Lukas 1:6 - Ɗû na sɗik na wiini Alaw

⁶ Nagai sulu paŋ e ɗa jre wuzani arni Alaw, e piyi pini seŋ zi gadai gaini gadai zi ɗiyi na wiini Epiɗ-ɗai war futini gara.

Lukas 1:6 Iomraidhean Croise

Pi zi tiki 17:1

Won hlai n'Abram a za buza doogo doogo ɵeeŋe pi ɵeeŋe, EPIƊ-ƊAI a siŋka sini arni, a miɗini: Ta m'Alaw zi spak paŋ, ku paya ɗikat wuzani ara, ku hunaŋa edi kai.

Pi zi tiki 6:9

Pinzibani Nowa a na maini nɵa, Nowa, ɗif na jre ɗikat arbaɗi pinziba n'e ɗi ka war mefeŋ na wiini, a ɵina mini Alaw.

Pi zi tiki 7:1

EPIƊ-ƊAI a miɗini wiini Nowa: Niya warni hulum, tuku gaini dalamku paŋ, buri ku tuku ktai na mu tuluku wuzani ara jre ɗikat arbaɗi pinziba hanɗa.

Lokwita n'avut na wiiɗi paakai 15:5

A za nɵa buri ɓa, David a paya payai na pɗem wuzani arni EPIƊ-ƊAI haa sini mrini ta, a za wala ktai na meefeŋ kai sai a seŋ na wiini Uriya na Hittite ɗa tar.

Lokwita n'avut na wiiɗi paakai 9:4

Amma tuku ɗa, na ɓa ku paya wuzani ara maini David n'apuku nɵa gaiɗi agul ktai war jre, ku za maini na mu guduku midini nɵa, na ɓa ku za pini gadai zi ɗû gaini zi ɗiyi na wiya lai ɗa,

Lokwita n'ag'aŋ sulu na wiiɗi paakai 20:3

Hai, EPIƊ-ƊAI, hina muduku a kɵa buriya, buri mu paya payai na ɗikat wuzani arku gaiɗi agul ktai lai, mu za ɗa a wazagai n'a tala arku pɗamai lai. Asakal hanɗa, Ezekiyas a tuwa gara.

Labar na war yivai n'ag'aŋ sulu 17:4

amma a paya EPIƊ-ƊAI, Alaw na wiini tiyni, a za pini gadaini, a za maiɗi ɗai na Izrayel ɗa nɵa kai.

Yob 1:1

Midini afti na Us ɗa, ɗif ktai a na ka yikini ɓa Yob. Ɗif hanɗa, a na fu ɗa a ɗif na jre, na ɗikat, n'a huna Alaw, n'a guna sini meefeŋ kai.

Yob 1:8

EPIƊ-ƊAI a zilbaŋ: Yob na ɗifŋa ɗa ku talaŋsi ya ɗi? Ɗif na maini ɵa midiɗi yai aŋ kai, a ɗif na jre, na ɗikat, n'a huna Alaw, n'a guna sini meefeŋ kaalai.

Yob 9:2

A futini, mu sɗa ɓa na ku muɗaŋ na ɗa a na ɵa, ɗif murɗek ɗa, jreni na wuzani Alaw a na wata ɗa!

Yama na wiini David 119:6

Nɵa won hlai n'aga mu tala gadaiku ɗa, siyer aga a yimaŋa kai.

Lukas 1:7

Amma e wi ali kai, buri ɓa Elizabet ɗa te na fu muɗaŋ. Nagai sulu paŋ buzaɗi a za abai ta ta lai.

Lukas 16:15

A miɗiɗi: Tiki, ki yiki siki aŋ ɗai na jre kai, amma Alaw a siɗiti t'agul. Wala n'a tala arɗi ɗai kol gara ɗa, arni Alaw a wala na hihir.

Lukas 2:25

Ɗif ktai a na fu a Yeruzalem yikini Simeyon, ɗif hanɗa jre gara, a huna Alaw lai, a na fu aŋ baya n'Alaw aga a kûrɗiɗi Izrayel edi ɗa, seze sɗik a na fu miɗini lai.

Sdaɗi Apostelai 2:25

Buri David a muɗa edi midini maini nɵa: Mu tala EPIƊ-ƊAI kûreɗ-kûreɗ wuzani ara, buri ɓa Ni aŋ gaya blaŋ, kapai wala a sɗa aŋ gigiɗaŋa kai.

Sdaɗi Apostelai 23:1

Pawlus a mula arni siɗi ɗai zi kiti seŋ ɗa a muɗa: Tawalakaya, ta ɗa mu paya wuzani Alaw haa girna, hiiniŋa a pa seŋ ktai mada kai.

Sdaɗi Apostelai 24:16

Buri nɵa, mu na fuɗa was aŋ paya ɗikat wuzani arni Alaw, wuzani arɗi ɗai lai.

Sdaɗi Apostelai 8:21

Buri na wiiku, gaini gal na wiiku warni wala hanɗa kai, buri agulku te na ɗikat wuzani Alaw kai.

Romekai 8:4

Kapai jre-ɗikat na gadai a muɗa miɗini ɗa a va amai warmu tumu na mu ɗuma piyumu pin neŋ-si ɗa kai, amma na pin Seze ɗa.

1 Korintekai 11:2

Mu ziki tese, buri war wazagai paŋ, midiki a na wula gaya kai, buri ki yimi gadai ɗa kal kal maini na mu siŋki nɵa.

2 Korintekai 1:12

Kol na wiyi ɗa a zaida na mi siɗiŋ siyi war hiiniyi ɗa, tiyi mi piyi wuzani arki war hangal gaini jre lai n'a halasi sini Alaw par, mi piyi war yel na wiini neŋ-si kai, amma war yum na wiini Alaw.

Wiyi na midini gadai 5:33

Ki tikiti kureɗ te futi n'EPIƊ-ƊAI Alaw na wiiki a siŋkitiki ɗa, nɵa aga ki simni karki, ki simni ɵeɗ, ki mri gop kaalai midini afti n'aga ki tikiŋ aŋ wiiki ɗa.

Filipekai 2:15

Kapai ki zi aŋ ɗai a seŋ midiɗi kai, hilu, alini Alaw gaini meefeŋ siɗi kai, arbaɗi pinziba na gaini fi, na maafanai, na ki ŋili arbaɗi maini gaglai na wiiɗi yai nɵa,

Kolosekai 1:22

Tiyana Alaw a toya li gaiki war Ahini, war mrini na war neŋ-si, kapai a sɗa aŋ ɗiyiki wuzani arni sɗik, gaini tirki siki kai, seŋ na meefeŋ midiki kaalai.

1 Tesalonikekai 3:13

A juva ɓa a sa gdaŋ warɗi agulki, kapai seŋ a za miɗini kai, sɗik wuzani Alaw Apumu war gizini Epiɗ-ɗaimu Yesu, gaiɗi na sɗik na wiini paŋ. Amen.

2 Peter 3:14

Nɵa lai tiki zi diri gara, war bayai hanɗa, aga ki fiɗi was aŋ simni gaini didiɓi kai, gaini bli ɓlok kai war ɵeɗ,

1Yohana 2:29

Na ɓa tiki ki siɗi ɓa Kristu a na jre-ɗikat, aga ki siɗi lai ɓa asiya ɗi paŋ n'a za jre ɗikat a waŋsi ɗa a Alaw.

1Yohana 2:3

Aga mu suɗumu ɓa tumu mu suɗuŋmu ya ɗa war hanɗa: na ɓa mu yimumu seŋ zi gadai na wiini.

1Yohana 3:7

Aliya, hini ɗif a wiliki edi kai, ni n'a za jre-ɗikat ɗa a na jre, maini na Yesu Kristu a na jre-ɗikat nɵa.