Daniyel 7:14 - Ɗû na sɗik na wiini Alaw

¹⁴ spak, abai na pɗem gaiɗi pai lai a sa sini. Ɗai na war pinziba paŋ, midini afti paŋ, war meme meme paŋ lai aga e zi ɵeŋni, spakni a spak n'a vada kai, n'aga a sumna haa, paini te pai n'aga te ɓilka edi duk kai zaŋ.

Daniyel 7:14 Iomraidhean Croise

Yama na wiini David 102:22

Kapai ɗai e miɗi edi midini yikini EPIƊ-ƊAI war Siyon, e miɗi miɗini kol n'a sa sini war Yeruzalem lai,

Yama na wiini David 103:19

EPIƊ-ƊAI a tikiti paramaini zi pai amai war hlai n'amai, paini te ŋa miɗini wazagai paŋ.

Yama na wiini David 145:13

Paiku ɗa, te pai na vidiɗi aŋ kai, ŋi na ku ŋa ɗa ha sini pinziba na wuzaku sek. Alaw a jre war wazagai n'a zaŋ ɗa paŋ, a pɗem war sdakaini paŋ lai.

Yama na wiini David 146:10

EPIƊ-ƊAI aga a ŋa ɵa haa kureɗ, -Yeruzalem, Alaw na wiiku ɗa aga a ŋa ɵa haa hlai n'a vada kai n'a vada kai. Kûli EPIƊ-ƊAI!

Yama na wiini David 45:6

Ɓarawku ɗa mini sûweɗ sûweɗ gara, ɗai aga e kɵi war tuku, ɓaraw aga a ɓula agulɗi gawni pai ɗa,

Yama na wiini David 72:11

Paakai paŋ aga e hûrgû azumai wuzani, aga a ŋa miɗini pinzibaɗi ɗai paŋ.

Yama na wiini David 72:17

Yikini pai a wa ɵa haa kureɗ, na ɓa futi te na ɗa, yikini sini aŋ wa wuzani sek sek ɵa, ɗai e ɓiki marɗi gaini, pinzibaɗi ɗai pŋ aga e miɗi: Ɵeɗ aŋ miɗini.

Yama na wiini David 8:6

Ku zaŋ ɗa gobi a kata gaini alaw, ku sitini abai gaini kol lai.

Esaya 16:5

Paramaiɗi-payku aga te ɗiya gdeŋi war jre. Midiɗi Paramai hanɗa, war pinzibani David par, ɗif na jre aga a sumna midiɗi. A ɗif zi ɗûklûti sariya n'a za maini n'a na ɗa ɵa, a purma aŋ ziti sariya war jre lai.

Esaya 60:12

Pinzibaɗi ɗai na woɗi, zaw te paiɗi pai na wata ɗi, na e firiyi e gidi puku kai, aga e vidi edi kafa, ɗai hanɗa paŋ aga e nivi tûûri n'edi kafa.

Esaya 9:6

Sdani a na maini nɵa: Aga a wa tini midini hlai paŋ, a sa ɵeɗ na vidini aŋ kai wiiɗi Paramai zi pay na wiini David gaiɗi paini lai, aga a ɗiyiti gidiŋi, a hiniti te kɵa kai Aga a ɗiya midini zi na pin gadai gaini jre lai, tiyana par haa hlai n'a vada kai, Hanɗa wala na Sile zi diri na wiini EPIƊ-ƊAI zi spak paŋ aga a zaŋ ɗa.

Esaya 9:7

EPIƊ-ƊAI a ɵinasi seŋ ktai midiɗi pinzibani Yakob, seŋ hanɗa a kɵa midiɗi pay na Izrayel.

Daniyel 2:35

Nɵa kawai, afti, kiya, arzaŋ gaini or lai a sara edi paŋ, a bunda maini bra na fana edi war luluf nɵa, smer a fanaŋ, balamni a hina kir kai. Amma ahi-fuŋ n'a kɵa ezini wala zi rgi, a bunda aŋ huwuŋi n'amai na te va afti paŋ.

Daniyel 2:37

Jaamus, paiɗi paakai, tuku n'Alaw n'amai a sutuku pai, spak, gdaŋ gaiɗi abai na pɗem war tuku;

Daniyel 2:44

War mefeŋɗi paakai hanɗa, Alaw n'amai aga a kitisi pai ktai n'aga te ɓulka edi kai zaŋ, na paiɗi te sa tini pinziba zamai kai, aga te sara, te vada paakai hanɗa paŋ edi, aga te suma haa, haa kureɗ.

Daniyel 3:4

Paiɗi fet a ɗuula gaini wulani amai a muɗa: Mu na midiki tiki ɗai na war pinziba paŋ par, na midini afti na kiini kiini par, na war meme kiini kiini lai, ɵini seŋ hanɗa.

Daniyel 4:3

Mu sa futi buri e yikiɗiŋasi ɗai na yalakai na war Babilon paŋ aha sa kapai e siŋkiŋa ezini weseŋ zi pɵi hanɗa.

Daniyel 6:26

Nɵa pai Dariyus a ɗo siɗi ɗai na war pinziba paŋ, na midini afti paŋ, war meme paŋ na midiɗi yai maini nɵa: A juva ɓa Alaw a kasi ɵeɗ midini afti ɗa!

Daniyel 7:18

asakal hanɗa ɗai na sɗik na wiini Alaw n'Amai aga e niviti pai, paiɗi aga te hina tiɗi ɵa haa kureɗ, haa hlai n'a vada kai n'a vada kai.

Daniyel 7:27

Amma pai gaini spak gaiɗi abai na wiini pai na midiɗi yai paŋ a sa siɗi ɗai na sɗik na wiini Alaw n'Amai. Paiɗi te pai na te vada kai, ɗai zi spak na midini afti paŋ e hûrgû azumai wuzani, e gidi pini lai.

Abdiyas 1:21

Won hlai n'e pilitisi Yeruzalem edili ɗa aga e hili e tikiti huwuŋ na wiini Ezaw kapai e ŋiti paiɗi midiɗi, amma EPIƊ-ƊAI gaini midini dama aga a sumna aŋ pai midiɗi ɗaini.

Mika 4:7

Piɗi ɗai na dilakai n'a hina, aga mu ziɗi aŋ ɗai n aga e hini, nagai n'e miliɗi edi aŋ bege, aga mu bindiɗi aŋ pinziba zi spak. EPIƊ-ƊAI aga a sumna midiɗi aŋ pai amai midiɗi huwuŋ Siyon par, tiyana par, haa hlai na vada kai.

Matewus 11:27

Wazagai hanɗa paŋ, Api a saŋa war ta, ɗif n'a sɗa Api aŋ kai sai a ahi, gaini ni na ahi a siŋkaŋ arni ɗa lai.

Matewus 28:18

Yesu a torosi siɗi a miɗiɗi: spak paŋ a sa ta, na warni fuŋ-n'Alaw gaini na midiɗi yai lai,

Lukas 1:33

Ni aga a sumna aŋ pai miɗini pinzibani Yakob ɵa haa kureɗ, paini aga te vada kaalai.

Lukas 10:22

Wazagai paŋ a sasi ta sini Apa par, ɗif n'a sɗa Ahi aŋ kai, sai Api tar, ɗif a sɗa Api aŋ sai Ahi tar, gaini ni na Ahi a rga warni aŋ siŋkiŋni edi lai.

Yohana 12:34

Firiɗi ɗai e wiyi seŋ e miɗini: Tiyi mi ɵini war gadai zi ɗû par ɓa Kristu aga a sumna haa hlai n'a vada kai lai ɗa, kapai tuku ku miɗiyi ɓa: Sai Ahini ɗif a haga amai ɗa, Ahini ɗif ni ɗa asiya ɗa?

Yohana 3:35

Api a dara Ahi, nɵa a sini wazagai paŋ war tini.

Hebrekai 12:28

Buri nɵa, na ɓa pai n'aga mu nuvutumu ɗa te pai na te muguza kai ɗa, nɵa siŋkumu zini tese na wiimu sin Alaw, nɵa mu zumu ɵeŋni maini na ni a firiyaŋ nɵa, war yimi na pin Alaw, war hormo lai.

1 Peter 3:22

n'a hala amai war hlai n'amai, n'a sumna war hlai zi hormo na wiini Alaw, na ɗai zi ɵeŋ na war fuŋ n'Alaw, n'abakai na zi spak paŋ e ɗa azumai pini.

Siŋki n'edi 1:6

n'a bundumusi aŋ aliɗi pai, aŋ paakai zi ɓaka na wiini Alaw Epini, sin ni kol gaini spak haa hlai n'a vada kai, n'a vada kai. Amen.

Siŋki n'edi 11:15

Nɵa, ɗif zi ɵeŋ na war fuŋ-n'Alaw n'ag'aŋ muguzak a biyiti faanai na wiini ɗa, wule n'abakai a wasi amai war fuŋ-n'Alaw par a muɗa: Pai na midiɗi yai ɗa, te sa war tini Epiɗ-ɗai na wiimu gaini Kristu na wiini. Aga a ŋa haa hlai n'a vada kai, n'a vada kai.

Siŋki n'edi 17:14

Aga a hitima Ahiɗi adumi, Ahiɗi-adumi aga a rɗa amai midiɗi, buri ni a Epiɗ-ɗai na wiiɗi Epiɗ-ɗai paŋ, a pai na wiiɗi paakai paŋ lai. Nagai n'e yikisi, zi viri n'edi, na jrekai lai ɗa aga e rɗi amai gaini lai.

Siŋki n'edi 3:21

Ni n'a rɗa amai li ɗa, aga mu sini hlai aŋ sumna gaya midiɗi paramaiɗi-pai na wiya, maini na ta lai, won hlai na mu rɗa amai, mu sumna gaini Apa midiɗi Paramai zi pai na wiini nɵa.