Daniyel 8:12 - Ɗû na sɗik na wiini Alaw

¹² Wazagai zi rgi na war hlai n'amai gaini ɓaka n'a za war yivai kûreɗ-kûreɗ lai a sa war tini buri meefeŋ na wiiɗi. Amiyoki te ɵiŋka yimi na jre azumai su, wala na te firya te zaŋ, a za paŋ.

Daniyel 8:12 Iomraidhean Croise

Yob 12:6

Ahaɗi gorɓolokai maa ɵeɗ a na, n'e tûûrini agulni Alaw maa e ɗa gaini hangalɗi, n'e piki Alaw amlai tiɗi pek ɗa nɵa lai.

Yama na wiini David 119:142

Jire ɗikat na wiiku ɗa a jre ɗikat ɵa haa kureɗ, gadaiku zi ɗû ɗe a jre lai.

Yama na wiini David 119:43

Ku tika seŋku na jre edi war ma par kai, buri mu yima ɓa sariya na wiiku aga a za.

Yama na wiini David 28:5

Nagai e siɗi sɗa na wiini EPIƊ-ƊAI kai, sɗa n'a zaŋ gaini tini ɗa, a juva ɓa EPIƊ-ƊAI a hiɗiɗi azumai maini dalam nɵa, a rgiɗi amai kir kai.

Esaya 59:14

Buri nɵa ziɗi sariya na ɗikat aŋ kir kai, a waya asakal marwai, jre te vada edi vat, te bunda gaigai, jre te kɵa azumai su, balamɗi kir kai,

Yeremiyas 12:1

EPIƊ-ƊAI, ku suwa jre gara, kadai tiɓ ɗa mu kiɗa mu pa seŋ suku kai, amma gaini hanɗa paŋ ɗa wazagai zamai zamai n'a na vuga ɗa a na maini n'a za ɵa kai. Futi na wiiɗi ɗai na maafanai ɗa, te bunda aŋ futi zi der ɗa maɵa maɵa ɗa? Nagai na jrekai kai, e simni ɵeɗ ɗa maɵa maɵa ɗa?

Daniyel 11:28

Pai na war gal n'azumai par, aga a waya midini aftini gaini wazagai zi der tini viya. Hiini na meefeŋ n'aŋ warni siɗi ɗai n'Alaw a za bonu gaiɗi aga a vaŋ amai. Asakal par aga a waya aha midini aftini.

Daniyel 7:21

Mu tiliti amiyoki hanɗa te na hitimiɗi ɗai na sɗik, te rɗa amai midiɗi lai,

Daniyel 8:4

Mu tala adime a daba piɗi futi na koskoi sek, war gal n'azumai sek, war gal n'amai sek lai, wala na buza ktai n'a ɗiya mini aŋ kai, ɗif n'a kiɗa a ɵa wala tini par aŋ kaalai. A za paŋ pin jaani. Spakni a riya amai sek sek.

Siŋki n'edi 13:7

spak a sa sini buri a hitimiɗi na sɗik, aŋ rɗa amai midiɗi lai, spak a sa sini miɗini pinziba paŋ, midiɗi ɗai paŋ, miɗini meme paŋ, miɗini pinziba zamai zamai paŋ lai.

1 Samuwel 23:9

David a siɗa ɓa Sawul a firya a zini meefeŋ, a miɗini wiini Abiyatar, na pai zi ɓaka: Mulasi wazagai n'e zilbi dirini Alaw gaini ɗa.