Daniyel 8:10 - Ɗû na sɗik na wiini Alaw

¹⁰ Spakɗi a wula amai haa sini wazagai zi rgi n'arbani hlai n'amai, te pokosi galni zamai gaini meeɵek lai azumai midini afti. Te kirpaŋ azumai pini eziɗi.

Daniyel 8:10 Iomraidhean Croise

Esaya 14:13

Ku hiina warku ɓa: Aga mu niya amai war hlai n'amai, mu tikiti paramaiŋa ɗa amai par miɗini meeɵek na wiini Alaw, aga mu sumna amai midiɗi huwuŋ na alawai na zamai a za diŋgi na wiini midiɗi, edi merfeŋni gal n'azumai sek ɗa.

Yeremiyas 48:26

Ciiniŋ gaini vin, buri faka amai sini EPIƊ-ƊAI. Mowab te bubula arni huŋvi na wiiɗi haw, na lai te bunda aŋ wala na ɗai e riyi pini haw!

Daniyel 11:28

Pai na war gal n'azumai par, aga a waya midini aftini gaini wazagai zi der tini viya. Hiini na meefeŋ n'aŋ warni siɗi ɗai n'Alaw a za bonu gaiɗi aga a vaŋ amai. Asakal par aga a waya aha midini aftini.

Daniyel 11:30

Ɗai na piɗi futi na koskoi par aga e hilisi, e hitimiŋ gaini hulamai n'abakai, hili na wuzani sek aga a baza mini, a waya aha duɓani. Aga a waya pini hiy na gaiɗi ɗai n'Alaw, a za bonu gaiɗi pra. Aga a tapa seŋni gaiɗi n'e hini bonu na wiini Alaw edi.

Daniyel 7:7

Asakal hanɗa war wala n'a siŋka war duvuk, mu tala wala n'ag'aŋ puɗu, na sabab, zi mili hunai, na gdaŋ gara lai, sesiyeŋ zi kawai mini abakai, a luma neŋ, a ɓasa, a kirpa azumai pini ezini, ni a na maini marni na hu na wuzani par ɵa kai. Amiyok miɗini doogo.

Daniyel 8:7

Mu talaŋ a cosi sini adime gaini hiy n'abai, a daba adime na amiyokni sulu, a haɗa amiyokni edi, adime gdaŋni n'a ɗiya wuzani gaini aŋ kir kai, a bulaŋ azumai, a kirpaŋ azumai pini ezini, ɗif ktai n'a kiɗa aŋ plaŋ war tini par aŋ kai.

Siŋki n'edi 12:4

Giɗerni a si gal n'ag'aŋ hu na wiini meeɵek n'arbani hlai n'amai, a yakaŋsi azumai midini afti. Wala-meefeŋ n'abai n'abai ɗa a ɗiya wuzaɗi muni na te dara te poka ɗa. Kapai hlai na te pokosi li ɗa, a rɓa ahiɗi ɗa.