Daniyel 9:12 - Ɗû na sɗik na wiini Alaw

¹² Tuku Alaw, ku va miɗiku na ku muɗaŋ siyi gaiɗi nagai n'e ɵi wuzaɗi amai, ku hinasi gir n'abai midiyi war Yeruzalem; gir na maini nɵa a za ka midiɗi yai duk kai.

Daniyel 9:12 Iomraidhean Croise

Lokwita n'avut na wiiɗi paakai 3:9

Sataŋa agul zi yel kapai mu sɗa aŋ ɵa wuzaɗi ɗaiku, aŋ za ɓraw arbani pɗem gaini meefeŋ lai. Na ɓa nɵa kai ɗa, n'a kiɗa aŋ ɵa wuzaɗi ɗaiku ɗa asiya ɗa, ɗaiku na viya hanɗa?

Lokwita n'ag'aŋ sulu na wiiɗi paakai 22:16

EPIƊ-ƊAI, Alaw na wiiɗi Izrayel a na muɗa maini nɵa: aga mu hinasi gir midiɗi Yeruzalem gaiɗi ɗai na warɗi aŋ va seŋ n'aŋ war maktuɓ na pai na Yuda a ŋaŋ na ɗa paŋ amai.

Yob 12:17

A bindiɗi ɗai na yalakai gara e hili eziɗi azumai kadai ca, n'e ɗûklûti sariya ɗa ɗe a bindiɗi tiŋ tiŋ lai.

Yama na wiini David 148:11

Paakai na midini afti gaiɗi ɗai paŋ, abakai zi ɵi wuze gaiɗi paakai zi ɗûkûliti sariya paŋ.

Yama na wiini David 2:10

Nɵa tiyana ɗa, tiki paakai ki zi yel, tiki n'abakai na ki ŋi midini afti, yimi gadai hanɗa.

Seŋ joro 8:16

N'abakai n'e ɵi wuze e ŋi na barkaŋa, n'abakai gaiɗi nagai n'e ɗûklûti sariya midini afti ɗa paŋ lai.

Esaya 43:28

Nɵa mu miliɗi n'abakai na war sda n'amlai war hlai na sɗik ɗa edi, mu siɗi pinzibani Yakob aŋ vidiɗi edi, mu siɗi aliɗi Izrayel edi min tirki na wiiɗi gawɗi lai.

Esaya 44:26

Aga mu va seŋ na ɵeŋ na wiya a muɗaŋ ɗa amai, aga mu va amai, wala na ɗaiŋa na mu ɵiniɗiɗi e miɗi miɗini ɗa. Mu muɗa ɓa: Yeruzalem ɗa ɗai aga e zi fuŋ warɗi, Fun n'abakai na Yuda ɗa aga rga amai, Hlaiɗi n'a haɗa azumai ɗa, aga mu rgaŋ amai lai.

Yeremiyas 30:7

Gir gara, mefeŋ hanɗa a mefeŋ n'abai, mefeŋ zamai na maini ɵa aŋ kai. A mefeŋ zi gir burini Yakob, amma aga a kurɗa a niyasi edi warni par.

Yeremiyas 32:23

E hilisi midini afti ni ɗa, e tikiŋ aŋ wiiɗi lai, amma e ɵini muku kai, e zi pini gadai zi ɗû na wiiku kaalai, na ku gidiɗi miɗini aŋ ziŋ ɗa, e ziŋ kaalai, nɵa ku hinasi gir hanɗa paŋ midiɗi buri hanɗa.

Yeremiyas 39:16

hala, ku muɗa gaini Ebed-Melek na Etiyopiya par, ku miɗini ɓa: EPIƊ-ƊAI zi spak, Alaw na wiiɗi Izrayel a na muɗa maini nɵa: na mu muɗaŋ midini fuŋ n'abai hanɗa, aga mu hinaŋsi miɗini, aŋ pɗemni burini kai, amma aŋ gir midini. Hanɗa aga a za tiyana wuzani arku lai.

Yeremiyas 44:23

Tiki ki yi wazagai zi ɗûgûdi zi lûgûzi aŋ ɓaka wiini alawai na zamai, ki zi tuwur sin EPIƊ-ƊAI, ki ɵini mini EPIƊ-ƊAI kai ki zi pin gadaini zi ɗû gaini gadaini zi ɗiyi kai, gir hanɗa a cosi midiki na ɗa buri hanɗa. Ki ɗa tiliŋ gaini arki girna lai.

Yama zi tuuwi 1:12

Tiki paŋ na ki ɗa vigisi warɗi futi hanɗa, tili haw ɗa, gir na maini na mu na sɗaŋ na ɵa, n'EPIƊ-ƊAI a tikaŋŋa mada war mefeŋ n'a za hiy abai sa ɵa ɗa, gir na maini hanɗa ɵa a na ɗi?

Yama zi tuuwi 2:13

Na mu muɗuku tiɓ ɗa a maɗa? Na mu kata gaiku ɗa asiya ɗa? Yeruzalem na jûvi. Na mu kataŋ gaiku kapai a suku arai zi pi ɗa asiya ktai ɗa, ɓulmi, Siyon na jûvi? Buri ɓa girku a suwa abai maini yem-ra n'abai ɗe nɵa. N'aga a zuuluku ɗa asiya ɗa?

Yama zi tuuwi 2:17

EPIƊ-ƊAI a za ɗa a wala n'a kataŋsi ya ɓa a za ɗa, a va seŋni n'a muɗaŋ ɗa amai, n'a muɗaŋsi ka haa gamai par ɗa, a haɗa hlai azumai gaini hiinini haw kai. A hiniɗi gawku e firiyi puku; a riya spakɗi gawku amai.

Yama zi tuuwi 4:6

Meefeŋ na wiiɗi ɗaiŋa a suwa tuwur na wiiɗi Sodoma suwai, na te tuura edi gaini yafai kai, na tini ɗif maa a tika siɗi kai.

Ezekiyel 13:6

Wala n'a siŋka arɗi ɗa jreni aŋ kai, seŋɗi na wuze ɗe a eles kadai, e miɗi ɓa: A miɗi na sini EPIƊ-ƊAI par, paŋ ktai ta EPIƊ-ƊAI, mu ɵiniɗiɗi kai, amma e ɗa biyi ɓa seŋɗi ɗa aga a va amai.

Ezekiyel 5:9

Buri sdaki na haharai na ki ziŋ ɗa, aga mu ziki wala na mu zaŋ ka duk kai, n'aga mu zaŋ pra kaalai.

Daniyel 12:1

War mefeŋ hanɗa, Mikayel ɗif zi ɵeŋ n'abai n'a giɗimiɗi ɗaiku aga a faka amai. A mefeŋ zi gir, war piɗi yai zi tiki par haa girna, gir na maini hanɗa nɵa a za ka duk kai. War mefeŋ hanɗa ɗaiku aga e kûrɗi, nagai paŋ na yikiɗi a ɗoli war maktuɓ zi suŋfa na wiini Alaw.

Yowel 2:2

A mefeŋ zi gegeŋ na tikiɗim, A mefeŋ zi ɗugul na murɗek gaini hlai zi digi, Vok n'a pɵa kai, zi spak, a na halasi, mu tulumu ka vok na maini hanɗa nɵa duk kai, aga mu tulumu maini zamai pra asakal hanɗa par kaalai. Haa sin pinziba n'asakal sek gaigai. A halasi maini hlai na rum-rum na wa tini midini huwuŋ paŋ nɵa.

Amos 3:2

Arbaɗi pinziba na midiɗi yai paŋ, mu firyiki gara gara ki ɗi tiki. Aga mu zilba meefeŋki na ki ziŋ paŋ war tiki.

Sakariyas 1:6

Paŋktai seŋŋa na mu muɗaŋ edi, gaini seŋŋa na mu rgaŋ wara na mu saŋ war tiɗi ɵeŋŋa ɗai na min Alaw, a yima midiɗi tamaiki, e bindi hiiniɗi. Nɵa nagai e wiyisi, e miɗi edi gaini miɗi lai ɓa: EPIƊ-ƊAI zi spak paŋ a rga warni buri a za sumu pini payaimu gaini sdamu. A za na ɗa a ni ɗa.

Sakariyas 1:8

War duvuk hanɗa wala ktai a siŋka ara: mu tala ɗif ktai miɗini pilis na mekele dam, a ɗiya war huduk zaw, arbani huwaŋai. Duɓani par ɗa, plasai zamai na makalakai, na bogrokai, gaini na muɗukokai a na fu lai.

Sakariyas 7:12

Agulɗi a bunda gdaŋ maini kawai nɵa, kapai e ɵini hitri gaini miɗi n'EPIƊ-ƊAI zi spak paŋ a miɗiŋɗi war sezeni war miɗi ɗai na min Alaw n'avut par kai. Seŋ hanɗa a tuura agulni EPIƊ-ƊAI zi spak paŋ gara.

Matewus 24:21

Buri won hlai ni gir aga a za, war piɗi yai zi tiki par haa tiyana gir n'abai maini nɵa a za kai, aga a za pra kaalai.

Matewus 5:18

Jre mu miɗiki, haa hlai n'amai gaiɗi yai a vada edi ɵa, wala ktai na nɵa ɗef, zaw na gaini tûûrini tar na warni ɗû par aga a tika edi kai haa wazagai n'a muɗaŋ ɗa a va amai.

Markus 13:19

Buri mefeŋ ni ɗa a mefeŋ zi gir, gir na maini hanɗa ɵa ɗa, a za ka duk kai, haa war pi zi tiki n'Alaw a rgiti yai ɗa par haa girna, aga a za pra kir kaalai.

Lukas 21:22

Buri mefeŋ ni ɗa, Epiɗ-ɗai aga a ziti sariya na jre, kapai wala n'aŋ gaini ɗû ɗa a va amai.

Romekai 15:8

Buri mu miɗiki, Kristu a bunda aŋ ɵeŋ na wiiɗi Yudiyakai burini jre-ɗikat na wiini Alaw, kapai a va ɵinini-ha n'a ziŋɗi wiiɗi tamaiɗi ɗa amai.