Daniyel 9:11 - Ɗû na sɗik na wiini Alaw

¹¹ Ɗai na Izrayel gai hlaiɗi e hi amai midini gadai na wiiku, e bindi edi war futi zamai, e ɵini muku kai. Nɵa tusa gaini yuvuk n'a ɗo li war ɗû na wiini Musus, ɵeŋ na wiiku, a kɵa midiyi, buri mi zi tuwur sini Alaw.

Daniyel 9:11 Iomraidhean Croise

Lokwita n'ag'aŋ sulu na wiiɗi paakai 18:12

Buri ɓa e ɵini mini EPIƊ-ƊAI, Alaw na wiiɗi kai; e hi amai midini gadai na wiini bonu n'a zaŋ gaiɗi: wazagai na Musus ɵeŋ na wiini EPIƊ-ƊAI a gidiɗi miɗini ɗa e yimiŋ kaalai, e zi pini kaalai.

Lokwita n'ag'aŋ sulu na wiiɗi paakai 22:16

EPIƊ-ƊAI, Alaw na wiiɗi Izrayel a na muɗa maini nɵa: aga mu hinasi gir midiɗi Yeruzalem gaiɗi ɗai na warɗi aŋ va seŋ n'aŋ war maktuɓ na pai na Yuda a ŋaŋ na ɗa paŋ amai.

Esaya 1:3

ɵe ɗa a sɗa epin-gezani, ablehö a sɗa hlai na epin-gezani a sini simi woni. Amma Izrayel, na, te sɗa wala kai, ɗaiŋa ɗa e ɵini kai.

Esaya 43:28

Nɵa mu miliɗi n'abakai na war sda n'amlai war hlai na sɗik ɗa edi, mu siɗi pinzibani Yakob aŋ vidiɗi edi, mu siɗi aliɗi Izrayel edi min tirki na wiiɗi gawɗi lai.

Yeremiyas 16:11

Nɵa, ku wiyiɗi seŋ ɓa: A za nɵa buri ɓa, tamaiki e hiniŋa edi, a miɗi na sini EPIƊ-ƊAI par, e tiɓi pini alawai zamai e zi ɵeŋni, e hûrgû azumai wuzani lai. Amma ta ɗa, e hiniŋa edi mak, e zi pini gadaiŋa zi ɗû kaalai.

Yeremiyas 2:29

Seŋ n'aga ki piŋŋa mada ɗa a na wata ɗa, gaini hlaiki paŋ ki fiki amai sa kafa ɗa koo, a miɗi na sini EPIƊ-ƊAI par.

Yeremiyas 30:14

Nagai paŋ n'e ɗi ka e diriku ɗa, midiɗi a wula gaiku, aga e piyuku kir kai. Buri mu zuku gir maini na gawku a zuku gir ɗa nɵa, mu tukuku gir na gdaŋ gara muduku, burini meefeŋku na a suwa viya gara, burini tuwurku na viya gara ɗa lai.

Yeremiyas 32:23

E hilisi midini afti ni ɗa, e tikiŋ aŋ wiiɗi lai, amma e ɵini muku kai, e zi pini gadai zi ɗû na wiiku kaalai, na ku gidiɗi miɗini aŋ ziŋ ɗa, e ziŋ kaalai, nɵa ku hinasi gir hanɗa paŋ midiɗi buri hanɗa.

Yeremiyas 40:3

EPIƊ-ƊAI a hinasi gir na a muɗa midini ɗa, a zaŋ nɵa buri ɓa ki zi tuwur sini, ki ɵini mini kaalai. Na a muɗaŋ siki ɗa a va amai li.

Yeremiyas 44:22

EPIƊ-ƊAI a yima hanɗa sini kir kai, buri sdaki na maafanai gaini wazagai na haharai na ki ziŋ ɗa; aftiki a bunda aŋ hlai zi greŋ, aŋ hlai na gai tûûri edi, aŋ wala zi tu sa, na ɗai warni kir kai. Ki ɗa tiliŋ gaini arki girna lai.

Yeremiyas 44:23

Tiki ki yi wazagai zi ɗûgûdi zi lûgûzi aŋ ɓaka wiini alawai na zamai, ki zi tuwur sin EPIƊ-ƊAI, ki ɵini mini EPIƊ-ƊAI kai ki zi pin gadaini zi ɗû gaini gadaini zi ɗiyi kai, gir hanɗa a cosi midiki na ɗa buri hanɗa. Ki ɗa tiliŋ gaini arki girna lai.

Yeremiyas 6:19

Tiki ɗai na midiɗi yai, ɵini pɗem, mu kasi gir midiɗi ɗai hanɗa mu ta, gir hanɗa a za na ɗa pini hiiniɗi na meefeŋ. Buri ɓa e tiki hangalɗi sini seŋ na mu miɗiŋɗi kai, gadaiŋa zi ɗû ɗe e ɗiyi sini kaalai.

Daniyel 9:13

Pin n'a ɗoli war ɗû na wiini Musus, gir hanɗa a cosi midiyi, amma tiyi mi piyi aŋ tikitini agulni EPIƊ-ƊAI, Alaw na wiyi azumai kai, mi hini meefeŋyi edi kaalai, mi zigi ɵimayi aŋ ziɓiri jre na wiiku kaalai.

Daniyel 9:5

Tiyi mi zi tuwur, mi zi meefeŋ, mi ɗi ɗai na haharai, mi ɗi ɗai na mi fiki amai suku, mi hini gadaiku gaiɗi gadai na ku ɗiyaŋ paŋ edi.

Sakariyas 1:6

Paŋktai seŋŋa na mu muɗaŋ edi, gaini seŋŋa na mu rgaŋ wara na mu saŋ war tiɗi ɵeŋŋa ɗai na min Alaw, a yima midiɗi tamaiki, e bindi hiiniɗi. Nɵa nagai e wiyisi, e miɗi edi gaini miɗi lai ɓa: EPIƊ-ƊAI zi spak paŋ a rga warni buri a za sumu pini payaimu gaini sdamu. A za na ɗa a ni ɗa.

Sakariyas 7:12

Agulɗi a bunda gdaŋ maini kawai nɵa, kapai e ɵini hitri gaini miɗi n'EPIƊ-ƊAI zi spak paŋ a miɗiŋɗi war sezeni war miɗi ɗai na min Alaw n'avut par kai. Seŋ hanɗa a tuura agulni EPIƊ-ƊAI zi spak paŋ gara.

Sakariyas 8:13

Tiki ɗai na Yuda gaiki tiki ɗai na Izrayel, tiki ki ɗi ka arbaɗi ɗai na kadai, maiɗi ɗai na ki tûûsi tuwus, tiyana ta na aga mi kûrɗiki, aga mu ɓikiki, ki hûni kir kai, ki pi arki.

Wiyi na midini gadai 8:20

aga ki vidi edi marwai maiɗi pinziba n'EPIƊ-ƊAI a vadaŋ edi wuzaki marwai ɗa nɵa, buri na ɓa ki ɵini pini EPIƊ-ƊAI Alaw na wiiki kai.