Daniyel 5:16 - Ɗû na sɗik na wiini Alaw

¹⁶ Amma ta, mu ɵina ɓa tuku ku kiɗa aŋ siŋkiŋa ezini wazagai edi, ku vada seŋ lai. Tiyana ɗa, na ɓa ku kiɗa ku ŋa ɗû hanɗa, ku siŋkiŋa ezini edi lai ɗa, aga ku wuti sapai zi pai suku, aiduwi zi or wulaku, aga ku ŋa arbaɗi na hu na midiɗi pai lai.

Daniyel 5:16 Iomraidhean Croise

Pi zi tiki 40:8

E wiyi seŋ e miɗi: Weseŋ a piɵiyi, ɗif n'a sɗa aŋ siŋkiyi ezini edi aŋ kai. Nɵa Yosef a miɗiɗi: a Siŋka ezini wala edi a Alaw kai ɗi? Vurnaŋa weseŋ hanɗa haw.

Pi zi tiki 41:15

Pai a miɗini wiini Yosef: Weseŋ a pɵaŋa, ɗif ktai n'a kiɗa a siŋkaŋa ezini edi aŋ kai, amma mu ɵina e ɗa miɗi muduku ɓa, won hlai na e vurnuku weseŋ zi pɵi li ku kiɗa aŋ siŋka ezini edi lai.

Pi zi tiki 41:42

A witisi adoŋoi tini par, a witini tini Yosef, a wiini sapa zi leŋ sini, a ɵitini aiduwi zi or wulani lai.

Daniyel 2:48

Nɵa pai a riya Daniyel amai, a sini katu n'abakai viya lai, a tikaŋ aŋ Lawan na wiiɗi Babilon, a tikaŋ aŋ abai midiɗi ɗai na yalakai na war Babilon paŋ.

Daniyel 2:6

Amma na ɓa ki siŋkiŋa weseŋ na pɵaŋa li, ki siŋkiŋa ezini li lai, aga mu siki katu viya, mu riya faraiki amai, aga ki nivi kol viya wuzaɗi ɗai lai. Nɵa siŋkiŋa weseŋ na pɵaŋa gaini ezini edi.

Daniyel 5:29

Nɵa Baltazar a sa futi buri e witini sapai zi pai sini Daniyel, a ɵitini aiduwi zi or wulani lai. E si miɗi edi midini ɓa ni aga a ŋa arbaɗi nagai na hu na wiiɗi pai.

Daniyel 5:7

Pai a ɗuula gaini gdaŋni buri e yikiɗiŋsi ɗai zi zi evek, paakaiɗi zi ɓaka, gaiɗi zi siɗi wuti lai. Pai a tika seŋ a miɗiɗi wiiɗi ɗai na yalakai na Babilon: Asiaɗi paŋ na ŋa ɗû hanɗa li, a siŋkiŋa ezini hanɗa li lai, aga mu witini sapai zi pai sini, aga mu ɵitini aiduwi zi or wulani, aga aŋa arbaɗi n'abakai na hu na midiɗi pai.

Daniyel 6:2

A tala arni Dariyus pɗem buri a miliɗi satrapai miya gai caaɓa war sda, kapai a tikiɗi edi midini aftini ta ta;

Sdaɗi Apostelai 8:18

Won hlai na Simun a tala ɓa, Apostelai e mili tiɗi li midiɗi ɗai ɗa e nivi Seze-sɗik ɗa, a kiɗisi sulai a muɗa: