Daniyel 9:7 - Ɗû na sɗik na wiini Alaw

⁷ EPIƊ-ƊAI, jre ɗa a wiiku, tiyi mi tiki ɗa siyer, maini girna mi tiki siyerli nɵa, tiyi ɗai na Yuda, ɗai na Yeruzalem, ɗai na Izrayel paŋ n'e ɗa gobi zaw gaigai, midini afti na ku birgiɗi edi woni paŋ burini meefeŋ na mi ziŋ suku ɗa, mi ɗi na war siyer.

Daniyel 9:7 Iomraidhean Croise

Ezdras 9:13

Paŋktai, asakal wala n'a za siyi buri sdaɗi na meefeŋ, gaini tuwuryi n'abai na suku, mi sɗi ɓa tuku Alaw na wiyi ku tika pini meefeŋyi paŋ kai. Nɵa, ku hina ɗai piyi n'a kûrɗisi, na tiyana e ɗi na.

Ezdras 9:15

EPIƊ-ƊAI, Alaw na wiiɗi Izrayel, tuku ku jre-ɗikat buri ɓa girna, tiyi mi ɗa karyi maiɗi ɗai n'e kûrɗisi gai kûrɗi nɵa. Tala mi ɗa wuzaku, gaini tuwuryi, paŋktai, maini hanɗa nɵa ɗif a kiɗa aŋ ɗiya wuzani arku kai.

Nahamiyas 9:33

Tuku war wazagai n'a ziyi paŋ ɗa, wiiku a jre, buri ku za siyi war jre, amma tiyi ɗa, mi zi ɗa a meefeŋ.

Yama na wiini David 119:137

EPIƊ-ƊAI, tuku ku jre, seŋku na ku ɗiyaŋ paŋ ɗa a na ɗikat.

Yama na wiini David 44:15

Ku hiniyi yaw, ɗai e ɵi yama piyi, ɗai e gigizi midiɗi piyi arbaɗi ɗai.

Yama na wiini David 51:14

Saŋa firiyi buri kûri na ku koraŋa, saŋa seze zi melke kapai a zina pa.

Yama na wiini David 51:4

Ma meefeŋŋa edi silak, zaŋa edi hilu warni tuwurŋa par.

Esaya 11:11

War mefeŋ ni ɗa, EPIƊ-ƊAI aga a miɗiti tini edi azi n'aŋ sulu pra, aŋ pliɗisi piɗi ɗaini n'e hinisi karɗi war Asiriya par, Egipte par, War Patros par, war Etiyopiya par, war Elam par, war Sineyar par, war Hamat, gaiɗi n'edi midini wudi na ɵimani yem-ra n'abai ɗa par lai

Esaya 45:16

Siyer a yimiɗi kafa, arɗi yima amai kai, nagai n'e kilɗi alawai zi rgi paŋ ɗa, e hili sek na ɗa war siyer n'abai.

Yeremiyas 12:1

EPIƊ-ƊAI, ku suwa jre gara, kadai tiɓ ɗa mu kiɗa mu pa seŋ suku kai, amma gaini hanɗa paŋ ɗa wazagai zamai zamai n'a na vuga ɗa a na maini n'a za ɵa kai. Futi na wiiɗi ɗai na maafanai ɗa, te bunda aŋ futi zi der ɗa maɵa maɵa ɗa? Nagai na jrekai kai, e simni ɵeɗ ɗa maɵa maɵa ɗa?

Yeremiyas 23:6

War sarti ni ɗa, Yuda aga te pla edi, Izrayel ɗa aga te sumna ɵeɗ, aga e sini yiki ɓa: EPIƊ-ƊAI ɗa a jre na wiyi.

Yeremiyas 24:9

Aga mu bindiɗi aŋ wala na a mula hunai, aŋ gir buriɗi aftiɗi paakai na midini afti ɗa paŋ, aŋ wala zi tirki, aŋ wala zi murɵi, aŋ wala na ɗai e riyi pini, aŋ wala zi tu sa lai won hlai na mu ɵiriɗi edi woni paŋ.

Yeremiyas 3:25

Sumnumu wiimu warni siyermu ca, hunumu siyer ɗa a yumumu wiini buri mu zumu tuwur sini EPIƊ-ƊAI Alaw na wiimu, tumu gaiɗi tamaimu paŋ, war agogoimu par haa girna, mu ɵinumu mini EPIƊ-ƊAI Alaw na wiimu kai.

Yeremiyas 32:32

Limi na ɗai na Izrayel gaiɗi na Yuda e limi agula gaini meefeŋɗi n'e ziŋ ɗa, nagai paakaiɗi, gaiɗi ɗaiɗi n'abakai, gaiɗi paakaiɗi zi ɓaka, gaiɗi ɗaiɗi na mini Alaw lai, ɗai na Yuda gaiɗi ɗai na Yeruzalem lai.

Yeremiyas 33:16

War mefeŋ ni ɗa, Yuda aga te pla edi, Yeruzalem aga te sumna ɵeɗ lai. Aga e siɗi yiki maini hanɗa nɵa: EPIƊ-ƊAI a jre na wiyi.

Yeremiyas 4:17

Nagai aga e gûniti Yeruzalem ɗa azumai, maiɗi ɗai n'e giɗimi vowai nɵa, buri ɓa Yeruzalem te faka amai sa, a miɗi na sini EPIƊ-ƊAI par.

Yeremiyas 7:19

E hiini ɓa e ɓilkitiŋa na ɗa t'agula ta ɗi? A miɗi na sini EPIƊ-ƊAI par, e zi na ɗa a wala zi siyer na midiɗi nagai dama kai ɗi?

Ezekiyel 16:63

kapai muduku a kɵa, siyer a yumuku, siyer a hina muku a tika amai kai, won hlai na mu haza mefeŋ na ku zaŋ ɗa li paŋ edi ɗa, a miɗi na sini Epiɗ-ɗai ALAW par.

Ezekiyel 36:31

Midiki aga a kɵa gaini payaiki na mefeŋ, gaini sdaki na mefeŋ lai na ki ɗi ka woni. Arki aga a baza siki burini tuwurki gaini sdaki na hihir.

Ezekiyel 5:10

Buri nɵa aha arbaki ɗa, tamai aga e limiɗi aliɗi, ali aga e limiɗi tamaiɗi lai. Aga mu zitiki sariya na wiya ɗa, n'e hini piki agwi ɗa, aga mu ɵiriɗi edi arbani smer lai.

Ezekiyel 6:12

Ni n'aŋsi gai gai ɗa, aga a mra mini vlak, ni n'a na gobi aga a mra min gaw, n'aga a hinasi karni min wazagai hanɗa par ɗa, wiyamai aga te fuɗaŋ lai. Hiyŋa na siɗi ɗa aga mu hinaŋ a futi ta kai.

Daniyel 9:14

EPIƊ-ƊAI a ɗiya midini gir hanɗa a kaŋsi midiyi, buri EPIƊ-ƊAI, Alaw na wiiyi a na jre war sdani n'a na zaŋ paŋ, amma tiyi mi ɵini mini kai.

Daniyel 9:18

Alaw wiya, zagasi ɵimaku ma jak, mulasi arku, tala ɓilki n'edi na wiyi gaini fuŋ n'abai na yikiku a na yika woni. Mi tûwi suku na burini sdaɗi na ɗikat kai, amma mi tûwi na buri yumku n'abai.

Daniyel 9:8

EPIƊ-ƊAI siyer ɗa a wiyi, wiiɗi paakaiyi, wiiɗi tamaiyi, buri mi zi tuwur suku.

Amos 9:9

Nkam aga mu sa miɗi, aga mu digiliɗi pinzibaɗi aliɗi Izrayel arbaɗi pinziba na zamai par, maini n'e digili seyem nɵa, ktai maa aga a kɵa azumai arni afti kai.

Romekai 6:21

Nɵa ali na ki wi ɗa a na wata ɗa? A wazagai na tiyana tiki mal maa siyer arki burini ta, buri ɓa vidini n'edi ɗa a mri.

Wiyi na midini gadai 32:4

Ni ɗa a huwuŋ, sdani ɗa meefeŋ warni kai, seŋ n'a ɗiyaŋ paŋ a futini, Alaw na wiimu ɗa a ɗikat, meefeŋ warni kai, A jre, a bunda kai.

Wiyi na midini gadai 4:27

EPIƊ-ƊAI aga a ɵiriki edi arbaɗi ɗai paŋ, aga ki hini agwi kadai arbaɗi ɗai na zamai, won hlai na EPIƊ-ƊAI aga a ɵiriki edi ktai ktai won hlai zamai.