Daniyel 7:6 - Ɗû na sɗik na wiini Alaw

⁶ Asakal hanɗa mu tala wala zamai ktai pra, siɗa maini ahraw nɵa, gai baadani wala zi ɗufli duɓani puɗu, humok pini puɗu, spak ziŋi a sa sini.

Daniyel 7:6 Iomraidhean Croise

Ezekiyel 17:3

ku miɗiɗi ɓa: Epiɗ-ɗai ALAW a na muɗa maini nɵa: muka n'abai, na gaŋgraŋni abakai, na baadani mogo kai, jereni kiini kiini, juv gara lai, a halasi haa midini afti na Liban. A sumna amai merfeŋni luwuŋ Sedre ɗa, a haɗaŋ edi.

Daniyel 10:20

A muɗa, ku siɗa wala na mu halasi suku burini ya ɗi? Mu halasi aŋ suku labar miɗini wala n'a ɗoli war lokwita na jre. Tiyana aga mu waya na aŋ hitima gaini ɗif zi ɵeŋ n'a giɗimiti Persus pra. Mu hala na ɗa, ɗif zi ɵeŋ na giɗimiti Gres aga a cosi lai. Ɗif ktai n'aga zina pa aŋ hitimiɗi ɗai hanɗa aŋ kai, sai Mikayel, ni n'a giɗimiki tiki Izrayel.

Daniyel 2:39

Duɓaku par pai ktai aga te halasi, na wiiku amai te sûwiti, asakal par na te g'aŋ hu aga te halasi, na te kata gaini kiiya, n'aga te ŋa midini afti paŋ.

Daniyel 7:4

N'avut a siɗa maini gurnai nɵa, baadani maini na wiini muka nɵa, ara sini nɵa ca, e rɗi baada na graŋni edi. E tikiŋ amai, e ɗiyiŋ miɗini ezini na sulu n'asakal maini ɗif nɵa hiini na wiini ɗif a sa sini.

Daniyel 7:5

Asakal par mu tala wala zamai ktai n'ag'aŋ sulu, maini Urs nɵa, gaini ɗiyi amai midini gal ktai, haraw mini hu, e miɗini maini nɵa: ɗiya amai pɗem, luma neŋ viya.

Hoseya 13:7

Aga mu bunda buriɗi aŋ gurnai, maini ahraw na war futi nɵa, aga mu mula ara piɗi;

Siŋki n'edi 13:2

Wala n'ezini puɗu na mu talaŋ ɗa a sɗa maini ahraw ɵa, ezini ɗa maini na wiini urs ɵa, mini ɗa maini mini gurnai ɵa. Wala meefeŋ-n'abai n'abai ɗa a sini gdaŋni Paramai zi pai na wiini gaini spak n'abai lai.