Daniyel 8:13 - Ɗû na sɗik na wiini Alaw

¹³ Mu ɵina wulani ɗif na sɗik ktai a na muɗa. Ɗif na sɗik a zilba ni n'a na muɗa maini nɵa: Seŋ n'aŋ warni wala n'a siŋka hanɗa, aga a za haa mefeŋ gama ɗa? Ɓaka n'e ziŋ kûreɗ-kûreɗ ɗa aga a ɗiya haa mefeŋ gama ɗa? Hi n'amai midini gadai n'a na tuura hlai, hlai na sɗik n'a bunda hihir gaini wazagai zi rgi n'arbani hlai n'amai, n'a kirpa azumai pini eziɗi lai ɗa aga a za nɵa haa mefeŋ gama ɗa.

Daniyel 8:13 Iomraidhean Croise

Yama na wiini David 74:10

Alaw wiya, gawku ɗa aga e tirkuku nɵa haa kaswata ɗa? Aga e miisi yikuku nɵa haa kaswata ɗa?

Yama na wiini David 74:9

Wala n'a siŋkiyi ɓa ku na arbayi aŋ kir kai, ɗai na mini Alaw e ɗa kir kaalai, ktai n'arbayi n'a sɗa ɓa wala hanɗa aga a za nɵa haa mefeŋ nɵa ta ɗa aŋ kai.

Yama na wiini David 79:5

kapai suku pini hiyku ɵa teɓ ɵa haa kaswata ɗa. Sile na warku ɗa aga a ya maini afu ɵa haa kaswata ɗa?

Esaya 28:18

Bonuki na gaini mri aga a ɓilka edi, kitini miy na gaini hlai zi simni na wiiɗi ɗai zi mri aga a sumna haa kai, won hlai na gir zi ɓilki n'edi aga a vugasi, aga a siriki edi.

Esaya 6:11

Mu zilbaŋ: ɵa haa kaswata ɗa EPIƊ-ƊAI? A wayaŋa seŋ: Haa fuŋ n'abakai paŋ a tuura edi, ɗai e hini warni kai, dalamai, ɗai e hini warni kaalai, haa afti a tuura edi, a hina edi aŋ basga kadai su;

Esaya 63:18

Tiyi ɗaiku na ku viriyi edi, mi simni mefeŋ viya kai warɗi yai na ku sitiyi aŋ bulum amma gawyi e hilisi e siri tempelku azumai pini eziɗi kaw.

Esaya 9:6

Sdani a na maini nɵa: Aga a wa tini midini hlai paŋ, a sa ɵeɗ na vidini aŋ kai wiiɗi Paramai zi pay na wiini David gaiɗi paini lai, aga a ɗiyiti gidiŋi, a hiniti te kɵa kai Aga a ɗiya midini zi na pin gadai gaini jre lai, tiyana par haa hlai n'a vada kai, Hanɗa wala na Sile zi diri na wiini EPIƊ-ƊAI zi spak paŋ aga a zaŋ ɗa.

Yeremiyas 12:10

Ɗai zi giɗimi viya e ɗa tûûri zardeŋ zi vin na wiya ɗa edi, e tiyiɵi hlaiŋa ɗa azumai, hlaiŋa na mu daraŋ gara ɗa aŋ basga na kaɗataŋ, aŋ hlai na kadai su.

Daniyel 11:31

Aga a ɵinasi askarai, e pi sini ɵaga na sini tempel gobi, aga e niyi amlai war hlai na sɗik, e bindiŋ hihir, aga e ciki ɓaka na e ziŋ yivai yivai paŋ wiini Alaw, aga e kisi hihir zi ɓilki n'edi amlai war tempel.

Daniyel 12:11

Sini mefeŋ na ɓaka na war yivai aga a ɗala par, n'aga e kisi wala na hihir na wiini ɓilki n'edi war hlai zi ɓaka lai, mefeŋ aga a za dubu gaini miya sulu gaini doogo doogo ɵeeŋe.

Daniyel 12:8

Mu ɵina wala n'a muɗaŋ, amma mu ɵina ezini edi kai. Nɵa, mu zilbaŋ ɓa Epin-geza, wazagai hanɗa a vada maɵa maɵa ɗa?

Daniyel 4:10

Won hlai na mu na midini hlaiŋa zi feŋ waŋ ɗa, mu tala ɗif zi giɗimi ktai na sɗik, a niyasi azumai amai war fuŋ n'Alaw par.

Daniyel 4:13

Hiinini zi ɗif aga a bunda a kata gaini na wiini ɗif kir kai, aga a tika hiini na wiini wala n'edi buza, aga a sumna maini hanɗa nɵa haa buza muguzak.

Daniyel 4:23

Miɗi na ɓa hini pini na dum gaini sirdaini lai azumai arni afti tiɓ ɗa a siŋ ka ɓa won hlai na ku siɗali ɓa Alaw n'amai a epin-gezaku ɗa, aga ku waisi warɗi paiku.

Daniyel 7:16

Mu halasi sini ktai arbaɗ nagai n'e ɗa ca ɗa, mu zilbaŋ: Jre n'aŋ warni wala na mu talaŋ tiɓ ɗa a maɗa? A muɗaŋa, a siŋkiŋa ezini edi lai.

Daniyel 7:23

A muɗaŋa maini nɵa: wala n'ag'aŋ puɗu a siŋka midiɗi pai na te g'aŋ puɗu, n'aga te suma midiɗi yai. Pai na ɗa aga te kata gaiɗi na zamai ɗa kai, aga te suma hlai paŋ, te kirpa, te ɗukla hlai ɓok ɓok.

Daniyel 9:27

War kitini hlai na muguzak n'asakal aga a za dewele midiɗi ɗai viya aŋ zi bonu gaini. War galni hlai na muguzak n'asakal hanɗa, aga a ɗala wazagai n'e fiɗiŋ aŋ ɓaka, gaini avdi, emel gaini vin lai n'e kiŋsi war hlai zi ɓaka, ɗif zi ɓilki hlai hanɗa aga a za wazagai na haharai gara viya witaw tar tar, haa ɓilki n'edi n'a muɗasi miɗini a cosi miɗini a vadaŋ edi.

Sakariyas 14:5

Tiki aga ki pri edi war huduk hanɗa ɗaw, buri ɓa a na haa Atsal ta. Aga ki pri edi maini na ki pri edi wuzani jiriyini afti n'a za war sarti na na wiini Oziyas pai na Yuda ɗa nɵa. Asakal par, EPIƊ-ƊAI, Alaw na wiya aga a halasi, gaiɗi ɗai na sɗik na wiini n'e zi ɵeŋni pini.

Matewus 11:27

Wazagai hanɗa paŋ, Api a saŋa war ta, ɗif n'a sɗa Api aŋ kai sai a ahi, gaini ni na ahi a siŋkaŋ arni ɗa lai.

Matewus 24:15

Buri nɵa, won hlai na ki tili hihir na wiini ɓilki-n'edi na ɗif na min Alaw Daniyel a muɗa miɗini, a ɗiya midini hlai na sɗik, ni n'a tala ɗû hanɗa aga a za hangal, kapai a ɵina ezini edi.

Markus 13:14

Won hlai n'aga ki tili ni n'e yikiŋ ɓa ɓilki n'edi na hihir gaini ɗiyi war hlai n'a sɗa aŋ ɗiya warni kai ɗa, a juva ɓa ɗif n'a ŋa wala ɗa a ɵinaŋ, nɵa nagai n'e ɗa war Yudiya ɗa, a pɗem ɓa e pri amai midini huwuŋ.

Lukas 10:22

Wazagai paŋ a sasi ta sini Apa par, ɗif n'a sɗa Ahi aŋ kai, sai Api tar, ɗif a sɗa Api aŋ sai Ahi tar, gaini ni na Ahi a rga warni aŋ siŋkiŋni edi lai.

Lukas 21:20

won hlai na ki tiliɗi vokɗi askarai e gûniti li Yeruzalem azumai ɗa, aga ki siɗi ɓa: Ɓilki n'edi na wiiɗi a ŋasi gobi.

Lukas 21:24

Aga e fiɗiɗi edi gaini kaɵkar, aga e kiɗi edi aŋ bege arbaɗi pinzibaɗi ɗai, ɗai n'edi par aga e kirpiti Yeruzalem azumai pini eziɗi haa mefeŋ n'a sa ta buri ɓa ɗai n'edi par e ziɗi gir wiiɗi Yeruzalem ɗa a va amai.

Yohana 1:18

Ɗif a tala ka Alaw duk kai, ni n'a siŋkaŋsi edi ɗa a Alaw n'ahi na ketekeɗik n'a na gaini Api ɗa.

Wiyi na midini gadai 33:2

A muɗa: EPIƊ-ƊAI a halasi midiɗi huwuŋ Sinaï par, a diyasi maiɗi futi nɵa a Seyir par midiɗi ɗaiɗi, a ŋala midiɗi huwuŋ na Paran. A halasi siɗi na wiini gaiɗi ɗai zi ɵeŋ na war fuŋ n'Alaw dubu dubu pini, gaini gadai zi ɗû n'a ŋala maini afu nɵa war tini na wus.

1 Tesalonikekai 3:13

A juva ɓa a sa gdaŋ warɗi agulki, kapai seŋ a za miɗini kai, sɗik wuzani Alaw Apumu war gizini Epiɗ-ɗaimu Yesu, gaiɗi na sɗik na wiini paŋ. Amen.

Hebrekai 10:29

Ki hiini ɓa vrak na meefeŋ, n'aga a sa sini ni n'aga a kirpa Ahini Alaw azumai pin ezini, n'aga a yima fel na wiini bonu n'a za ɗai edi sɗik gaini aŋ wala kadai, n'aga a tirka seze zi yum lai ɗa, aga a za ɗa abai a suwa kai ɗi?

1 Peter 1:12

Alaw a yimiŋɗi midiɗi ɓa: Seŋ n'e miɗiŋ edi na ɗa, a na buriɗi nagai dama kai, amma a wiiki, tiyana nagai n'e ɓiki labar na pɗem ɗa, e midiki seŋ hanɗa edi, gaini spak na wiini seze sɗik, n'Alaw a ɵinaŋsi amai war fuŋ n'Alaw par. Ɗai zi ɵeŋ na war fuŋ n'Alaw maa e diri e sɗi ezini seŋ hanɗa edi lai.

Yudas 1:14

Enok, n'ag'aŋ muguzak sin Adam par, a muɗa seŋ na wuze midiɗi maini nɵa: Epiɗ-ɗai a na halasi gaiɗi na sɗik na wiini dubu-dubu viya,

Siŋki n'edi 11:2

Amma pakatai n'anene, na wiini tempel ɗa aga ku hiniti edi, ku kata mogoɗi gaini brukɗi kai, buri te sa siɗi pinziba na zamai. Nagai aga e kirpi fuŋ n'abai na sɗik azumai pin eziɗi haa tile doogo doogo puɗu pi sulu.

Siŋki n'edi 6:10

E ɗûûli e miɗi: Haa kaswata ɗa, Epin-gezayi, na sɗik, na jre, aga ku yima azuku aŋ ziti sariya, aŋ zilba felyi tiɗi ɗai na midini afti ɗa?

Paakai zi sariya 13:18

Ɵeŋ na wiini EPIƊ-ƊAI a wiyini seŋ: Ku zilba yikiŋa buri ma ɗa? A yiki a juf gara.