Buri ɓa e ɵini mini EPIƊ-ƊAI, Alaw na wiiɗi kai; e hi amai midini gadai na wiini bonu n'a zaŋ gaiɗi: wazagai na Musus ɵeŋ na wiini EPIƊ-ƊAI a gidiɗi miɗini ɗa e yimiŋ kaalai, e zi pini kaalai.
Nɵa, ku wiyiɗi seŋ ɓa: A za nɵa buri ɓa, tamaiki e hiniŋa edi, a miɗi na sini EPIƊ-ƊAI par, e tiɓi pini alawai zamai e zi ɵeŋni, e hûrgû azumai wuzani lai. Amma ta ɗa, e hiniŋa edi mak, e zi pini gadaiŋa zi ɗû kaalai.
E hilisi midini afti ni ɗa, e tikiŋ aŋ wiiɗi lai, amma e ɵini muku kai, e zi pini gadai zi ɗû na wiiku kaalai, na ku gidiɗi miɗini aŋ ziŋ ɗa, e ziŋ kaalai, nɵa ku hinasi gir hanɗa paŋ midiɗi buri hanɗa.
Tiyi mi ɵini piɗi ɗaiku zi sda, ɗai na muku, n'e miɗi war yikiku wiiɗi paakaiyi, wiiɗi ɗaiyi n'abakai zi sda, wiiɗi tiyakaiyi, wiiɗi ɗai na midini afti paŋ kai.