Daniyel 9:16 - Ɗû na sɗik na wiini Alaw

¹⁶ EPIƊ-ƊAI, pin sdaku na jre, ku za barka, ku hina hiyku gaini swarku a tika edi midiɗi Yeruzalem, fuŋku n'abai, huwuŋi na sɗik na wiiku par! buri Yeruzalem gaiɗi ɗai na warɗi e bindi aŋ wala na zi miisi buriɗi ɗai na ɵimaɗi lai burini tuwur na wiyi gaini meefeŋ na wiiɗi tiyakaiyi.

Daniyel 9:16 Iomraidhean Croise

Nahamiyas 9:8

Ku talaŋ a na arku ɗikat, ku za bonu gaini, ku zini ha ɓa aga ku sini afti na wiiɗi Kanaaniyakai, na wiiɗi Hititekai, na wiiɗi Amoritekai, na wiiɗi Perizitekai, na wiiɗi Yebuzitekai gaini na wiiɗi Girgazitekai aŋ siŋɗi wiiɗi pinzibani, ku va seŋku amai ta, buri tuku ku jre.

Yama na wiini David 143:1

EPIƊ-ƊAI, ɵina siiwaŋa. Zaga ɵimaku mini tuwiŋa, wayaŋa seŋ buri pɗemku, burini jreku.

Yama na wiini David 31:1

Yama na wiini David, n'a tikaŋsi war maktuɓ zi yama na wiini abai na midini yama par.

Yama na wiini David 41:13

Amma ta ɗa, ku giɗimaŋa, hinaŋa mu niya warni meefeŋ kai, ku tikaŋa wuzani arku ɵa haa kureɗ.

Yama na wiini David 71:2

Tuku aga ku kurɗaŋa, ku plaŋa edi, pin jreku. Jagasi ɵimaku ma, kurɗaŋa.

Yama na wiini David 79:4

Ɗai na ɵemayi ɗa e tirkiyi, nagai n'e gûniyi azumai ɗa e ziyi yewere, e riyi piyi,

Yama na wiini David 85:4

Ku waya suwar na wiiku azumai, ku tika hiyku n'abai ɗa azumai lai.

Yama na wiini David 89:51

EPIƊ-ƊAI, hina muduku a kɵa gaini tirki n'e ɗa tirkiɗi ɗaiku ɗa! Hina muduku a wula kai ɓa, ɗai hanɗa paŋ e ɗi na ɗa pa.

Niyi n'edi 20:5

Aga ku hurga azumai wuzani alawai hanɗa kai, ku za ɵeŋni kaalai. Buri ɓa, Ta EPIƊ-ƊAI Alaw na wiiku, m'Alaw zi sile, na mu zilba tuwur na wiiɗi tamai n'e bili gaw sa war tiɗi aliɗi lai haa sini vuna n'ag'aŋ hu zaw n'ag'aŋ puɗu.

Esaya 5:25

Buri nɵa EPIƊ-ƊAI a za hii siɗi ɗaini ta, a yima tini amai, a ɵiɓiɗi, Huwaŋai a ziriya, kopoŋɗi zi mri war futi puk puk maini zilgit nɵa. Amma gaini hanɗa paŋ ɗa, hiyni a tika azumai kai Tini te na amai kaai ɗaai.

Yeremiyas 24:9

Aga mu bindiɗi aŋ wala na a mula hunai, aŋ gir buriɗi aftiɗi paakai na midini afti ɗa paŋ, aŋ wala zi tirki, aŋ wala zi murɵi, aŋ wala na ɗai e riyi pini, aŋ wala zi tu sa lai won hlai na mu ɵiriɗi edi woni paŋ.

Yeremiyas 29:18

Aga mu tika futi piɗi gaini gaw, gaiɗi wiyamai, gaini vlak lai. Aga mu bindiɗi aŋ wala zi mili hunai piɗi ɗai burini aftiɗi paakai na midini afti paŋ, aŋ wala na ɗai e tûûsi gaini, aŋ wala na a vada gdaŋɗi ɗai edi, na hihir n'e yibi hûwit, zi tirki lai, arbaɗi pinziba paŋ n'aga mu ɵiriɗi edi arbaɗi,

Yeremiyas 32:31

Fuŋ n'abai hanɗa a wala na a kaŋa war hiy, war suwar sini mefeŋ n'e rgiŋ par haa girna, buri nɵa, mu dara mu talaŋ wuzani ara kir kai.

Yeremiyas 32:32

Limi na ɗai na Izrayel gaiɗi na Yuda e limi agula gaini meefeŋɗi n'e ziŋ ɗa, nagai paakaiɗi, gaiɗi ɗaiɗi n'abakai, gaiɗi paakaiɗi zi ɓaka, gaiɗi ɗaiɗi na mini Alaw lai, ɗai na Yuda gaiɗi ɗai na Yeruzalem lai.

Ezekiyel 22:4

Pin felɗi ɗai na ku maŋ edi aga ku niviti emin seŋ; pin alawai zi rgi na ku rgaŋ, ku bunda suku hihir, nɵa ku torasi mefeŋku zi ɓilki n'edi gobi, ku cosi ya sin dibini buzaku. Buri nɵa mu zuku aŋ wala zi tirki arbaɗi ɗai, aŋ wala zi yewere burini afti paŋ.

Ezekiyel 5:14

Aga mu bunduku aŋ greŋ, aŋ wala zi tirki arbaɗi pinziba n'a gunuku azumai ɗa wuzani arɗi ɗai n'e vigi ɗa paŋ.

Daniyel 11:45

Aga a pa gororoni zi pai arbani yem-ra n'abai gaiɗi huwuŋ na sɗik na te na midini afti na juva gara. Woni aga a nava mri, ɗif ktai maa aga a zina pini kai.

Daniyel 9:20

Mu hala wuza gaiɗi siiwa ɗai, mu hama tuwurŋa gaini na wiiɗi ɗaiŋa na Izrayel mu ka tuwiŋa wuzani Epiɗ-ɗai Alaw na wiya, buriɗi huwuŋ na sɗik na wiini Alaw na wiya.

Sakariyas 8:3

EPIƊ-ƊAI a na muɗa maini nɵa: aga mu waisi siɗi Siyon mu sumna a ha war Yeruzalem. Aga a yikiti Yeruzalem ɓa fuŋ n'abai na jre gaiɗi huwuŋ na wiini EPIƊ-ƊAI zi spak paŋ, huwuŋ na sɗik.

2 Tesalonikekai 1:6

Na ɓa a jre, ɓa a tala arni Alaw pɗem, buri a ziɗi gir wiiɗi nagai n'e ziki gir ɗa,

1Yohana 1:9

Amma na ɓa mu suɗumu tuwurmu li, ni a jre, a ɗikat aga a sumu ni burini tuwur na wiimu, aga a mumu edi hilu war jre ɗikat kai na wiimu paŋ lai.

1 Samuwel 2:7

A kiɗa a za ɗif murga, a kiɗa a zaŋ aŋ ɗif zi farai lai. A kiɗa a hosa ɗif azumai, a kiɗa a yimaŋ amai lai.