Daniyel 7:7 - Ɗû na sɗik na wiini Alaw

⁷ Asakal hanɗa war wala n'a siŋka war duvuk, mu tala wala n'ag'aŋ puɗu, na sabab, zi mili hunai, na gdaŋ gara lai, sesiyeŋ zi kawai mini abakai, a luma neŋ, a ɓasa, a kirpa azumai pini ezini, ni a na maini marni na hu na wuzani par ɵa kai. Amiyok miɗini doogo.

Daniyel 7:7 Iomraidhean Croise

2 Samuwel 22:43

Mu siriɗi, e bindi maini alogodo na smer a tikaŋ ɗa nɵa. Mu kirpiɗi azumai, mu dûgûɗi edi maini zilgit na warɗi futi nɵa.

Yob 41:14

Gdaŋni aŋ sini wulani, ɗai paŋ e rûvi wuzani.

Ezekiyel 40:2

War wazagai n'Alaw a siŋkaŋ wuzani ara, a kaŋa midini afti na wiiɗi Izrayel, a tikaŋa amai midiɗi huwuŋ na mugwi gara, amai midiɗi war gal n'amai sek, wala a tala ara maini dalamai na wiini fuŋ n'abai nɵa.

Daniyel 2:19

Wala zi ŋoyai hanɗa a siŋka arni Daniyel war wala zi siŋki war duvuk. Nɵa Daniyel a sini tese wiini Alaw n'amai.

Daniyel 7:13

Mu tala war wala n'a siŋka ara duvuk, mu tala wala ktai maini ɗif nɵa, a halasi arni ɗugul, a halasi sini ɗif na wel sek, e kiŋ pini wuzani.

Daniyel 7:2

Daniyel a tika seŋ a muɗa war wala n'a siŋka ara war duvuk, smer a fakasi war koŋni hlai na puɗu par, a faka yem-ra n'abai amai.

Daniyel 8:10

Spakɗi a wula amai haa sini wazagai zi rgi n'arbani hlai n'amai, te pokosi galni zamai gaini meeɵek lai azumai midini afti. Te kirpaŋ azumai pini eziɗi.

Daniyel 8:22

Asakal n'amiyoki hanɗa te haɗa li, amiyok na puɗu n'a diyasi warni balamɗi e ɗi paakai puɗu n'aga e simi midini afti hanɗa, amma, gdaŋɗi aga a kiɗa gaini na wiiɗi kai.

Sakariyas 2:1

Mu yima ara amai, mu tala siŋki zamai ktai: Amiyok puɗu.

Siŋki n'edi 12:3

Siŋki zamai a za war hlai n'amai. Wala-meefeŋ n'abai n'abai, na mekele maini afu ɵa, humokni muguzak, miyokni doogo lai, bogorai muguzak gaini pi miɗini humokni tiɓ tiɓ.

Siŋki n'edi 13:1

Nɵa mu tala wala n'ezini puɗu ktai a niyasi agoɗom par warni yem-ra-n'abai, miyok miɗini doogo, humokni muguzak lai, bogorai doogo miɗini miyokni na doogo, yiki zi tirki na sin Alaw gaini ɗû sin humokni lai.

Siŋki n'edi 17:12

Miyok na doogo na ku talaŋ hanɗa, e ɗi paakai doogo, n'e n'e nivi afti zi pai kai hai, amma aga e nivi spak aŋ ŋi maiɗi paakai nɵa, burini ler ktai kadai, gaini wala n'ezini puɗu ɗa.

Siŋki n'edi 17:7

Ɗif zi ɵeŋ na war fuŋ n'Alaw a muɗaŋa: Ku bunda hiyak ɵa buri ma ɗa? Ta aga mu muɗuku miɗini wala zi ŋoyai na wiiɗi muni hanɗa, gaini na wiini wala n'ezini puɗu n'a na libiti, na humokni muguzak, miyokni ɗa.

Siŋki n'edi 17:8

Wala n'ezini puɗu na ku talaŋ hanɗa, a na ka, tiyana aŋ kir kai, aga a niyasi amai war huduk na wuŋŋa par, hala sin bi n'edi, ɗai na midini afti na nagai na yikiɗi aŋ gai ɗû war maktuɓ zi suŋfa war piɗi yai zi tiki par kai ɗa, aga e bindi hiyak won hlai n'aga e tili wala n'ezini puɗu hanɗa, buri ɓa a na ka, tiyana aŋ kir kai, amma aga a wayasi pra ɗa.