Daniyel 7:25 - Ɗû na sɗik na wiini Alaw

²⁵ Aga a muɗa seŋ na ɗewek sini Alaw n'amai, aga a ziɗi gir wiiɗi ɗai na sɗik na wiini Alaw n'Amai; aga a paya futi aŋ bunda mefeŋ zi fet na wiiɗi gaini gadai na wiiɗi lai. Ɗai na sɗik aga e si edi war tini buri hlai ktai, hlai sulu gaini galni hlai ktai lai.

Daniyel 7:25 Iomraidhean Croise

Esaya 37:23

Ku tirka ɗa asiya ɗa? Ku muɗa seŋ na meefeŋ na ɗa sini asiya ɗa? Ku muɗa gaini wule na gdaŋ na ɗa wiini asiya ɗa? Na ku talaŋ maini ɗif na nafani aŋ kai ɵa ɗa, asiya ɗa? Ku zaŋ na sa ta Alaw na Sɗik, Alaw na wiiɗi Izrayel.

Daniyel 11:28

Pai na war gal n'azumai par, aga a waya midini aftini gaini wazagai zi der tini viya. Hiini na meefeŋ n'aŋ warni siɗi ɗai n'Alaw a za bonu gaiɗi aga a vaŋ amai. Asakal par aga a waya aha midini aftini.

Daniyel 12:7

Mu tala ahini ɗif na sapa zi leŋ sini, n'amai par pini yem a yima tini sulu paŋ amai a ha wala mini gaini Alaw na karni a muɗa: A na buri hlai ktai, hlai sulu gaini galni hlai. Won hlai na gdaŋɗi ɗaini a vada li tak, wazagai hanɗa aga a vada.

Daniyel 2:21

Ni a pai midini hlai, gaini wazagai n'a na vuga paŋ. A ɵa paakai azumai, a tika paakai amai lai, a sa yel wiiɗi na yalakai, a sa siɗi wiiɗi nagai n'e zi ɓraw arbani pɗem gaini meefeŋ.

Daniyel 3:26

Nɵa pai Nebukadnezar a torosi mini waŋ z'afu n'abai, a ɗûûliɗi a muɗa: Sadrak, Mesak gaini Abed-Nego, ɗai zi sda na wiini Alaw n'Amai, niyisi amai, hilisi. Nɵa Sadrak, Mesak gaini Abed-Nego, e niyisi edi arni afu par.

Daniyel 4:17

Luwuŋ na ku talaŋ n'a bunda abai gargali, gdaŋ lai, na wûlini haa amai sini ɗugul ta, na ɗai na war koŋɗi yai na puɗu paŋ arɗi sini ca ca,

Daniyel 4:2

Weseŋ ktai a pɵaŋa, a mulaŋa hunai pa gara, wala na halasi war hiiniŋa war hlaiŋa zi feŋ gaini wala na siŋka ara a turlaŋa viya.

Daniyel 4:25

Wazagai hanɗa paŋ a za sini pai Nebubadnezar.

Daniyel 4:32

Ɗai na midiɗi yai paŋ e ɗi wala ktai wuzani arni kai, a za pini dirini sini wazagai zi rgi n'arbani hlai n'amai gaiɗi ɗai na midiɗi yai. Ɗif n'aga a yima tini amai arni aŋ kai, na midini ɓa: ku za na ɗa a maɗa aŋ kaalai.

Daniyel 7:18

asakal hanɗa ɗai na sɗik na wiini Alaw n'Amai aga e niviti pai, paiɗi aga te hina tiɗi ɵa haa kureɗ, haa hlai n'a vada kai n'a vada kai.

Daniyel 7:20

miɗini amiyok na doogo na midini gaiɗi na ktai na te diyasi asakal par, na amiyok hu a rɗa edi wuzaɗi, amiyoki hanɗa, na arai piɗi ca, meŋ piɗi tiɓ, te muɗa seŋ na ɗewek, te tala amai te suwa marɗi na zamai;

Daniyel 7:8

Won hlai na mu na tala amiyok hanɗa, mu tiliti amiyoki n'agwiyeŋai ktai te diyasi azumai par piɗi marɗi, amiyoki hanɗa arai piɗi ca maini ɗif nɵa, meŋ piɗi tiɓ na te muɗa seŋ na ɗawakai gaini.

Daniyel 8:11

Spakɗi a riya amai haa sini paini wazagai zi rgi n'arbani hlai n'amai, te ɗala ɓaka n'e ziŋ war yivai kûreɗ-kûreɗ, hlaini na sɗik te bundaŋ hihir lai.

Daniyel 8:14

A wiyini seŋ: Haa ɓaka na koskoi gai na gorof par dubu sulu gai miya hu. Asakal hanɗa par, hlai na sɗik aga a waisi war balamni.

Daniyel 8:9

Siɗi ktai arbaɗi par amiyoki zamai agwi te diyasi, spakɗi viya viya war gal n'amai sek, piɗi futi na dawai sek, siɗi yai na pɗemi na te juva gara sek lai.

Daniyel 9:27

War kitini hlai na muguzak n'asakal aga a za dewele midiɗi ɗai viya aŋ zi bonu gaini. War galni hlai na muguzak n'asakal hanɗa, aga a ɗala wazagai n'e fiɗiŋ aŋ ɓaka, gaini avdi, emel gaini vin lai n'e kiŋsi war hlai zi ɓaka, ɗif zi ɓilki hlai hanɗa aga a za wazagai na haharai gara viya witaw tar tar, haa ɓilki n'edi n'a muɗasi miɗini a cosi miɗini a vadaŋ edi.

Hoseya 7:16

Aga e wiyisi, amma sa ta kai, e tili maini taŋ na gai fi ka nɵa, n'abakai zi ɵi wuze na wiiɗi aga e mri min kaɵkar, buriɗi elesiɗi na te muzuga miɗi pla pla gaini seŋ na meefeŋ n'e miɗiŋ sa ɗa, aha war Egipte ɗa, ɗai aga e ziɗi yewere lai.

2 Tesalonikekai 2:3

Ki hini ɗif a rhiki edi gaini yel na maɗi maɗi kai zaŋ. Hini n'edi na wiini yimi aga a za avut haw, na meefeŋ ɗa aga a siŋkasi sini edi haw lai, ni n'a na burini bi n'edi ɗa,

2 Tesalonikekai 2:4

a gaw n'aga a faka durguzi amai, a yika sini ba, a suwa wala n'e yikiŋ ɓa Alaw paŋ, na ɗai e ɗa hûrgû azumai wuzani ɗa, aga a niya haa amlai warni, tempel na wiini Alaw, a sumna amlai warni a yika sini dama ɓa a Alaw.

2 Tesalonikekai 2:8

Nɵa, na meefeŋ aga a siŋkasi sini edi, ni n'EPIƊ-ƊAI aga a fuɗaŋ edi gaini smer na mini par, n'aga a hazaŋ edi, won hlai n'ga a siŋkasi sini, edi war gizini.

Siŋki n'edi 12:14

Nɵa baada na graŋni muka n'abai na sulu a sa siɗi muni, buri te ɗufla edi war basga na kaɗataŋ war hlai n'a zizina buriɗi, buri te nava simniɗi woni, edi gaigai sini wala meefeŋ n'abai n'abai ɗa par, buri hlai ktai, hlai sulu, gal hlai ktai lai.

Siŋki n'edi 12:6

Amma muni ɗa te pra edi war basga na kaɗataŋ, war hlai n'Alaw a ziziniɗi hlaiɗi woni, kapai e siɗi simiɗi woni, haa mefeŋ dubu gai miya sulu gaini doogo doogo ɵaara.

Siŋki n'edi 14:12

Hanɗa a wala n'a siŋka siiki na wiiɗi na sɗik, n'e yimi seŋ zi gadai na wiini Alaw gaini yimi na war Yesu Kristu edi ɗa.

Siŋki n'edi 16:6

Buri nagai e mi feldi na sɗik gaiɗi ɗai na min Alaw edi, tiyana ku siɗi fel aŋ ci lai, a za gai futini.

Siŋki n'edi 17:6

Mu tiliti muni hanɗa gaini ciini gaini fel na wiiɗi na sɗik, gaini na wiiɗi zaidakaini Yesu, won hlai na mu tiliti, mu bunda hiyak gara.

Siŋki n'edi 18:24

Buri ɓa aha warku ɗa, e nivi fel a wiiɗi ɗai na min Alaw gaini na wiiɗi na sɗik gaini na wiiɗi nagai paŋ n'e fiɗiɗi edi midini afti.