Levitekai 26:3 - Ɗû na sɗik na wiini Alaw

³ Na ɓa ki ɗa zi pini gadaiŋa zi ɗû, na ɓa ki yimi gadaiŋa li, na ɓa ki ɗa zi pini lai ɗa.

Levitekai 26:3 Iomraidhean Croise

Nahamiyas 1:9

Amma, na ɓa ki wiyisi li sa, ki yimi gadaiŋa li, ki zi pini li lai, koo ɓa ɗaiki n'e ɵiri edi, e ɗa edi mini dibini afti tekeɗeɗi, aga mu tipiɗisi, mu kiɗisi won hlai na mu varaŋ kapai yikiŋa a yika woni.

Niyi n'edi 23:25

Na ɓa ki zi ɵeŋni EPIƊ-ƊAI Alaw na wiiki, aga a ɓaka wala zi simi na wiiki gaini yem zi ci na wiiki lai. Aga mu birga veglek edi siki par.

Esaya 1:19

Na ɓa ki ɵini li ma ɗa, aga ki simi wazagai na pɗamai n'a midini afti ɗa.

Esaya 30:23

Nɵa EPIƊ-ƊAI aga a ɵa faŋ miɗini seyem na ki biliŋ arni afti ɗa, wala zi simi n'afti a waŋ ɗa, aga a za viya, pɗamai gara lai; war mefeŋ ni ɗa, farani farai aga a hala a suma kuzum war hlai na farai a suma woni n'abakai.

Yeremiyas 11:4

Gadai na mu siŋɗi wiiɗi tamaiki war mefeŋ na mu miliɗisi edi war Egipte par, warni waŋ n'e hiliyi kawai warni par, mu miɗiɗi ɓa: Ɵini ma, ki zi pini wala paŋ na mu gidiki miɗini, nɵa tiki aga ki bindi aŋ ɗaiŋa, Ta aga mu bunda aŋ Alaw na wiiki lai.

Levitekai 19:25

sini buza ɵim par ta ɗa, aga ki simiŋ, nɵa luwuŋki aga a wa ali viya a suwa pra, EPIƊ-ƊAI Alaw na wiiki mu ta.

Sakariyas 8:12

Aga mu kasi ɵeɗ, luwuŋ zi vin aga a wa ali, afti aga a wa seyem, maɗai n'amai par aga a ɵa, wazagai hanɗa paŋ aga mu saŋ wiiɗi piɗi ɗai na hina.

Malakiyas 3:10

Kisi doogoni wazagai amlai war tempel na wiya war jre, kapai wala zi simi a ɗukla amlai war tempel na wiya kai, Mu siiwiki, titimiŋa haw le, na ɓa mu mala mini hlai n'amai edi buriki kai ɗa, zaw na ɓa mu ɵinaɗi ɓiki midiki abai haa a suwa kai ɗa. A miɗi na sini EPIƊ-ƊAI zi spak paŋ par.

Wiyi na midini gadai 7:12

Na ɓa ki tiki hangalki li sini gadai zi ɗiyi hanɗa, ki yimiŋ li, ki zi li pini lai ɗa, EPIƊ-ƊAI Alaw na wiiki aga a ɗiya midini bonu n'a zaŋ gaiki gaini pɗem n'a ha wala mini wiiɗi tamaiki, ɓa aga a zaŋ siɗi lai.

Siŋki n'edi 22:14

ɵeɗ midiɗi nagai n'e mi sapaɗi edi, kapai e siɗi aŋ gi sin luwuŋ zi suŋfa, aŋ niyi aha warni fuŋ n'abai min magala par lai.