Daniyel 5:7 - Ɗû na sɗik na wiini Alaw

⁷ Pai a ɗuula gaini gdaŋni buri e yikiɗiŋsi ɗai zi zi evek, paakaiɗi zi ɓaka, gaiɗi zi siɗi wuti lai. Pai a tika seŋ a miɗiɗi wiiɗi ɗai na yalakai na Babilon: Asiaɗi paŋ na ŋa ɗû hanɗa li, a siŋkiŋa ezini hanɗa li lai, aga mu witini sapai zi pai sini, aga mu ɵitini aiduwi zi or wulani, aga aŋa arbaɗi n'abakai na hu na midiɗi pai.

Daniyel 5:7 Iomraidhean Croise

Pi zi tiki 41:8

Gorof par Faraw hangalni a tuura a yikiɗisi ɗai zi hiila gaiɗi ɗai na yalakai n'Egipte ɗa paŋ, a virniɗi weseŋ n'a pɵaŋ paŋ, amma ɗif ktai a kiɗa aŋ siŋkini ezini seŋ hanɗa edi wiini Faraw kai.

Ester 3:1

Asakalni wazagai hanɗa paŋ, pai Serkises a sini sda n'abai wiini Haman n'ahini Hamedata ɗif na war pinzibani Agag, a zaŋ aŋ ɗif n'abai, a tikaŋ midiɗi ŋarakai na wiini paŋ.

Niyi n'edi 7:11

Amma Faraw a yikiɗisi ɗai na yalakai gaiɗi zi siɗi wuti ɗai zi zi hiila na war Egipte, e zi hanɗa kal kal maiɗi nagai nɵa.

Seŋ joro 1:9

buri ɓa a na maiɗi bogorai na juvi na muduku nɵa, maiɗi aiduwi na wulaku nɵa.

Yama n'a suwa yama paŋ 1:10

Galaiku a tala juf gara azumai pini wala na ɵime na mogo kai par, wulaku ɗe juf gara arbani aidaw lai.

Esaya 47:13

Ku paya yel haa, muku gai tiki ta, haa ku kaya. Tiyana ɗa nagai n'e siɗi ɓrawni hlai n'amai n'a na ta ta ɗa, n'e siɗi sdani meeɵek, gaini tile gaiɗi futi lai, n'e siɗi wala n'aga a za suku, pin diyini tile ɗa, e hilisi e kurɗuku edi haw kir ka!

Yeremiyas 50:35

Kaɵkar, faka amai siɗi ɗai na Babilon, a miɗi na sini EPIƊ-ƊAI par, siɗi ɗai n'e simni war Babilon siɗi paakai gaiɗi na yalakai.

Ezekiyel 16:11

Mu wuku wazagai zi gaŋ suku: Wala na wulani tuku, aidaw na wulaku,

Daniyel 1:20

War seŋ zi yel gaini hiini zi hulum paŋ na pai a payaŋ siɗi par ɗa, a niviɗi ɗa e sûwiɗi ɗai zi hiila gaiɗi ɗai zi siɗi wuti n'e ɗa midini aftini paŋ azi doogo.

Daniyel 1:4

E ɗi gawlakai na tirki siɗi kai, n'e tili zafai, na yalakai gara, n'e siɗi wala gara n'e siɗi zini seŋ paŋ, na gdaŋai lai kapai e siɗi aŋ zi sda ahani pai, aga e hitriɗi ɗû gaini miɗi na wiiɗi ɗai na Babilon.

Daniyel 2:2

Pai a sa futi buri e yikiɗinisi ɗai zi hiila, zi siɗi wuti, zi zi evek

Daniyel 2:27

Daniyel a waya seŋ wiini pai a muɗa: Wala zi ŋoyai na pai a payaŋ na ɗa, ɗif na yel zaw, zi hiila zaw, zi siɗi wuti zaw, z'evek n'a kiɗa aŋ siŋkini wiini pai aŋ kai.

Daniyel 2:48

Nɵa pai a riya Daniyel amai, a sini katu n'abakai viya lai, a tikaŋ aŋ Lawan na wiiɗi Babilon, a tikaŋ aŋ abai midiɗi ɗai na yalakai na war Babilon paŋ.

Daniyel 2:6

Amma na ɓa ki siŋkiŋa weseŋ na pɵaŋa li, ki siŋkiŋa ezini li lai, aga mu siki katu viya, mu riya faraiki amai, aga ki nivi kol viya wuzaɗi ɗai lai. Nɵa siŋkiŋa weseŋ na pɵaŋa gaini ezini edi.

Daniyel 4:14

Wala n'a za hanɗa a za pin ɗiyini seŋ na wiiɗi ɗai zi ɵeŋ zi giɗimi, seŋ hanɗa a za pin miɗi na wiiɗi na sɗik lai, kapai ɗai na karɗi e siɗi ɓa Alaw n'Amai a epingezaɗi paakai paŋ, a siti pai wiini ni n'a daraŋ a sa rɗi n'amai wiini ɗif n'asakal piɗi marni lai.

Daniyel 5:11

Avut par, war mefeŋ na wiini apuku, ɗif ktai a na ka, yikini ɓa Daniyel, tiyana a na midini aftiku lai, seze na wiini alawai na sɗik aŋ sini, n'a sɗa wala n'a vuga gaini na wuze. A siɗa ezini wazagai n'a hulamai, yel na midini ɗa, maini na wiiɗi alawai nɵa. Pai Nebukadnezar n'apuku a tikaŋ aŋ abaiɗi ɗai zi hiila, z'evek, midiɗi paakaiɗi zi ɓaka gyɗi zi siɗi wuti lai. Hanɗa a wala na pai n'apuku a zaŋ.

Daniyel 5:15

E yikiɗiŋasi ɗai na yalakai, gaiɗi ɗai zi zi evek, kapai eŋi wala na ɗoha amai sini hlai, kapai e siŋkiŋa ezini lai. Amma e kiɗi aŋ siŋkiŋa ezini wala hanɗa kai.

Daniyel 5:16

Amma ta, mu ɵina ɓa tuku ku kiɗa aŋ siŋkiŋa ezini wazagai edi, ku vada seŋ lai. Tiyana ɗa, na ɓa ku kiɗa ku ŋa ɗû hanɗa, ku siŋkiŋa ezini edi lai ɗa, aga ku wuti sapai zi pai suku, aiduwi zi or wulaku, aga ku ŋa arbaɗi na hu na midiɗi pai lai.

Daniyel 5:29

Nɵa Baltazar a sa futi buri e witini sapai zi pai sini Daniyel, a ɵitini aiduwi zi or wulani lai. E si miɗi edi midini ɓa ni aga a ŋa arbaɗi nagai na hu na wiiɗi pai.

Piɵi 22:17

Aga mu zuku aŋ ɗif n'abai, wala paŋ na ku zilbaŋ li ta ɗa aga mu suŋku. Za barka halasi, ku tûûsiɗiŋa ɗai hanɗa.

Piɵi 22:7

Abakai n'arbaɗi ɗai na Mowab gaiɗi abakai n'arbaɗi ɗai na Madiyan e hili piɗi marɗi, e piyi like tiɗi wiini ɗif zi tili wazagai na wuze ɗa. E cû sini Balaam, e miɗini seŋ na Balak a miɗiŋɗisi ɗa.

Piɵi 24:11

Tiyana ɗa, faka waya wiiku aha. Mu muɗuku ɓa aga mu sutuku abai, amma EPIƊ-ƊAI a firiya ɓa mu sutuku abai hanɗa kai.

1 Samuwel 17:25

Ɗai na Izrayel e miɗi: Ɗif n'a na halasi na ɗa, ki tiliŋ ya tiɓ ɗi? A halasi na ɗa aŋ miɗiɗi seŋ na ɗewek wiiɗi ɗai na Izrayel. Ɗif n'a fuɗaŋ li ɗa, pai aga a sini farai viya, aga a sitini ahini aŋ muni, pinzibani aga a sa tar aha war Izrayel kaalai.