbaɗi na Izrayel doogo doogo muguzak gaini ɗiyi amai wuzani alawai zi rgi ɗa ca ca, Yazaniya n'ahini Safan ɗa a na arbaɗi lai, ɗif paŋ gaini wala zi yi wazagai zi ɗûgûdi zi lûgûzi tini ɗaw ɗaw, agiyiŋ na wiini wazagai zi ɗûgûdi zi lûgûzi ɗa a ɗuguda amai suulla.

Piɵi 11:16

EPIƊ-ƊAI a wiyini seŋ wiini Musus: ku tipiɗiŋa abakai n'arbaɗi ɗai doogo doogo muguzak, e ɗi ɗai na ku sɗa fakat ɓa e ɗi abakai n'arbaɗi ɗai, e ɗi abakai n'e ɵi wuzaɗi ɗai lai, ku kiɗisi war gumu n'e nivi gaini EPIƊ-ƊAI warni, e ɗiyi gaiku ca.

Lukas 1:17

Aga a halasi avut wuzani Alaw gaini seze gaini spak na wiini Eliyas, kapai a wayasi hiiniɗi tamai siɗi aliɗi, a wiyiɗisi nagai n'e ɵini gat kai ɗa sini yel na wiiɗi na jre-ɗikat, kapai e ziɗi aŋ ɗai na gaini zizini burini Epiɗ-ɗai.

Lukas 1:76

Amma tuku ahiya, arwagwi, aga e yikuku aŋ ɗif na mini Alaw, na wiini Alaw n'Amai n'Amai, buri aga ku hala wuzani arni Epiɗ-ɗai, aŋ zizina futini n'agogoi.

Lukas 7:13

Epiɗ-ɗai a tiliti, hiini-haw a yimaŋ buriɗi, a miɗiɗi: Ku tuwa kai.

Lukas 7:19

A ɵiniɗi sini Epiɗ-ɗai aŋ zilbiŋ ɓa: Tuku ku Ni n'aga a halasi ɗa, zaw mi biyi na zamai ɗi?

Lukas 9:52

A ɵina ɗai wuzani, nagai e fiki e hili e niyi warni fuŋ ktai na wiiɗi ɗai na Samariya buri e zizini hlai woni.