Daniyel 9:9 - Ɗû na sɗik na wiini Alaw

⁹ Hiinini haw gaini hinini tuwur lai a wiini EPIƊ-ƊAI, Alaw na wiyi, buri tiyi mi fiki amai sini.

Daniyel 9:9 Iomraidhean Croise

2 Samuwel 24:14

David a wiyini seŋ wiini Gad: M'aŋ war hunai n'abai, marya mu kɵumu war tini EPIƊ-ƊAI, buri ɓa hiinini haw na wiini abai gara, a suwa na mu kɵumu war tiɗi ɗai ɗa,

Lokwita n'avut na wiiɗi paakai 8:30

ɵina tuwiŋa gaini na wiiɗi ɗaiku na Izrayel na mi ɗa tûwiŋɗi suku war hlai hanɗa par, tuku, war hlai na k'aŋ warni ɗa, amai war hlai n'amai par ɵina tuwiyi, siyi ni lai.

Nahamiyas 9:31

Pini hiinini haw n'aŋ warku, ku hiniɗi aŋ vidi edi gamai kai, ku hiniɗi edi kaalai buri tuku k'Alaw na pɗem zi yum.

Yama na wiini David 130:4

Amma hinini tuwur ɗa a na ɗa war tuku, buri hanɗa a dewele ɓa ɗai e suku hormo.

Yama na wiini David 130:7

Izrayel baya tini EPIƊ-ƊAI, buri ɓa, pɗem ɗa aŋ war tini EPIƊ-ƊAI, pli n'a puluku edi gaini ɗa aŋ tini arni viya.

Yama na wiini David 62:12

Alaw a muɗa ɵima azi viya ɓa: Gdaŋ a wiini Alaw.

Yama na wiini David 86:15

Amma tuku EPIƊ-ƊAI, k'Alaw na ku hiina haw, k'Alaw zi hangal lai, k'Alaw na ku luba seŋ, pɗemku abai, jreku abai lai.

Yama na wiini David 86:5

Buri tuku EPIƊ-ƊAI ku pɗem, ku sa ni burini tuwur; Pɗemku abai gara siɗi nagai n'e siiwi tuku.

Esaya 55:7

Ɗif na tuwur a hiniti futini na mafini edi, ɗif na ɗikat kai a hina hinini na meefeŋ edi lai, a wayasi sini EPIƊ-ƊAI, buri nɵa EPIƊ-ƊAI aga a hiina haw burini, sini Alaw na wiimu na sa ni burini tuwur abai gara.

Esaya 63:7

Mada aga a kɵa aŋ muɗa edi midini sda, na pɗamai n'Alaw a zaŋ, gaini kol n'a sa sini Alaw lai, buri pɗem paŋ n'Alaw a zaŋ sumu, aga mu muɗa edi pɗemni n'abai hanɗa, siɗi aliɗi Izrayel, pɗem n'a ziŋɗi.

Yeremiyas 14:7

Na ɓa merfeŋyi a pa seŋ midiyi ɗa, EPIƊ-ƊAI za siyi burini yikuku, buri jre ɗikat kai na wiyi ɗa a suwa viya gara, tiyi mi zi tuwur na ɗa suku tuku.

Ezekiyel 20:13

Gaini hanɗa paŋ, edi warni basga na kaɗataŋ ɗa, aliɗi Izrayel e fiki amai sa, e zini pini gadai zi ɗû na mu siŋɗi gaini gadai zi ɗiyi na ɗif a za pini kapai a sumna karni gaini ɗa kaalai. E kisi miisi n'abai sini Sabbat na wiya ɗai na Izrayel, nɵa mu hiina wara ɓa: mu hinasi suwarŋa midiɗi edi war basga na kaɗataŋ ɗa, kapai mu vidiɗi edi.

Daniyel 9:5

Tiyi mi zi tuwur, mi zi meefeŋ, mi ɗi ɗai na haharai, mi ɗi ɗai na mi fiki amai suku, mi hini gadaiku gaiɗi gadai na ku ɗiyaŋ paŋ edi.

Daniyel 9:6

Tiyi mi ɵini piɗi ɗaiku zi sda, ɗai na muku, n'e miɗi war yikiku wiiɗi paakaiyi, wiiɗi ɗaiyi n'abakai zi sda, wiiɗi tiyakaiyi, wiiɗi ɗai na midini afti paŋ kai.

Daniyel 9:7

EPIƊ-ƊAI, jre ɗa a wiiku, tiyi mi tiki ɗa siyer, maini girna mi tiki siyerli nɵa, tiyi ɗai na Yuda, ɗai na Yeruzalem, ɗai na Izrayel paŋ n'e ɗa gobi zaw gaigai, midini afti na ku birgiɗi edi woni paŋ burini meefeŋ na mi ziŋ suku ɗa, mi ɗi na war siyer.

Daniyel 9:8

EPIƊ-ƊAI siyer ɗa a wiyi, wiiɗi paakaiyi, wiiɗi tamaiyi, buri mi zi tuwur suku.

Yonas 4:2

A siiwa tini Alaw a muɗa: Tala haw EPIƊ-ƊAI, hanɗa a seŋ na mu muɗaŋ, won hlai na m'aŋsi ahaya par kai ɗi? A seŋ na mu firiya mu lawa war tarsis wuzani ɗa, buri mu sɗa ya ɓa tuku ɗa k'Alaw na ku hiina haw, k'Alaw zi yum, na ku za hiy witaw kai, na pɗemku abai gara, koo ku za hiy sini ɗif ɗi, ku waya.