Daniyel 7:4 - Ɗû na sɗik na wiini Alaw

⁴ N'avut a siɗa maini gurnai nɵa, baadani maini na wiini muka nɵa, ara sini nɵa ca, e rɗi baada na graŋni edi. E tikiŋ amai, e ɗiyiŋ miɗini ezini na sulu n'asakal maini ɗif nɵa hiini na wiini ɗif a sa sini.

Daniyel 7:4 Iomraidhean Croise

2 Samuwel 1:23

Sawul gaini Yonatan karɗi par ɗa e diri marɗi gara, mri a kiɗa a ɓûrwiɗi edi kaalai, nagai kokolakai e sûwi muka agulɗi gdaŋ a suwa gurnai lai.

Yob 25:6

sokonta ɗif murɗek n'a tla kadai, na azii meere.

Yama na wiini David 9:20

Fakasi amai fak kai ɗi EPIƊ-ƊAI, ku hiniɗi ɗai e rɗi amai muduku kai, a juva ɓa pinzibaɗi ɗai n'edi par paŋ ku ziɗi sariya ku tuku.

Yeremiyas 25:38

A hinasi hlaini zi simni edi maini gurnai na a hinasi waŋni edi nɵa; buri ɓa aftiɗi ɗa a bunda aŋ hlai na gaini tûûri edi tini suwar na wiini ɗif zi tûûri hlai ɗa, burini hiyni na abai ɗa lai.

Yeremiyas 4:13

Gawmu e rɗisi amai maini ɗugul nɵa saretai zi gaw na wiiɗi kokolakai maini smer na gdaŋ nɵa, plasaiɗi kokolakai maini muka nɵa, haw gara burimu, mu bumu ta.

Yeremiyas 4:7

Gurnai ɗa a niyasi edi warni waŋni par dak, ni na a vada pinzibaɗi ɗai edi ɗa aŋsi a futi blaŋ, ahani par ɗa a niyasi anene dak, aŋ ɓulka aftiku ɗa edi, fuŋku n'abakai ɗa a hina aŋ greŋ, ɗif warni kir kai.

Yeremiyas 48:40

Buri EPIƊ-ƊAI a na muɗa maini nɵa: Gawɗi aga a yorosi midiɗi maini muka nɵa, aga a wa tini edi midiɗi Mowab paŋ.

Yeremiyas 49:19

Maini gurnai n'a niyasi edi arni luwuŋ na hicik na wulani Yurdan par, n'a hala war hlai na wazagai warni viya nɵa, safai n'agwi, aga mu ɵiriɗi ɗai na Edom edi gai gai siɗi par. Aga mu tika ni na mu varaŋ amai midiɗi. Ɗif na maya ɵa ɗa asiya ɗa? Ɗif n'aga a zilba ma ɗa asiya ɗa? Ɗif zi giɗimi n'a kiɗa a ɗiya ma ɗa asiya ɗa?

Yama zi tuuwi 4:19

Nagai n'e siɗiyi gir aryi ɗa, kokolaiɗi ɗa, a suwa muka n'arbani hlai n'amai. E rifiyi amai sini huwuŋ, E tiki eziyi war basga na kaɗataŋ.

Ezekiyel 17:3

ku miɗiɗi ɓa: Epiɗ-ɗai ALAW a na muɗa maini nɵa: muka n'abai, na gaŋgraŋni abakai, na baadani mogo kai, jereni kiini kiini, juv gara lai, a halasi haa midini afti na Liban. A sumna amai merfeŋni luwuŋ Sedre ɗa, a haɗaŋ edi.

Ezekiyel 28:2

Tuku ɗif, miɗini wiini pai na Tirus: Epiɗ-ɗai ALAW a na muɗa maini nɵa: Buri ɓa ku niya war kûlûni-si, ku muɗa gai warku ɓa: Ta m'Alaw, mu sumna midiɗi paramai na wiini Alaw edi arbani yem-ra n'abai paŋ ktai ku ɗif, k'Alaw kai, pin na ku tala suku maini Alaw nɵa.

Ezekiyel 28:9

Wuzani ni n'aga a fuɗuku, aga ku muɗa pra ɓa: ‘ta m'Alaw ɗi’, paŋ ktai ku ɗif, k'Alaw kai won hlai n'aga ku sa war tiɗi nagai n'aga e fuɗuku edi ɗa!

Daniyel 2:38

tuku n'a siɗi ɗai, wazagai n'edi buza, wazagai zi ɗufli n'arbani hlai n'amai n'a na woɗi woɗi paŋ war tuku, n'a tukuku aŋ pai midini paŋ lai humok zi or hanɗa ku tuku.

Daniyel 7:12

Wazagai na hu n'a hina, e ɗiyi spakni zaw, e hiniŋ buri hlai ktai n'agwi haa sin mefeŋ gaini sarti ktai ta.

Daniyel 7:5

Asakal par mu tala wala zamai ktai n'ag'aŋ sulu, maini Urs nɵa, gaini ɗiyi amai midini gal ktai, haraw mini hu, e miɗini maini nɵa: ɗiya amai pɗem, luma neŋ viya.

Matewus 24:28

Woɗi paŋ na kopoŋ a na, woni bagasakai aga a tapa.

Wiyi na midini gadai 28:49

EPIƊ-ƊAI aga a fakasi pinziba na ki ɵini seŋni kai, edi war koŋni afti par amai siki, aga a yorosi midiki maini Muka n'a yora midini walani zi simi nɵa.

Siŋki n'edi 13:2

Wala n'ezini puɗu na mu talaŋ ɗa a sɗa maini ahraw ɵa, ezini ɗa maini na wiini urs ɵa, mini ɗa maini mini gurnai ɵa. Wala meefeŋ-n'abai n'abai ɗa a sini gdaŋni Paramai zi pai na wiini gaini spak n'abai lai.