Daniyel 7:9 - Ɗû na sɗik na wiini Alaw

⁹ Mu tala ara naramai a zizina azumai. Ɗif na wel ktai a halasi a sumna azumai, sapa na sini muɗukwi maini fiyaw nɵa. Ayir na midini maini ayirni adumai na gaini mi edi nɵa, paramaini te ya pre pre maini alesni afu nɵa. Eziɗi n'a guna a za gaini afu na mekele hliz.

Daniyel 7:9 Iomraidhean Croise

Lokwita n'avut na wiiɗi paakai 22:19

Mika a muɗa pra: Pɗem tiyana ɵini seŋ na wiini EPIƊ-ƊAI ɗa: mu tala EPIƊ-ƊAI midiɗi paramaini zi pai dam, ɗaini zi ɵeŋ n'arbani hlai n'amai gaini eziɗi amai ɵimani ca ca, na par lai, na par lai.

Labar na war yivai n'ag'aŋ sulu 18:18

Mika a muɗa pra: pɗem, tiyana ɵina seŋ na wiini EPIƊ-ƊAI ɗa, mu tala EPIƊ-ƊAI midiɗi paramaini zi pai dam gaini wazagai zi rgi na arbani hlai n'amai ɵimani na par lai, na par lai.

Yama na wiini David 45:8

Ku firiya jre, ku bula edi sini meefeŋ, buri nɵa Alaw, Alaw na wiiku a ma emel zi firiyi muduku, a duruku a sûwiɗi marku paakai na zamai ɗa.

Yama na wiini David 90:2

Wuzani hlai na huwaŋai a rga kai hai, na yai gaiɗi duniya a za kai hai lai, war hlai n'a vada kai par, haa hlai n'a vada kai, tuku k'Alaw ɵa.

Yama na wiini David 93:2

Paramaiku zi pai ɗa, te na haa gamai par, haa aɗipar, tuku ku na.

Esaya 6:1

War buza na pay Oziyas a mra ɗa, mu tala EPIƊ-ƊAI gai simni dam midiɗi Paramai zi pai n'amai mugwi; min sapani n'azumai a va tempel ɗa ta.

Esaya 9:6

Sdani a na maini nɵa: Aga a wa tini midini hlai paŋ, a sa ɵeɗ na vidini aŋ kai wiiɗi Paramai zi pay na wiini David gaiɗi paini lai, aga a ɗiyiti gidiŋi, a hiniti te kɵa kai Aga a ɗiya midini zi na pin gadai gaini jre lai, tiyana par haa hlai n'a vada kai, Hanɗa wala na Sile zi diri na wiini EPIƊ-ƊAI zi spak paŋ aga a zaŋ ɗa.

Yeremiyas 49:38

Aga mu tikiti Paramai zi pai na wiya aha war Elam aga mu fuɗa pai gaiɗi n'abakai paŋ edi -A miɗi na sin EPIƊ-ƊAI par

Ezekiyel 1:26

Amai par miɗini wala na maini miɗini dalam ɵa n'aŋsi amai par midiɗi ɗa, wala a sɗa maiɗi Paramai ɵa, a ŋala maini ali-fuŋ Safir nɵa, wala ktai miɗini dam a sɗa maini ɗif ɵa.

Daniyel 7:13

Mu tala war wala n'a siŋka ara duvuk, mu tala wala ktai maini ɗif nɵa, a halasi arni ɗugul, a halasi sini ɗif na wel sek, e kiŋ pini wuzani.

Daniyel 7:22

haa ɗif na wel a cosi, sariyaɗi na sɗik na wiini Alaw n'Amai te suma, haa hlai na pai te sa siɗi ɗai na sɗik a va amai.

Mika 5:2

Buri hanɗa, aga a hiniɗi edi, haa sin mefeŋ na muni n'aga te wa ahi, te wa haw, piɗi tawalakaini n'a hina, aga e wiyisi siɗi aliɗi Izrayel.

Habakuk 1:12

Haa war pi zi tiki par, EPIƊ-ƊAI ku tuku ɵa kai ɗi! Alawŋa na Sɗik, tiyi aga mi mri kai, EPIƊ-ƊAI, tuku ku hiniɗisi aŋ ɗûklûti sariya na wiiku midiyi, hlaiŋa zi ŋoyai, tuku ku sini gadai kapai a gidiyi.

Matewus 17:2

Sini a bunda wuzaɗi, arni a ŋala maiɗi futi nɵa, sapani a bunda muɗukwi tal maini gaglai nɵa.

Matewus 28:3

Sini a tala maini wilɗi nɵa, sapa sini muɗukwi tal maini fiyaw nɵa lai.

Markus 9:3

Sapa na sini a bunda a ŋala gaini ŋili, muɗukwi tal, ɗif zi mi sapa na midiɗi yai n'a ma sapa muɗukwi tal maini hanɗa ɵa aŋ kai.

Sdaɗi Apostelai 2:30

A na ka a ɗif na mini Alaw, a sɗa ɓa Alaw a hini wala mini ɓa aga a tika midiɗi paramaini zi pai a ktai arbaɗi alini par;

Sdaɗi Apostelai 2:33

Alaw a sini rɗi n'amai, Api a sini Seze-sɗik na a za ha ɓ'aga a saŋ ɗa, a ma seze hanɗa edi ya, na ki ɗa tiliŋ lai, ki ɵiniŋ lai na ɗa a hanɗa.

Filipekai 3:9

kapai e niviŋasi warni gaini jre-ɗikat na wiya ta dama n'a na sini gadai par kai, amma gaini jre-ɗikat na wiini yimi na war Kristu, n'a na sini Alaw par, na ɗif a navaŋ burini yimi ɗa lai.

1 Timotewus 6:16

Ni na ktai n'a mra kai, n'a sumna war gaglai na ɗif a kiɗa sini kai na ɗf a talaŋ duk kai, a kiɗa a talaŋ kaalai sini Ni, kol gaini spak n'a vada kai. Amen.

1Yohana 1:5

Seŋ na mi ɵiniŋ mini par, na mi dii mi miɗiŋki lai a na ɓa: Alaw a gaglai, gegeŋ aŋ warni kai.

Siŋki n'edi 1:14

Midini gaini ayirni muɗukwi kaŋ, maini ayirni adumai na muɗukwi nɵa, maini maaɗai zi glas nɵa, arni ɗa maini afu n'a ya nɵa,

Siŋki n'edi 19:18

kapai ki simi neŋɗi paakai, neŋɗi abakaiɗi askarai, neŋɗi ɗai zi spak, gaini neŋni plasai gaini na wiiɗi ɗai n'e simni midini, neŋ na wiiɗi ɗai paŋ, na bagakai gaiɗi na kempekai, n'abakai gaiɗi n'agogoi lai.

Siŋki n'edi 20:4

Mu tala Paramai zi pai viya, nagai n'e simni midini ɗa, spak a sa siɗi buri e ɗûklûti sariya, mu tala suŋfaɗi nagai n'e ɗûklûɗi homokɗi edi gaini beŋel, buri zaida n'e ziŋ miɗini Yesu gaini seŋni Alaw lai, gaiɗi nagai n'e hûrgû zumai wuzani wala n'ezini puɗu gaini wala zi rgi n'a sɗa maini ɵa ɗa kai ɗa, gaiɗi nagai na wala zi siŋki na wiini wala n'ezini puɗu a tika miɗini arɗi kaalai, miɗini tiɗi kaalai. Nagai e bindi karɗi pra, e ŋi gaini Kristu haa buza dubu ɗaw.

Siŋki n'edi 4:2

Tizaw tar, Seze a niya sa, mu tiliti Paramai zi pai ktai amai war hlai n'amai. Paramai hanɗa, ɗif gaini simni midiɗi dam.