Daniyel 8:23 - Ɗû na sɗik na wiini Alaw

²³ Won hlai na paakai hanɗa e vidili edi, won hlai na ɗai na maafanai e vi min sdaɗi na meefeŋ amai li lai, pai ktai aga a suma, kûlûni-si warni abai, yel a sa sini aŋ rha ɗai.

Daniyel 8:23 Iomraidhean Croise

Pi zi tiki 15:16

War pinziba n'ag'aŋ puɗu, pinzibaku aga e wiyisi won na, buri meefeŋ na wiiɗi Ammonitekai a va amai pulmuɗuk kai ba.

Seŋ joro 1:6

a na buri a siŋka ezini seŋ joro zamai zamai edi gaini seŋ zamai n'a ɵina gir na war hitri na wiiɗi ɗai na yalakai lai.

Ezekiyel 38:16

Aga ku hala midiɗi ɗaiŋa Izrayel, aga ku wa tuku edi midiɗi afti paŋ maini ɗugul nɵa. Hanɗa aga a za war dibini hlai; aga mu kukusi miɗini aftiŋa, kapai pinziba paŋ a siɗaŋa, won hlai n'aga mu siŋka edi ɓa mu na sɗik gaiku tuku Gog wuzani arɗi paŋ.

Ezekiyel 38:8

Mefeŋ a za yaw, ɵa kai mi fiki fu na amai suku! Amma hanɗa aga a za wuzamu sek, sin afti ktai na ɗaini aga e kiɗi edi midini afti zamai asakalni vigini gaw par. ɗai hanɗa e hilisi midini afti na ɗai warni viya par, e tipiɗisi miɗini huwuŋ na wiiɗi Izrayel na na fu war greŋ buza viya. ɗai hanɗa e yimiɗisi edi arbaɗi ɗai par, amma aga e simni ɵeɗ, huwyi siɗi kir kai.

Daniyel 10:14

Mu halasi buri mu siŋkuku wala n'aga a za siɗi ɗaiku war mefeŋ n'avut sek. Wala zi siŋki zamai ktai aga a za buri mefeŋ hanɗa.

Daniyel 11:21

Ɗf n'aga a sumna war balamni, a ɗif na hormoni kai, na hormo na wiiɗi pai a juva sini kai. Aga a halasi war ɵeɗ, a tikiti pai ahini yel zi rhai.

Daniyel 11:24

Won hlai na hlai paŋ ɵeɗ, aga a halasi midini afti z'alam na war proveŋs. Aga a za wala na tamaini e ziŋ ka duk kai, na tamaiɗi tamaini e ziŋ ka duk kaalai. Aga a ɓûrwiɗi der na pin hatam gaini der zamai zamai viya, gaini wazagai zi gaw lai wiiɗi ɗaini aga a paya aŋ hitima hlai zi ŋoyai. Amma hanɗa buri hlai n'agwi kadai.

Daniyel 7:11

Ara a na fu ca ɗai, buri bakawa na miɗi amiyoki na te muɗa seŋ na ɗewek - won hlai na mu na tala wala n'ag'aŋ puɗu, a fuɗa edi, a tuura edi, a ɵiŋka arni afu n'abai. -

Daniyel 7:20

miɗini amiyok na doogo na midini gaiɗi na ktai na te diyasi asakal par, na amiyok hu a rɗa edi wuzaɗi, amiyoki hanɗa, na arai piɗi ca, meŋ piɗi tiɓ, te muɗa seŋ na ɗewek, te tala amai te suwa marɗi na zamai;

Daniyel 7:25

Aga a muɗa seŋ na ɗewek sini Alaw n'amai, aga a ziɗi gir wiiɗi ɗai na sɗik na wiini Alaw n'Amai; aga a paya futi aŋ bunda mefeŋ zi fet na wiiɗi gaini gadai na wiiɗi lai. Ɗai na sɗik aga e si edi war tini buri hlai ktai, hlai sulu gaini galni hlai ktai lai.

Daniyel 7:8

Won hlai na mu na tala amiyok hanɗa, mu tiliti amiyoki n'agwiyeŋai ktai te diyasi azumai par piɗi marɗi, amiyoki hanɗa arai piɗi ca maini ɗif nɵa, meŋ piɗi tiɓ na te muɗa seŋ na ɗawakai gaini.

Daniyel 8:22

Asakal n'amiyoki hanɗa te haɗa li, amiyok na puɗu n'a diyasi warni balamɗi e ɗi paakai puɗu n'aga e simi midini afti hanɗa, amma, gdaŋɗi aga a kiɗa gaini na wiiɗi kai.

Daniyel 8:24

Spakni aga a riya amai sek sek, amma war gadaŋni dama kai, aga a za wazagai zi ɓilki n'edi n'abakai, wala n'a tikaŋ mini paŋ a zaŋ paŋ, aga a tûûriɗi ɗai zi spak edi, a dara muɗa ɗai na sɗik.

Daniyel 8:25

Burini yel n'a sa sini aŋ za wazagai, aga a dûûliɗi ɗai viya, kûlûni-si aga a niya warni, won hlai na hlai paŋ ɵeɗ, aga a fuɗa ɗai edi viya, aga a faka amai sini paiɗi paakai, amma aga a tuura edi, tini ɗif maa a tika sini kai.

Piɵi 24:24

Amma hulamai n'abakai aga a halasi a Kittim par, aga a ziɗi gir wiiɗi ɗai na Siriya, aga a ziɗi gir wiiɗi ɗai na Heber lai nagai lai, aga e vidi edi marwai lai.

Matewus 23:32

Tiki lai ki vi amai daramɗi tamaiki.

Wiyi na midini gadai 28:50

E ɗi pinziba na maswarai gara, na hiinini haw warɗi burini ɗif na wel kai, burini ahiyagwi kaalai.

1 Tesalonikekai 2:16

Nagai e ɗiliyi buri mi ɓiki seŋ siɗi pinziba na zamai ɗa, kapai e kûri kai, e vi amai na ɗa a mini tuwurɗi ɗa, amma hiy na wiini Alaw a ko midiɗi ya.

1 Timotewus 4:1

Paŋktai Seze a muɗaŋ edi gaglai ɓa: War mefeŋ n'asakal ɗa, zamai aga e hini yimi edi, aŋ yimi pin seze zi wili ɗai edi, gaini hitrai na wiini Mat,

Siŋki n'edi 19:20

E yimi wala n'ezini puɗu ɗa gaini ɗif na min Alaw na jre kai, n'a za wazagai zi siŋki wuzani wala n'ezini puɗu ɗa, na gaini hanɗa, a wûliɗi nagai na wala zi siŋki na wiini wala n'ezini puɗu a tika siɗi ɗa, n'e hûrgû azumai wuzani wala zi rgi n'a sɗa maini ɵa ɗa. Nagai sulu paŋ e pukuɗi karɗi warɗi avai z'afu, na sufre a na ya woni.