Daniyel 8:8 - Ɗû na sɗik na wiini Alaw

⁸ Mempete a za haa abai, won hlai na spakni a kiɗa a za wala, amiyokini n'amai te haɗa ɓaw, war balamɗi amiyok n'abakai puɗu a diya gaini hiŋili sini koŋɗi yai na puɗu sek sek.

Daniyel 8:8 Iomraidhean Croise

Labar na war yivai n'ag'aŋ sulu 26:16

Pini spak n'a sa sini ɗa, kûlûni-si a niya warni haa a ba edi, a ɵina mini EPIƊ-ƊAI, Alaw na wiini kir kai, a niya maa haa amlai warni tempel na wiini EPIƊ-ƊAI aŋ ya wala zi ɗûgûdi zi lûgûzi miɗini gûwiŋ n'e yiŋ woni.

Ester 9:4

A za nɵa, buri Mardokai a bunda aŋ ɗif n'abai ahani pai, yikini a tika pini a wa edi midini afti na wiiɗi lawaŋai paŋ, Mardokai ni ɗa, spakni a riya amai wuzani sek sek.

Yeremiyas 49:36

Aga mu hinasi smer na war koŋni hlai na puɗu paŋ par a halasi midiɗi Elam Aga mu ɵiriɗi edi arbani smer hanɗa, afti ktai n'aga a hina ta, na ɗai n'e ɵiriɗi war Elam par e cû warni kai aŋ kai.

Yeremiyas 5:27

Dalamɗi a va gaini wazagai n'e niviŋ war jre kai ɗa, maini dologo n'a va gaini wala zi ɗufli ɗa nɵa, nɵa e bindi aŋ ɗai zi spak, zi farai lai.

Ezekiyel 16:7

Mu wuluku haa amai maini luwuŋ n'edi basga ɵa, ku va edi aŋ ɓulmi kiŋ, ku za amai, ku bunda juvi gara. Fiyaw a pasi muku, ayir a diya digirku. Amma ku na fu ganala, ganala sul.

Ezekiyel 28:9

Wuzani ni n'aga a fuɗuku, aga ku muɗa pra ɓa: ‘ta m'Alaw ɗi’, paŋ ktai ku ɗif, k'Alaw kai won hlai n'aga ku sa war tiɗi nagai n'aga e fuɗuku edi ɗa!

Daniyel 11:4

Won hlai na paini te zizina azumai gaini futiɗili, aga te ɓurwa, aga te sa edi kiiɗi kiiɗi war koŋɗi yai na puɗu paŋ. Aga te sa sini pinzibani kai, spakɗi aga a za maini na wiini ni nɵa kaalai. Buri paini aga te hurɗa amai, aga te sa siɗi na zamai, sini zibaɗi kir kai.

Daniyel 4:31

War vidini buza na muguzak hanɗa, ta Nebukadnezar mu yima ara amai war hlai n'amai, hiiniŋa a waisi sa, mu sini tese wiini Alaw n'Amai, mu sini kol gaiɗi abai wiini ni n'a na karni haa kureɗ, buri spakni a spak n'a vada kai, paini te na haa kureɗ lai.

Daniyel 5:20

Won hlai n'aniya war kûlûni-si, sezeni a bunda hiriyik, haa hunai na pin Alaw warni kir kai, Alaw a birgaŋ edi midiɗi paramaiɗi pai par, hormoni a tika edi lai:

Daniyel 7:2

Daniyel a tika seŋ a muɗa war wala n'a siŋka ara war duvuk, smer a fakasi war koŋni hlai na puɗu par, a faka yem-ra n'abai amai.

Daniyel 7:6

Asakal hanɗa mu tala wala zamai ktai pra, siɗa maini ahraw nɵa, gai baadani wala zi ɗufli duɓani puɗu, humok pini puɗu, spak ziŋi a sa sini.

Daniyel 8:22

Asakal n'amiyoki hanɗa te haɗa li, amiyok na puɗu n'a diyasi warni balamɗi e ɗi paakai puɗu n'aga e simi midini afti hanɗa, amma, gdaŋɗi aga a kiɗa gaini na wiiɗi kai.

Daniyel 8:5

Won hlai na mu na hiina miɗini hanɗa, mu tala mempete ktai a halasi piɗi futi na koskoi par, a guna midini afti paŋ. Ezini a jo azumai midini afti kai, mempete hanɗa, aŋ gaiɗi amiyoki ktai amai midini arni tiɓ.

Daniyel 8:7

Mu talaŋ a cosi sini adime gaini hiy n'abai, a daba adime na amiyokni sulu, a haɗa amiyokni edi, adime gdaŋni n'a ɗiya wuzani gaini aŋ kir kai, a bulaŋ azumai, a kirpaŋ azumai pini ezini, ɗif ktai n'a kiɗa aŋ plaŋ war tini par aŋ kai.

Matewus 24:31

Aga a ɵiniɗi ɗaini zi ɵeŋ na war fuŋ-n'Alaw edi gaini wulani hum n'a wa gara, aga e tipiɗisi zi viri n'edi, na war koŋɗi yai na puɗu paŋ par, war min dibini hlai n'amai ktai par haa sin min dibini na zamai.

Markus 13:27

Nɵa aga a ɵiniɗisi ɗai zi ɵeŋ edi, aga a tipiɗisi zi viri n'edi na wiini edi mini koŋɗi yai na puɗu paŋ par, mini koŋni afti ktai par haa sini na zamai ta.

Wiyi na midini gadai 31:20

Buri ɓa aga mu kiɗi ɗai hanɗa aha midini afti na fiyaw gaini emelni ami a ka warni, na mu miɗiɗi gaini, mu ha wala ma wiiɗi tamaiɗi lai ɓa aga mu siŋɗi. Aga e simi, aga e simi haa e vi, e liki siɗi lai, asakal par aga e bindi pini alawai na zamai e zi ɵeŋni lai, aga e miisiŋa, e ɗûkûli bonu na mu zaŋ gaiɗi lai.

Siŋki n'edi 7:1

Asakal hanɗa, mu tala ɗai zi ɵeŋ na war fuŋ-n'Alaw puɗu, gaini ɗiyi edi war koŋɗi yai na na puɗu zaw zaw. E ɗili smer na puɗu na midini afti, kapai smer a vuvuwa midini afti kai, midini yem-ra n'abai kai, miɗini luwuŋ ktai kaalai.